ກອງທັບປະຊາຊົນລາວ

ວັນເສົາ, ວັນທີ 25 ກັນຍາ 2021



ໂຮງຮຽນການທະຫານທ້ອງຖິ່ນ ທະຫານແຂວງເຊກອງປິດບັ້ນອົບຮົມຫັດແອບ ປະຈຳປີ 2021
ເວລາອອກຂ່າວ: 2021-09-15 10:52:10 | ຜູ້ຂຽນ : admin2 | ຈຳນວນຄົນເຂົ້າຊົມ: 6 | ຄວາມນິຍົມ:



ໃນວັນທີ 3 ກັນຍາ 2021 ນີ້,ໂຮງຮຽນການທະຫານທ້ອງຖິ່ນ ທະຫານແຂວງເຊກອງ,ປິດບັ້ນອົບຮົມຫັດແອບການເມືອງ, ການທະຫານ ແລະ ພະລາທິການ-ເຕັກນິກຊຸດທີ XXII ປະຈຳປີ 2021,ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ທອງສີ ກຸນສະນະ ຫົວໜ້າການທະຫານ ກອງບັນຊາການ ທະຫານແຂວງເຊກອງ,ມີຄະນະພັກ-ຄະນະບັນຊາ ອົງການ 5 ຫ້ອງ,ພະແນກການກ່ຽວຂ້ອງ ຕະຫຼອດຮອດພະນັກງານຄູ-ອາຈານ ແລະ ນັກຮຽນເຂົ້າຮ່ວມ. ສະຫາຍ ພັນຕີ ວິໄຊ ໄໝສະໝີ ຫົວໜ້າການທະຫານໂຮງຮຽນການທະຫານທ້ອງຖິ່ນ,ໃຫ້ຮູ້ວ່າ : ການຈັດຕັ້ງອົບຮົມຫັດແອບໃຫ້ນັກຮຽນຊຸດທີ XXII ປະຈຳປີ 2021 ນີ້,ທຸກພາກສ່ວນໄດ້ພ້ອມກັນເອົາໃຈໃສ່ຈັດຕັ້ງປະຕິບັດການຮຽນ-ການສອນທັງພາກທິດສະດີແລະພາກປະຕິບັດຕົວຈິງໃນໄລຍະ 3 ເດືອນຜ່ານມາຄະນະພັກ-ຄະນະອຳນວຍການ,ພ້ອມດ້ວຍພະນັກງານຄູ-ອາຈານ ແລະ ນັກຮຽນ ໄດ້ພ້ອມກັນເອົາໃຈໃສ່ຢ່າງຕັ້ງໜ້າ ໃນການຈັດຕັ້ງປະຕິບັດຂ້ໍກຳນົດກົດລະບຽບວິໃນຢ່າງເຂັ້ມງວດ,ໂດຍຍົກສູງທາງດ້ານຄຸນນະພາບທາງດ້ານການເມືອງ-ການທະຫານ ແລະ ພະລາທິການເຕັກນິກເປັນບັນຫາສຳຄັນ, ຊຶ່ງໄດ້ຮັບການຖອດຖອນບົດຮຽນຈາກປະສົບການໃນການຈັດຕັ້ງປະຕິບັດໂຄງການຫຼັກສູດການຮຽນ-ການສອນໃນໄລຍະທີ່ຜ່ານມາ,ພ້ອມກັນເສີມຂະຫຍາຍດ້ານຈຸດດີ,ແກ້ໄຂດ້ານອ່ອນແລະຂ້ໍຄົງຄ້າງ,ຖືເອົາການຮຽນ-ການສອນແບບມີມູນເຊື້ອອັນດີງາມທີ່ໄດ້ຈັດຕັ້ງປະຕິບັດໃນໄລຍະຜ່ານມາ ເພື່ອຮັບປະກັນທາງດ້ານເນື້ອໃນໃຫ້ຄົບຖ້ວນສົມບູນ,ຫັນເອົາພາກທິດສະດີແລະພາກຈັດຕັ້ງປະຕິບັດຕົວຈິງຖືເປັນຫຼັກການໃຫ້ແກ່ພຶດຕິກຳໃນພາກສະໜາມຕາມໂຄງການຫຼັກສູດ ແລະ ພ້ອມທັງປະຕິບັດຄຳສັ່ງແນະນຳຂອງກົມໃຫຍ່ເສນາທິການກອງທັບ,ກໍ່ຄືທິດຊີ້ນຳຂອງຄະນະພັກກອງບັນຊາການ ທະຫານແຂວງເຊກອງ,ວ່າດ້ວຍການອົບຮົມຫັດແອບປະຈຳປີ 2021ວາງອອກຢ່າງຖືກຕ້ອງ-ເຂັ້ມງວດ,ຜ່ານການຈັດຕັ້ງອົບຮົມຫັດແອບໃນຄັ້ງນີ້, ສາມາດສົ່ງຄວາມຮັບຮູ້ໃຫ້ນັກຮຽນເຂົ້າຮ່ວມ ແລະ ປະຕິບັດໃນການສອບເສັງຕົວຈິງ 63 ສະຫາຍ,ໃນນັ້ນ ບັນລຸໄດ້ຂັ້ນເກັ່ງມີ 14 ສະຫາຍ,ກາງ 46 ສະຫາຍ,ຄາດໝາຍ 3 ສະຫາຍ,ໄດ້ຮັບຍ້ອງຍໍບຸກຄົນດີເດັ່ນຂັ້ນໂຮງຮຽນມີ 5 ສະຫາຍ ,ໃບຊົມເຊີຍ 10 ສະຫາຍ,ໄດ້ຮັບການເລື່ອນຊັ້ນ II ເລື່ອນຂື້ນຊັ້ນ I ມີ 30 ສະຫາຍ ,ພ້ອມທັງມອບໃບໃບຢັ້ງຢືນການອົບຮົມຫັດແອບໃຫ້ນັກຮຽນ ທະຫານໃໝ່ ຊຸດທີ XXII ຢ່າງສົມກຽດ. ໂອກາດນີ້ ສະຫາຍ ພັນເອກ ທອງສີ ກຸນສະນະ ໄດ້ສະແດງຄວາມຍ້ອງຍໍຊົມເຊີຍ ຕໍ່ຄະນະພັກ-ຄະນະບັນຊາການ,ຕະ ຫຼອດຮອດພະນັກງານຄູ-ອາຈານ ແລະ ນັກຮຽນ ທີ່ໄດ້ພ້ອມກັນເອົາໃຈໃສ່ປະຕິບັດການຮຽນ-ການສອນ ດ້ວຍຜົນສຳເລັດຢ່າງຈົບງາມ,ສາມາດຮັບປະກັນໄດ້ຄວາມປອດໄພ 100 % ແລະໄດ້ຮຽກຮ້ອງໃຫ້ບັນດານັກສຳມະນາກອນທຸກສະຫາຍ,ຈົ່ງພ້ອມກັນເອົາໃຈໃສ່ຖືເອົາການສຶກສາອົບຮົມການເມືອງນຳພາແນວຄິດເປັນບັນຫາສຳຄັນ,ພ້ອມກັນນຳເອົາເນື້ອໃນບົດຮຽນອັນສຳຄັນດັ່ງກ່າວທີ່ຕົນເອງໄດ້ຮຽນມາ ນຳໄປຈັດຕັ້ງປະຕິບັດໝູນໃຊ້ເຂົ້າໃນໜ້າທີ່ວຽກງານຕົວຈິງໃຫ້ມີປະສິດພາບສູງຂື້ນຢ່າງບໍ່ຢຸດຢັ້ງ. ່ໂດຍ: ຮ້ອຍເອກ ທອງມີ ຈັນທະວີວັນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ