POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 11 ກໍລະກົດ 2026

ຫ້ອງພະລາທິການ ວພກ ຈັດພິທີມອບຮັບໜ້າທີ່
ເວລາອອກຂ່າວ: 2021-10-11 12:37:02 | ຜູ້ຂຽນ : admin1 | ຈຳນວນຄົນເຂົ້າຊົມ: 848 | ຄວາມນິຍົມ:

ໃນຕອນແລງຂອງວັນທີ 1 ຕຸລາ 2021 ຜ່ານມານີ້ ຫ້ອງພະລາທິການ ວິທະຍາຄານພະລາທິການກອງທັບ(ວພກ) ໄດ້ຈັດພິທີມອບຮັບໜ້າທີ່ ຮອງຫົວໜ້າຫ້ອງພະລາທິການ ຜູ້ເກົ່າ ແລະ ຜູ້ໃໝ່ ຂຶ້ນ ໂດຍໃຫ້ກຽດເຂົ້າຮ່ວມຂອງສະຫາຍ ພັນເອກ ບຸນກ້ຽງ ວົງສາລາດ ຫົວໜ້າການເມືອງ ວິທະຍາຄານພະລາທິການກອງທັບ ມີຮອງຫົວໜ້າ ຜູ້ເກົ່າ ແລະ ຜູ້ໃໝ່ ມີຄະນະພັກຮາກຖານ ແລະ ພະແນກການທີ່ກ່ຽວຂ້ອງເຂົ້າຮ່ວມ. ອີງຕາມຂໍ້ຕົກລົງແຕ່ງຕັ້ງ ຂອງຄະນະພັກກະຊວງປ້ອງກັນປະເທດ ສະບັບເລກທີ 3766/ກປທ ລົງວັນທີ 31 /8/2021 ວ່າດ້ວຍການປະກາດການຈັດຕັ້ງ ຂັ້ນບັນຊາ ຢູ່ວິທະຍາຄານພະລາທິການກອງທັບ ອີງຕາມທິດທາງການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນກໍາລັງປະກອບອາວຸດ ໃຫ້ເຂັ້ມແຂງ, ໜັກແໜ້ນ ແລະ ຮອບດ້ານ ເພື່ອເຮັດສຳເລັດໜ້າທີ່ ປົກປັກຮັກສາ ແລະ ສ້າງສາພັດທະນາປະເທດຊາດ ໂດຍປະຕິບັດຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ ແລະ ຍົກຍ້າຍ ນາຍທະຫານກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນໂທ ຄຳເຟືອງ ທິບດາມອນ ໄປເປັນຫົວໜ້າຫ້ອງ ການບໍລິຫານ ປ່ຽນແທນ ພັນໂທ ສົມເພັດ ວົງພະຈັນ ໄປຮັບໜ້າທີ່ໃໝ່, ພັນໂທ ວົງເພັດ ກວ່ານມະນີວົງ ເປັນຮອງຫົວໜ້າຫ້ອງພະລາ ປ່ຽນແທນສະຫາຍ ພັນໂທ ຄໍາເຟືອງ ທິບດາມອນ ພ້ອມນີ້ກໍ່ເພື່ອເຮັດໃຫ້ການຈັດຕັ້ງປະຕິບັດໜ້າທີ່ວຽກງານຖືກຕ້ອງຕາມຫຼັກການນໍາພາຂອງພັກ ແລະ ແບບແຜນວິທີເຮັດວຽກ ໃຫ້ມີຄວາມໜັກແໜ້ນ ເຂັ້ມແຂງຮອບດ້ານ, ເຮັດສຳເລັດໜ້າທີ່ການເມືອງ ທີ່ພັກ-ລັດ ມອບໝາຍໃຫ້ຢ່າງມີຜົນສໍາເລັດ ຈາກນັ້ນໄດ້ເຊັນບົດບັນທຶກ ແລະ ມອບຮັບໜ້າທີ່ ລະຫວ່າງຜູ້ເກົ່າ ແລະ ຜູ້ໃໝ່. ໂອກາດນີ້ ສະຫາຍ ພັນເອກ ບຸນກ້ຽງ ວົງສາລາດ ໄດ້ໃຫ້ກຽດໂອ້ລົມຕໍ່ພິທີ ເຊິ່ງສະຫາຍໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນງານໃນການເຄື່ອນໄຫວເຮັດໜ້າທີ່ໃນໄລຍະທີ່ຜ່ານມາ ພ້ອມທັງເນັ້ນໜັກໃຫ້ບັນດາສະຫາຍທີ່ໄດ້ຮັບໜ້າທີ່ໃໝ່ໃນຄັ້ງນີ້ ຈົ່ງຍົກສູງນ້ຳໃຈຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ທີ່ໄດ້ຮັບມອບໝາຍໃຫ້ສູງເດັ່ນ, ຕັ້ງໜ້າຄົ້ນຄ້ວາ ຄວາມຮູ້, ຄວາມສາມາດ, ແບບແຜນວິທີເຮັດວຽກ ທີ່ທັນສະໄໝ. ລວມສູນປະຊາທິປະໄຕ ນຳພາເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ເອົາໃຈໃສ່ທາງດ້ານການເມືອງ-ແນວຄິດ ຕິດພັນແໜ້ນກັບວິຊາສະເພາະໜ້າທີ່ການເມືອງຂອງກົມກອງໃຫ້ມີຜົນສຳເລັດ ເພື່ອພ້ອມກັນພັດທະນາກົມກອງ ໃຫ້ມີປະລິມານ ແລະ ຄຸນນະພາບສູງ ທັງບັນລຸໄດ້ຕາມລະດັບຄາດໝາຍທີ່ວາງໄວ້ ແລະ ພ້ອມກັນປັບປຸງກົມກອງໃຫ້ມີແບບແຜນທັນສະໄໝຂຶ້ນເທື່ອລະກ້າວ. ໂດຍ: ພັນໂທ ບຸນມີ ເພັງມີໄຊ

news to day and hot news