POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ທະຫານນະຄອນຫຼວງວຽງຈັນ ປາຖະກະຖາ 3 ວັນປະຫວັດສາດຂອງຊາດ
ເວລາອອກຂ່າວ: 2021-12-15 12:47:06 | ຜູ້ຂຽນ : admin2 | ຈຳນວນຄົນເຂົ້າຊົມ: 1610 | ຄວາມນິຍົມ:

ໃນວັນທີ 09 ທັນວາ 2021 ,ຢູ່ ກອງບັນຊາການທະຫານ ນະຄອນຫຼວງວຽງຈັນ ໄດ້ຈັດພິທີ ປາຖະກະຖາວັນຊາດທີ 2 ທັນວາ ຄົບຮອບ 46 ປີ ( 2 ທັນວາ 1975-2 ທັນວາ 2021 ), ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 101 ປີ ( 13 ທັນວາ 1920-13 ທັນວາ 2021 ) ແລະ ຜົນສຳເລັດການກໍ່ສ້າງທາງລົດໄຟລາວ-ຈີນ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ບົວເງິນ ຫົງໄຂຄຳ ຫົວໜ້າຫ້ອງການເມືອງ ກອງບັນຊາການທະຫານ ນະຄອນຫຼວງວຽງຈັນ ມີຄະນະພັກ-ຄະນະບັນຊາອົງການ 5 ຫ້ອງ ແລະ ກົມກອງອ້ອມຂ້າງເຂົ້າຮ່ວມຮັບຟັງ. ສະຫາຍ ພັນເອກ ບົວເງິນ ຫົງໄຂຄຳ ໄດ້ຍົກໃຫ້ເຫັນເຖິງມູນເຊື້ອຄວາມໝາຍ,ຄວາມສຳຄັນຂອງວັນຊາດທີ 2 ທັນວາເຊີ່ງເປັນວັນແຫ່ງໄຊຊະນະອັນຍີ່ງໃຫ່ຍແຫ່ງການຕໍ່ສູ້ທີ່ຢືດເນື້ອຢາວນານ ລະອິດລະອ້ຽວຢ່າງພິລະອາດຫານຂອງປະຊາຊົນລາວບັນດາເຜົ່າ ໂດຍພາຍໃຕ້ການນຳພາຂອງພັກປະຊາຊົນປະຕິວັດລາວ ທີ່ສະຫຼາດເຫຼັກແຫຼມ ເຊີ່ງພັກໄດ້ເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າລຸກຮື້ຂຶ້ນຕ້ານສັດຕູຜູ້ຮຸກຮານ ແລະ ການຄອບຄອງຂອງພວກຈັກກະພັດທັງແບບເກົ່າ,ແບບໃໝ່ຢ່າງອົງອາດກ້າຫານຈົນສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສາຖາປະນາສາທາລະນະລັດ ປະຊາທິປະໄຕ ປະຊາຊົນລາວຢ່າງສະຫງ່າຜ່າເຜີຍໃນວັນທີ 2 ທັນວາ ປີ 1975 ເຊີ່ງເປັນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ເປັນເຈົ້າຂອງປະເທດຊາດຢ່າງແທ້ຈິງ ມີສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ, ພ້ອມດຽວກັນນີ້ຍັງໄດ້ຍົກໃຫ້ເຫັນປະຫວັດມູນເຊື້ອການເຄື່ອນໄຫວໃນແຕ່ລະໄລຍະຂອງປະທານໄກສອນ ພົມວິຫານ ເຊີ່ງທ່ານແມ່ນນັກຮົບຮັກຊາດຜູ້ຍີ່ງໃຫ່ຍ ທີ່ເປັນລູກຮັກຫຼານແພງຜູ້ປະເສີດຂອງປະຊາຊົນລາວບັນດາເຜົ່າ ແມ່ນນັກຮົບປະຕິວັດທີ່ດີເລີດ ທັງເປັນຜູ້ນຳສູງສຸດຂອງການປະຕິວັດລາວ ທີ່ມີຄວາມປີຊາສາມາດ ມີຄວາມສະຫຼາດຫຼັກແຫຼມ ມີໄຫວພິກອັນແຫຼມຄົມ ແລະ ມີນໍ້າໃຈຕໍ່ສູ້ອັນເດັດດ່ຽວໜຽວແໜ້ນ ເປັນວິລະບູລຸດແຫ່ງຊາດລາວ ເຊີ່ງລູກຫຼານລຸ້ນໃໝ່ຄວນຕັ້ງໜ້າຮໍ່າຮຽນເອົາແບບຢ່າງອັນດີງາມ ແລະ ຄຸນສົມບັດສິນທຳປະຕິວັດຂອງປະທານໄກສອນ ພົມວິຫານ ແລະ ຕື່ນຕົວປະຕິບັດຢ່າງເປັນເຈົ້າການ ນັ້ນແມ່ນການຍຶດໝັ້ນອຸດົມການສັງຄົມນິຍົມ ມີມະນະຈິດອົດທົນຜ່ານຜ່າອຸປະສັກນາໆປະການ ເຮັດສຳເລັດຢ່າງສຸດກົກສຸດປາຍ ມີນໍ້າໃຈຮັກຊາດອັນດູດດື່ມເພື່ອປະເທດຊາດຢ່າງແທ້ຈິງ, ຈາກນັ້ນກໍ່ໄດ້ຍົກໃຫ້ເຫັນຜົນສຳເລັດໃນການກໍ່ສ້າງທາງລົດໄຟລາວ-ຈີນ ເຊິ່ງໄດ້ໃຊ້ໄລຍະເວລາ 05 ປີ ໃນການກໍ່ສ້າງ,ໂດຍໄດ້ວາງສີລາລຶກ ໃນວັນທີ 02 ທັນວາ 2015,ໄດ້ເລີ່ມລົງມືກໍ່ສ້າງຕົວຈິງ ໃນວັນທີ 25 ທັນວາ 2016 ເປັນຕົ້ນມາ, ຈົນເຖິງກາງປີ 2021 ໂຄງການກໍ່ສ້າງລົດໄຟລາວ-ຈີນ ໄດ້ສຳເລັດ 100% ແລະ ໄດ້ເປີດນຳໃຊ້ຢ່າງເປັນທາງການ ໃນວັນທີ 02 ທັນວາ 2021 (ໃນໂອກາດສະເຫຼີມສະຫຼອງວັນຊາດ ສປປ ລາວ ຄົບຮອບ 46 ປີ 02/12/2021 ) ,ໂຄງການກໍ່ສ້າງທາງລົດໄຟລາວ-ຈີນ ໄດ້ສ້າງຜົນສຳເລັດອັນໃຫຍ່ຫຼວງ ທີ່ເປັນໄຊຊະນະອັນຍິ່ງໃຫຍ່ ແລະ ເປັນມໍລະດົກອັນລໍ້າຄ່າຂອງປະເທດຊາດລາວເຮົາ ແຫ່ງຄວາມສາມັກຄີ,ມິດຕະພາບ ແລະ ການຮ່ວມມືຮອບດ້ານຂອງສອງປະເທດ ລາວ-ຈີນ ຕະຫຼອດໄປ. ຂ່າວພາບໂດຍ: ຮທ ນາງ ສຸພາວະດີ ນັກຂ່າວທະຫານ ນວ.

news to day and hot news