POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກທອ ປະກາດການແຕ່ງຕັ້ງຂັ້ນບັນຊາຫົວໜ້າພະແນກ ແລະ ຮອງພະແນກ
ເວລາອອກຂ່າວ: 2021-12-15 11:57:45 | ຜູ້ຂຽນ : admin2 | ຈຳນວນຄົນເຂົ້າຊົມ: 377 | ຄວາມນິຍົມ:

ໃນວັນທີ 14 ທັນວາ 2021 ນີ້, ຢູ່ສະໂມສອນຫ້ອງອົບຮົມການບິນ ກອງບັນຊາການທະຫານອາກາດ ໄດ້ຈັດພິທີປະກາດການແຕ່ງຕັ້ງຂັ້ນບັນຊາ ຫົວໜ້າພະແນກ, ຮອງພະແນກ ແລະ ຮັກສາການ, ໂດຍການເຂົ້າຮ່ວມເປັນປະທານ ສະຫາຍ ພັນເອກ ຄຳຫຼ້າ ສິມມະວົງ ຄະນະປະຈຳພັກ ຮອງກອງບັນຊາການທະຫານອາກາດ ຫົວໜ້າການເມືອງ, ມີຄະນະຫ້ອງ, ພ້ອມດ້ວຍຜູ້ໄດ້ຮັບການແຕ່ງຕັ້ງໜ້າທີ່ໃໝ່ ເຂົ້າຮ່ວມ. ສະຫາຍພັນໂທ ວົງພອນ ອິນທຳມູນ ຮອງພະແນກພະນັກງານ ກອງບັນຊາການທະຫານອາກາດ ໄດ້ຂື້ນຜ່ານຂໍ້ຕົກລົງວ່າດ້ວຍການແຕ່ງຕັ້ງຂັ້ນບັນຊາ ຫົວໜ້າພະແນກ, ຮອງພະແນກ ຂອງກອງບັນຊາການທະຫານອາກາດ ອີງຕາມ ກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານໃນການປັບປຸງບູລະນະກົງຈັກການຈັດຕັ້ງນໍາພາ-ບັນຊາໃນກໍາລັງປະກອບອາວຸດໃຫ້ເຂັ້ມແຂງໜັກແໜ້ນຮອບດ້ານເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ. ກອງບັນຊາການທະຫານອາກາດຕົກລົງ: ແຕ່ງຕັ້ງ ພັນໂທ ຈັນທະວີ ພະສຸວັນ ເປັນຫົວໜ້າພະແນກ ແຜນການ-ງົບປະມານຫ້ອງການ, ແຕ່ງຕັ້ງຍົກຍ້າຍ ພັນຕີ ນາງ ເພັດສະໝອນ ວິໄລທອງ ຊ່ວຍວຽກພະແນກປະກັນສັງຄົມ ຫ້ອງການເມືອງ ໄປເປັນຮັກສາການ ຮອງຫົວໜ້າພະແນກ ແຜນການ-ງົບປະມານ ຫ້ອງການ,ແຕ່ຕັ້ງຍົກຍ້າຍ ຮ້ອຍເອກ ວິໄລສັກ ແສງດວງຈັນ ຮອງຫົວໜ້າພະແນກທົດລອງ-ວິໄຈ ຫ້ອງເຕັກນິກ ໄປໃຫ້ຫ້ອງການ, ສ່ວນໜ້າທີ່ວຽກງານລະອຽດໃຫ້ທາງຫ້ອງການ ກອງບັນຊາການທະຫານອາກາດ ເປັນຜູ້ມອບໝາຍ ແລະ ຊັບຊ້ອນ, ຮ້ອຍໂທ ຈັນທະລາ ສີຫາຄົມ ຮອງພະແນກຄຸ້ມຄອງສັນຍາ ຫ້ອງການ ໄປເປັນ ຮອງພະແນກ ຄົ້ນຄວ້າ-ສັງລວມ ຫ້ອງການ ກທອ. ໃນພິທີ ສະຫາຍ ພັນເອກ ຄຳຫຼ້າ ສີມມະວົງ ກໍ່ໄດ້ສະແດງຄວາມຊົມເຊີຍຕໍ່ສະຫາຍທີ່ຮັບໜ້າທີ່ໃໝ່ ເພື່ອເປັນການປັບປຸງ ກົງຈັກການຈັດຕັ້ງນໍາພາ-ບັນຊາຂອງໜ້າທີ່ວຽກງານໃຫ້ທັນກັບຄວາມຮຽກຮ້ອງຕ້ອງການກັບວຽກງານວິຊາສະເພາະຂອງຂັ້ນເທິງຢ່າງເໝາະສົມຕໍ່ກັບສະພາບຄວາມເປັນຈິງຂອງກົມກອງ ແລະ ຍັງຮຽກຮ້ອງໃຫ້ຜູ້ໄດ້ຮັບການແຕ່ງຕັ້ງໃໝ່ຈົ່ງພ້ອມກັນຍົກສູງພາລະບົດບາດ ນໍາພາ-ຊີ້ນຳ ລະບຽບແບບແຜນການນໍາພາ-ວິທີເຮັດວຽກໃຫ້ມີຄວາມໜັກແໜ້ນ, ເຂັ້ມແຂງ, ປອດໃສຂາວສະອາດ, ຕາມຫຼັກການລວມສູນປະຊາທິປະໄຕ ແລະ ພ້ອມກັນເຮັດສໍາເລັດໜ້າທີ່ການເມືອງ ຕາມການຈັດຕັ້ງຂັ້ນເທິງມອບໝາຍໃຫ້ຢ່າງມີປະສິດທິພາບ.

news to day and hot news