ວັນສຸກ, ວັນທີ 06 ທັນວາ 2024
ໂຍນໝາກຄອນແມ່ນກິຈະກຳສຳຄັນຂອງປະເພນີບຸນກິນຈຽງ
ເວລາອອກຂ່າວ: 2019-01-10 10:09:32 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 326 | ຄວາມນິຍົມ: 
ບຸນກິນຈຽງແມ່ນງານບຸນ ປະເພນີສຳຄັນໜຶ່ງຂອງຊົນເຜົ່າ ມົ້ງ ແລະ ໄດ້ຈັດຂຶ້ນໃນຕົ້ນເດືອນ ມັງກອນຂອງທຸກໆປີ, ພາຍຫຼັງ ທີ່ສຳເລັດຈາກການເກັບກ່ຽວ ຜົນລະປູກ, ໂດຍມີຈຸດປະສົງ ເພື່ອເປັນການຮັກສາຮີດຄອງປະ ເພນີອັນດີງາມທີ່ສືບທອດກັນມາ ແຕ່ບັນພະບູລຸດເຊັ່ນ: ພິທີບູຊາ ເສັ່ນໄຫວ້, ການຜູກຂໍ່ຕໍ່ແຂນ, ໂຍນໝາກຄອນ ແລະ ອື່ນໆ.
ຕາມຮີດຄອງປະເພນີບຸນກິນ ຈຽງຂອງຊົນເຜົ່າມົ້ງ ເຊິ່ງລວມ ມີສອງກິດຈະກຳສຳຄັນໃນນັ້ນມີ ພິທີໄຫວ້ບູຊາບັນພະບູລຸດ, ຜູກຂໍ່ ຕໍ່ແຂນ ແລະ ອີກກິດຈະກຳໜຶ່ງ ແມ່ນການຫຼິ້ນແບບພື້ນບ້ານ, ພື້ນ ເມືອງຄື: ການໝູນໝາກຂ່າງ, ຍູ້ ໄມ້ສ້າວ, ງົວຊົນງົວ, ຂັບລຳເປົ່າ ແຄນ, ການສະແດງບົດຟ້ອນ ຕ່າງໆ ແຕ່ທີ່ຂາດບໍ່ໄດ້ ແລະ ເປັນ ຈຸດເດັ່ນຂອງງານແທ້ໆ, ແມ່ນ ການໂຍນໝາກຄອນ, ເຊິ່ງມີຄວາມ ໝາຍແບບການເຊື່ອຖືສາສະໜາ ແລະ ຄວາມອຸດົມສົມບູນຢ່າງແທ້ ຈິງ ຄ້າຍຄືກັບການຂໍຮ້ອງສິ່ງ ສັກສິດຈົ່ງດົນບັນດານໃຫ້ທຸກ ຄົນມີສຸຂະພາບແຂງແຮງ, ພືດພັນ
ຈະເລີນງອກງາມ ແລະ ໃນບຸນ ດັ່ງກ່າວຍັງເປັນໂອກາດດີ ສຳລັບ
ການຊອກສະແຫວງຫາຄວາມຮັກ
ແພງຂອງຄູ່ບ່າວສາວອີກດ້ວຍ.
ການໂຍນໝາກແມ່ນມີຄວາມ ສຳຄັນ ແລະ ມ່ວນຊື່ນຫຼາຍນັບ ທັງຄູ່ບ່າວສາວໜຸ່ມນ້ອຍຕະຫຼອດ ຮອດຜູ້ເຖົ້າຜູ້ແກ່ຕ່າງກໍພາກັນ ມາເຂົ້າຮ່ວມໂຍນໝາກຄອນຢ່າງ ເປັນຂະບວນຟົດຟື້ນ ແລະ ມ່ວນ ຊື່ນ ແລະ ສິ່ງທີ່ຈັບອົກຈັບໃຈເດັ່ນ ກວ່າໝູ່ແມ່ນພາບຂອງຍິງສາວ ເຜົ່າມົ້ງລາວໃນຊຸດກະໂປ່ງ ບານ ແພດ້າມສີສຸດສາດ, ມາພ້ອມກັບ ອ້າຍບ່າວມົ້ງໃນຊຸດໂສ້ງຂາຍາວ ສີດຳ ຮັດສາຍແອວດ້ວຍແພລາຍ ດອກພາກັນຢືນເປັນສອງແຖວ ໂຍນໝາກຄອນໃຫ້ກັນ ແລະ ກັນ, ອ້າຍບ່າວໜຸ່ມ ແລະ ສາວມົ້ງທັງ ໂຍນໝາກຄອນ ແລະ ຂັບລຳປະ ສານສຽງແຄນໄປຕາມຈັງຫວະ ການຟ້ອນລຳທີ່ມ່ວນຊື່ນອ່ອນ ຊ້ອຍ ແລະ ໂດດເດັ່ນສວຍງາມ ບາງຄັ້ງໃນງານບຸນກິນຈຽງນີ້
ມີຄູ່ບ່າວສາວຫຼາຍຄົນກໍໄດ້ກາຍ ເປັນຄູ່ຄອງຊີວິດນໍາກັນອີກດ້ວຍ.
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
