ວັນພຸດ, ວັນທີ 04 ທັນວາ 2024
ບິນລີ ແລະ 3 ນັກເຕະລາວໃນໄທລີກ ກາຍເປັນ ຄວາມຫວັງໃໝ່ຂອງ ລາວໃນ SUZUKI CUP
ເວລາອອກຂ່າວ: 2021-12-07 09:55:01 | ຜູ້ຂຽນ : admin1 | ຈຳນວນຄົນເຂົ້າຊົມ: 239838910 | ຄວາມນິຍົມ: 
ຖືເປັນໃບໜ້າໃໝ່ຂອງທີມ
ຊາດລາວ ນັບແຕ່ນີ້ເປັນຕົ້ນໄປ
ເນື່ອງຈາກໄດ້ ບິນລີ ເກດແກ້ວ
ພົມພອນ ກາຍເປັນນັກເຕະຊາວ
ຝຣັ່ງເຊື້ອສາຍລາວ ຄົນທໍາອິດມາ
ຊ່ວຍທີິມຊາດລາວລຸຍການແຂ່ງ
ຂັນ AFF SUZUKI CUP 2020
ລະຫວ່າງວັນທີ 5 ທັນວາ
2021-1 ມັງກອນ 2022 ທີ່ປະ
ເທດສິງກະໂປ ເຊິ່ງແນ່ນອນເຫດ
ການດັ່ງກ່າວເຮັດໃຫ້ແຟນບານ
ຊາວລາວໃຫ້ຄວາມສົນໃຈຫຼາຍ
ທີ່ສຸດ ແລະ ເປັນຄວາມຫວັງ
ຂອງແຟນບານຊາວລາວ ໃນການ
ສົ່ງແຮງໃຈໃຫ້ທີມຊາດລາວ.
ທີມຊາດລາວຖືກຈັດຢູ່ໃນກຸ່ມ B ຮ່ວມກັບ ຫວຽດນາມ ແຊັມເກົ່າ, ມາເລເຊຍ, ອິນໂດເນເຊຍ ແລະ
ກໍາປູເຈຍ ການແຂ່ງຂັນ AFF
SUZUKI CUP ຄັ້ງທີ່ຜ່ານມາ
ໃນສະຖິຕິທີ່ພົບກັບ 4 ຊາດໃນກຸ່ມ
B ທີ່ຜ່ານມາຖືວ່າຜົນງານທີມ
ຊາດລາວຕົກຕໍ່າທີ່ສຸດນັບແຕ່ປີ 2004 ຈົນເຖິງປີ 2018 ແຂ່ງ
ໄປທັງໝົດ 17 ນັດ ຊະນະໄດ້ພຽງ 1
ນັດ ( ຊະນະກໍາປູເຈຍ ), ສະເໝີ 1 ນັດ (ສະເໝີ ອິນໂດເນເຊຍ)
ແລະ ເສຍ 15 ນັດ ໂດຍຕະຫຼອດ
ໄລຍະທີ່ຜ່ານມາ ທີມຊາດລາວ ແມ່ນຍັງບໍ່ສາມາດດຶງນັກເຕະ
ຕ່າງຊາດລາວມາຊ່ວຍໄດ້.
ຢ່າງໃດກໍ່ຕາມ, ປີນີ້ຖືເປັນ
ຄວາມຫວັງໃໝ່ຂອງຊາວລາວ ທັງປະເທດລວມເຖິງສ້າງແຮງ ຈູງໃຈໃຫ້ກັບນັກເຕະລາວມີ ຄວາມຫວັງ ແລະ ສູ້ຢ່າງສຸດຂີດ
ເມື່ອທີມຊາດລາວ ປະກາດດຶງ
ນັກເຕະຊາວຝຣັ່ງ ເຊື້ອສາຍລາວ ທີ່ມີປະສົບການດີທີ່ສຸດຂອງນັກ ເຕະທີມຊາດລາວ ເພາະເຄີຍຫຼິ້ນ ໃນລີກສູງສຸດຂອງປະເທດຝຣັ່ງ. ນອກນັ້ນ, ກໍຍັງໄດ້ 3 ນັກເຕະ
ລາວຈາກໄທລີກ ມາສົມທົບຄືພຸດ
ທະໄຊ ໂຄຈະເລີນ ຫຼິ້ນໃຫ້ສະໂມ
ສອນໃນໄທລີກ 1, ສຸກອາພອນ ວົງຈຽງຄໍາ ໃນໄທລີກ 2 ແລະ
ມິດສະດາ ສາຍໃຕ້ຟ້າ ໃນໄທລີກ
3 ລວມເຖິງນັກເຕະລາວທີ່ຫຼິ້ນໃນ
ລາວລີກ ທີ່ຜົນງານໂດດເດັ່ນ ແລະ
ດາວເດັ່ນຫຼາຍຄົນ.
ສ່ວນຕາຕະລາງແຂ່ງຂັນ
ຂອງທີມຊາດລາວ ໃນ AFF SUZUKI CUP 2020 ມີດັ່ງນີ້:
ວັນທີ 6 ທັນວາ 2021 ເວລາ 19:30 ໂມງ ທີມຊາດລາວ ພົບ ຫວຽດນາມ.
ວັນທີ 9 ທັນວາ 2021 ເວລາ 16:30 ໂມງ ທີມຊາດລາວ ພົບ ມາເລເຊຍ.
ວັນທີ 12 ທັນວາ 2021 ເວລາ 16:30 ໂມງ ທີມຊາດລາວ ພົບ ອິນໂດເນເຊຍ.
ວັນທີ 15 ທັນວາ 2021 ເວລາ 16:30 ໂມງ ທີມຊາດລາວ ພົບ ກຳປູເຈຍ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
