ກອງທັບປະຊາຊົນລາວ

ວັນເສົາ, ວັນທີ 25 ກັນຍາ 2021



ກວດພົບຜູ້ຕິດເຊື້ອໃໝ່ 223ຄົນ,ຊຸມຊົນ 158 ຄົນ.
ເວລາອອກຂ່າວ: 2021-09-15 11:30:59 | ຜູ້ຂຽນ : admin2 | ຈຳນວນຄົນເຂົ້າຊົມ: 55 | ຄວາມນິຍົມ:



ອີງຕາມການລາຍງານໃນວັນທີ 15 ກັນຍາ 2021ນີ້້,ທີ່ສະເໜີໂດຍທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ພ້ອມດ້ວຍ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ, ຮອງຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ​, ຮອງຫົວໜ້າຄະນະສະເພາະກິດ, ຜູ້ປະຈຳການ, ຫົວໜ້າກອງເລຂາຄະນະສະເພາະກິດ ຈະຖະແຫຼງຂ່າວ ກ່ຽວກັບ ການສືບຕໍ່ຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ-19 ໃນໄລຍະວັນທີ 16 ກັນຍາ ຫາ30 ກັນຍາ 2021 ພ້ອມທັງ ແລະ ບັນດາຂໍ້ແນະນຳ. ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 14 ກັນຍາ 2021: ໄດ້ກວດວິເຄາະທັງໝົດ 5,233 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 223 ຄົນເຊິ່ງຕິດເຊື້ອໃນຊຸມຊົນ 158 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 65 ຄົນ ຈາກ ແຂວງສະຫວັນນະເຂດ 27 ຄົນ, ນະຄອນຫຼວງ 19 ຄົນ, ຈໍາປາສັກ 9 ຄົນ, ຄຳມ່ວນ 4 ຄົນ, ສາລະວັນ 3 ຄົນ ແລະ ຫຼວງພະບາງ 3​ ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກຕ່າງປະເທດ ເຂົ້າຕາມຈຸດຜ່ານແດນສາກົນ. ສໍາລັບການຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ແລະ ບັນດາແຂວງແມ່ນມີລາຍລະອຽດດັ່ງນີ້: ນະຄອນຫຼວງ 2 ຄົນ:ເພດຊາຍ, ອາຍຸ 29 ປີ, ບ້ານນາທົ່ມ, ເມືອງໄຊທານີ, ອາຊີບ: ພະນັກງານ ປກສ, ບໍ່ມີພະຍາດປະຈຳໂຕ, ໄດ້ສັກວັກຊີນຄົບໂດສ. ຜູ້ກ່ຽວປະຈຳການຢູ່ສູນຈຳກັດບໍລິເວນ ມຊ ແຕ່ວັນທີ 6 ຫາ 31 ສິງຫາ 2021 ( ວັນທີ 30 ສິງຫາ 2021 ຜູ້ກ່ຽວກວດບໍ່ພົບເຊື້ອ ແຕ່ໝູ່ຂອງຜູ້ກ່ຽວ ກວດພົບເຊື້ອ ​). ວັນທີ 1​ ກັນຍາ 2021​ ເຂົ້າຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ ຈົນມາຮອດ ວັນທີ 14 ກັນຍາ ໄດ້ເກັບຕົວຢ່າງກວດຄັ້ງທີ 2 ຈຶ່ງພົບເຊື້ອ. ເພດຊາຍ, ອາຍຸ 58 ປີ, ບ້ານດ່ານຊ້າງ, ເມືອງໄຊທານີ, ອາຊີບ: ພະນັກງານ ປກສ, ບໍ່ມີພະຍາດປະຈຳໂຕ, ໄດ້ສັກວັກຊີນຄົບໂດສ. ຜູ້ກ່ຽວເປັນຜູ້ສຳຜັດໃກ້ຊິດກັບຜູ້ຕິດເຊື້ອ. ວັນທີ 6 ຫາ 8 ກັນຍາ ຜູ້ກ່ຽວເຂົ້າຮ່ວມກອງປະຊຸມທາງໄກຢູ່ຫ້ອງການ ມີເພື່ອນຮ່ວມງານ 10 ກວ່າຄົນ ວັນທີ 11 ຫາ 12 ກັນຍາ ຢູ່ບ້ານ ວັນທີ 13 ກັນຍາ ມາການປົກກະຕິ ວັນທີ 14 ກັນຍາ ຄອບຄົວ (ພັນລະຍາຕິດເຊື້ອ) ຈຶ່ງໄດ້ໄປກວດ ແລະ ພົບເຊື້ອ ຄຳມ່ວນ 17 ຄົນ:​ ບ້ານ ໂພນສະອາດ, ເມືອງ ທ່າແຂກ 4 ຄົນ ບ້ານ ນາຫຍາຫວາຍ, ເມືອງ ທ່າແຂກ 3 ຄົນ ບ້ານ ດົງມ່ວງໄຂ່, ເມືອງ ທ່າແຂກ 2 ຄົນ ບ້ານ ສັນຕິສຸກ, ເມືອງ ທ່າແຂກ 2 ຄົນ ບ້ານ ຈອມແກ້ວ, ເມືອງ ທ່າແຂກ 1 ຄົນ ບ້ານ ຈອມເພັດ, ເມືອງ ທ່າແຂກ 1 ຄົນ ບ້ານ ຈອມທອງ, ເມືອງ ທ່າແຂກ 1 ຄົນ ບ້ານ ສຸກສະຫວັນ, ເມືອງ ທ່າແຂກ 3 ຄົນ ທ່ານ ນາງ ທິບພະກອນ ຈັນທະວົງສາ ໃຫ້ຮູ້ຕື່ມອີກວ່າ:ພະຍາດໂຄວິດ-19 ຍັງສືບຕໍ່ລະບາດ ແລະ ສົ່ງຜົນກະທົບໃນທົ່ວໂລກ ແລະ ສປປ ລາວ; ເພື່ອສະກັດກັ້ນ ແລະ ຕັດວົງຈອນຂອງການລະບາດໃຫ້ສາມາດຄວບຄຸມໄດ້ ຈຶ່ງຂໍຮຽກຮ້ອງມາຍັງ ທຸກພາກສ່ວນໃນສັງຄົມຈົ່ງພ້ອມໃຈກັນຮ່ວມມືປະຕິບັດມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ ເຊັ່ນ: ງົດການເດີນທາງໄປໃນເຂດທີ່ມີການລະບາດ, ເຂດທີ່ມີຄວາມສ່ຽງສູງ ແລະ ແອອັດ, ການຮັກສາໄລຍະຫ່າງ, ໝັ່ນລ້າງມືເລື້ອຍໆ, ໃສ່ຜ້າປິດປາກ-ດັງ ເມື່ອອອກຈາກບ້ານ ແລະ ການສັກວັກຊີນໃຫ້ຄົບ ຍັງຖືວ່າ ເປັນມາດຕະການປ້ອງກັນການຕິດເຊື້ອໂດຍພື້ນຖານ ເປັນວິທີທີ່ດີທີ່ສຸດໃນປັດຈຸບັນ ແລະ ຍັງຈະສືບຕໍ່ປະຕິບັດ ຈົນກວ່າສະພາບຈະກັບມາເປັນປົກກະຕິ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ