ວັນພຸດ, ວັນທີ 04 ທັນວາ 2024
ມູກູຣູຊາ ນັກເທັນນິດ ແອັດສະປາຍຄົນທຳອິດ ໄດ້ແຊ້ມ WTA Finals
ເວລາອອກຂ່າວ: 2021-11-24 10:35:01 | ຜູ້ຂຽນ : admin1 | ຈຳນວນຄົນເຂົ້າຊົມ: 272 | ຄວາມນິຍົມ: 
ກາບິນ ມູກູຣູຊາ ນັກເທັນນິດ ຍິງມື 7 ຂອງໂລກ ສ້າງປະຫວັດ ສາດກາຍເປັນນັກເທັນນິດຍິງ ຈາກແອັດສະປາຍ ຄົນທຳອິດ ໄດ້ແຊ້ມ WTA Finals ພາຍ ຫຼັງຊະນະ ອາເນັດ ຄອນຕາວຽດ ມື 9 ຂອງໂລກ ຈາກ ເອັສໂຕນີ 2-0 ເຊັດ: 6-3 ແລະ 7-5. ມູກູຣູຊາ ຮັບຂັນແຊ້ມ ພ້ອມເງິນສົດ 1,600,000 ໂດລາສະຫະລັດ. ສ່ວນຄອນຕາວຽດ ເຖິງວ່າໄດ້ ຮອງແຊ້ມ ແຕ່ກໍສ້າງປະຫວັດ ສາດກາຍເປັນນັກ ເທັນນິສຍິງ ຄົນທຳອິດຂອງປະເທດເອັດໂຕ ນີສາມາດເຂົ້າຊິງລາຍການນີ້ ໄດ້ຮັບເງິນສົດ 780.000 ໂດລາ.
ສ່ວນປະເພດຄູ່ຍິງແຊ້ມ ເປັນຂອງຄູ່ມື 1 ຂອງລາຍການ ບາໂບຣາ ເຄຊີໂຄວາ ແລະ ແຄັດເທີຣີນາ ຊີເນຍໂກວາ ເຈົ້າຂອງຫຼຽນຄຳໂອແລມປິກ ເກມ 2020 ແລະ ແຊ້ມແກຣນ ສະແລມ ວິມເບີດັນ ຈາກສາທາ ລະນະລັດເຊັກໄດ້ແຊ້ມລາຍ ການນີ້ເປັນ ຄັ້ງທຳອິດພາຍ ຫຼັງຊະນະ ຄູ່ມື 3 ຂອງລາຍການ ເຊ່ຍຊູເຫວີຍ ຈາກໄຕ້ຫວັນ(ຈີນ) ທີ່ຄູ່ກັບ ອີລິສ ເມີເທັນ ຈາກ ແບນຊິກ 2-0 ເຊັດ: 6-3, 6-4.
ສຳລັບ ການແຂ່ງຂັນເທັນນີດ ຍິງລາຍການໃຫຍ່ທ້າຍປີ WTA Finals ປະຈຳປີ 2021 ທີ່ຄັດເອົານັກເທັນນິດຍິງປະເພດດ່ຽວ ແລະ ຄູ່ 1 ໃນ 8 ຂອງໂລກມາພົບກັນ ແຂ່ງຂັນໃນລະຫວ່າງວັນທີ 10-17 ພະຈິກ ຜ່ານມານີ້ທີ່ ນະຄອນຊາໂປປານ, ປະເທດ ເມັກຊິກ ໄດ້ຮັບກຽດ ເປັນເຈົ້າ ພາບຄັ້ງທຳອິດ. ເທັນນິສດ WTA Finals ນັບຕັ້ງແຕ່ເລີ່ມ ແຂ່ງຂັນມາແຕ່ປີ 1972 ນັກເທັນ ນິດທີ່ໄດ້ແຊ້ມຫຼາຍສຸດ ແມ່ນ ມາຣຕີນາ ນາຟຣາຕີໂນວາ ຊາວເຊັກ-ອາເມຣິກາ ລວມ 8 ສະໄໝ, ປະເພດຄູ່ກໍໄດ້ຫຼາຍສຸດ 13 ສະໄໝ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
