POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງພັນໃຫຍ່ 644 ເຜີຍແຜ່ເອກະສານສຳຄັນຂອງຊາດ
ເວລາອອກຂ່າວ: 2021-12-15 12:27:00 | ຜູ້ຂຽນ : admin2 | ຈຳນວນຄົນເຂົ້າຊົມ: 459 | ຄວາມນິຍົມ:

ພິທີເຜີຍແຜ່ເຊື່ອມຊຶມເອກະສານດຳລັດວ່າດ້ວຍຜູ້ອາຍຸສູງ ແລະ ຄໍາສັ່ງແນະນຳວ່າດ້ວຍການເພີ່ມທະວີວຽກງານແຂ່ງຂັນ ຍ້ອງຍໍ ກອງພັນໃຫຍ່ 644 ໄດ້ຈັດຂື້ນໃນວັນທີ 14 ທັນວາ 2021 ນີ້ ,ໂດຍການເປັນປະທານຂອງສະຫາຍ ພັນເອກ ຄຳສີ ພົມມະຈັນ ເລຂາຄະນະພັກ ,ຫົວໜ້າການເມືອງກອງພັນໃຫຍ່ 644 , ມີບັນດາສະຫາຍໃນຄະນະພັກ - ຄະນະບັນຊາ , ພະນັກງານຫຼັກແຫຼ່ງຂັ້ນນຳພາ - ບັນຊາ ຈາກພະແນກການ , ກົມກອງອ້ອມຂ້າງທົ່ວກອງພັນໃຫຍ່ 644 ເຂົ້າຮ່ວມ . ສະຫາຍ ພັນໂທ ແກ້ວວຽງໄຊ ພໍເພັດພູໄທ ຄະນະພັກ ,ຮອງຫົວໜ້າພະແນກການເມືອງກອງ ພັນໃຫຍ່ 644 ກໍ່ໄດ້ຂື້ນຜ່ານແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີເລກທີ 1099 / ຫສນຍ ວັນທີ 1 ກັນຍາ 2021 ເລື່ອງທິດຊີ້ນຳຕໍ່ກັບແຜນປະຕິບັດງານຕົວຈິງຫັນການເປັນລາຍຮັບງົບປະມານ ແລະ ການພັດທະນາລະບົບຄຸ້ມຄອງລາຍຮັບ - ລາຍຈ່າຍເປັນທັນສະໄໝ ແລະ ເປັນດີຈີຕອນ . ໃນໄລຍະແຕ່ປີ 2021 – 2025 ຕາມດຳລັດວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 93 / ນຍ ລົງວັນທີ 3 ມີນາ 2017 ພ້ອມນີ້ສະຫາຍ ພັນຕີ ແສງສະຫວັນ ເຮົ້າແພງພັນ ຫົວໜ້າຂະແໜງນະໂຍບາຍກໍ່ໄດ້ຂື້ນຜ່ານຄໍາສັ່ງແນະນຳຂອງລັດຖະມົນຕີກະຊວງປ້ອງກັນປະເທດເລກທີ 4751 / ກປທ ວັນທີ 27 / 10 / 2021 ວ່າດ້ວຍການເພີ່ມທະວີວຽກງານແຂ່ງຂັນ - ຍ້ອງຍໍໂດຍອີງໃສ່ຈຸດພິເສດໃນການເຄື່ອນໄຫວປະຕິບັດໜ້າທີ່ວຽກງານປ້ອງກັນຊາດ - ປ້ອງກັນຄວາມສະຫງົບ ເພື່ອປົກປັກຮັກສາ ແລະ ສ້າງສາພັດທະນາປະເທດຊາດຂອງກົມກອງລວມໝູ່ ແລະ ບຸກຄົນສຶກສາອົບຮົມໃຫ້ນາຍ ແລະ ພົນທະຫານ ມີສະຕິຮັກຊາດ , ຍົກສູງຄວາມເປັນເຈົ້າຕົນເອງ , ມີຈິດໃຈປະຢັດມັດທະຍັດ , ດຸໝັ່ນໃນການຄົ້ນຄວ້າຮ່ຳຮຽນ ການອອກແຮງງານປະກອບສ່ວນຢ່າງຕັ້ງໜ້າເຂົ້າໃນຂະບວນການແຂ່ງຂັນ - ຍ້ອງຍໍພາຍໃຕ້ຄຳຂວັນ " ຮັກຊາດ ແລະ ພັດທະນາ " . ສ້າງໃຫ້ພະນັກງານ - ນັກຮົບມີຄຸນສົມບັດສິນທຳປະຕິວັດ , ມີນ້ຳໃຈຮັກຊາດ , ມີລະບຽບວິໄນເຂັ້ມງວດ , ມີຄວາມເປັນແບບຢ່າງ , ມີຄວາມອົງອາດກ້າຫານ ແລະ ມີຄວາມຕັດສິນໃຈ ຍອມເສຍສະຫຼະເພື່ອຊາດ - ເພື່ອປະຊາຊົນ . ໂອກາດນີ້ ,ສະຫາຍ ພັນເອກ ຄຳສີ ພົມມະຈັນ ກໍ່ໄດ້ໂອ້ລົມພ້ອມຜ່ານດຳລັດຂອງລັດຖະບານເລກທີ 473 / ລບ ວັນທີ 12/7/2021 ວ່າດ້ວຍຜູ້ອາຍຸສູງ . ຕາມກົດໝາຍວ່າດ້ວຍລັດຖະບານສະບັບເລກທີ 04/ສພຊ ລົງວັນທີ 8 ພະຈິກ 2016 , ຕາມໜັງສືສະເໜີຂອງກະຊວງແຮງງານສະຫວັດດີການສັງຄົມສະບັບເລກທີ 0969/ຮສສ ລົງວັນທີ 26 ມີນາ 2021 ດໍາລັດສະບັບນີ້ກໍານົດຫຼັກການ , ລະບຽບການ ແລະ ມາດຕະການ ກ່ຽວກັບການຄຸ້ມຄອງ ແລະ ຕິດຕາມກວດກາວຽກງານຜູ້ອາຍຸສູງ ເພື່ອເຮັດໃຫ້ວຽກງານດັ່ງກ່າວດຳເນີນຢ່າງມີປະສິດທິພາບ ແລະ ປະສິດທິຜົນແນໃສ່ປົກປ້ອງສິດ ແລະ ຜົນປະໂຫຍດອັນຊອບທຳຂອງຜູ້ອາຍຸສູງໃຫ້ຜູ້ອາຍຸສູງໄດ້ຮັບການເບິ່ງແຍງ ມີຊີວິດການເປັນຢູ່ທີ່ດີ ປະກອບສ່ວນເຂົ້າໃນການພັດທະນາເສດຖະກິດ - ສັງຄົມ ຂອງຊາດ . ໂດຍ : ຮ.ອ ສົມສັກ ແກ້ວດວງດີ ພາບໂດຍ : ສ.ອ ແອນ້ອຍ ໝື່ນລາດ

news to day and hot news