ວັນສຸກ, ວັນທີ 06 ທັນວາ 2024
ໂຮງຮຽນທິດສະດີການເມືອງກອງທັບ ປະກາດການຈັດຕັ້ງຂັ້ນຫ້ອງ
ເວລາອອກຂ່າວ: 2021-12-16 12:05:32 | ຜູ້ຂຽນ : admin1 | ຈຳນວນຄົນເຂົ້າຊົມ: 1675 | ຄວາມນິຍົມ: 
ໃນວັນທີ 14 ທັນວາ 2021 ນີ້, ໂຮງຮຽນທິດສະດີການເມືອງກອງທັບ ໄດ້ຈັດພິທີປະກາດການຈັດຕັ້ງພະນັກງານເຮັດໜ້າທີ່ຂັ້ງຮອງຫ້ອງ ໂດຍພາຍໄຕ້ການເປັນປະທານ ຂອງສະຫາຍ ພົນຈັດຕະວາ ປອ ຄໍາຜາຍ ສະພັງເໜືອ ເລຂາຄະນະພັກ ຫົວໜ້າການເມືອງໂຮງຮຽນທິດສະດີການເມືອງກອງທັບ ມີຄະນະພັກ-ຄະນະອໍານວຍການ ຄະນະຫ້ອງ ຄະນະວິຊາຄູ ພະແນກການກ່ຽວຂ້ອງ ພ້ອມດ້ວຍຜູ້ໄດ້ຮັບການແຕ່ງຕັ້ງໜ້າທີ່ໃໝ່ເຂົ້າຮ່ວມ.
ສະຫາຍ ພັນໂທຄໍາຜົງ ພົມມະວົງສາ ຮອງຫົວໜ້າຫ້ອງການເມືອງ ໂຮງຮຽນທິດສະດີການເມືອງກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 5028/ກປທ ວ່າດ້ວຍການແຕ່ງຕັ້ງຮອງຫ້ອງພະລາທິການ-ເຕັກນິກໂຮງຮຽນທິດສະດີການເມືອງກອງທັບ ແລະ ຜ່ານຂໍ້ຕົກລົງສະບັບເລກທີ 5027/ກປທ ວ່າດ້ວຍການຍົກຍ້າຍນາຍທະຫານຢູ່ໂຮງຮຽນທິດສະດີການເມືອງກອງທັບ ອີງຕາມກົດໝາຍນາຍທະຫານສະບັບປັບປຸງໃນພາກ II ໝວດ 4 ມາດຕາ 26 ວ່າດ້ວຍການແຕ່ງຕັ້ງຍົກຍ້າຍນາຍທະຫານ, ອີງຕາມ ທິດທາງການປັບປຸງບູລະນະການຈັດຕັ້ງນໍາພາບັນຊາໃນກໍາລັງປະກອບອາວຸດໃຫ້ໜັກແໜ້ນເຂັ້ມແຂງຮອບດ້ານ ດັ່ງນັ້ນ ກະຊວງປ້ອງກັນປະເທດໄດ້ຕົກລົງແຕ່ງຕັ້ງ ສະຫາຍ ພັນໂທ ລຸນທອງ ແກ້ວກາງເພັງ ເປັນຮອງຫ້ອງພະລາທິການ-ເຕັກນິກ ໂຮງຮຽນທິດສະດີການເມືອງກອງທັບ ແລະ ຕົກລົງຍົກຍ້າຍ ສະຫາຍ ພັນໂທ ບຸນທະນົງໄຊ ວໍລະສານ ຮອງຫ້ອງພະລາທິການ-ເຕັກນິກ ໂຮງຮຽນທິດສະດີການເມືອງກອງທັບຜູ້ເກົ່າ ໄປຮັບໜ້າທີ່ໃໝ່ຢູ່ກົນເສນາພະລາ ກົມໃຫຍ່ພະລາທິການກອງທັບ.
ໂອກາດນີ້ ສະຫາຍ ພົນຈັດຕະວາ ປອ ຄໍາຜາຍ ສະພັງເໜືອງ ໄດ້ສະແດງຄວາມຍ້ອງຍໍຊົມເຊີຍຕໍ່ສະຫາຍທີ່ໄດ້ຮັບການມອບໝາຍໜ້າທີ່ໃໝ່ ເຊິ່ງເປັນກຽດ ແລະ ສັກສີຄວາມໄວ້ເນື້ອເຊື່ອໃຈຂອງຄະນະພັກ-ຄະນະບັນຊາ,ພະນັກ ງານ-ນັກຮົບ ໃນກົມກອງ ແລະ ຄວາມເຊື່ອໝັ້ນຈາກຂັ້ນເທິງ ພ້ອມທັງເນັ້ນໜັກໃຫ້ສືບຕໍ່ເຝິກຝົນຫຼໍ່ຫຼອມຕົນເອງ ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນຕໍ່ຂັ້ນເທິງທີ່ໄດ້ຮັບການມອບໝາຍ, ປັບປຸງແບບແຜນວິທີເຮັດວຽກໃຫ້ມີວິທະຍາສາດ ຍົກສູງຫຼັກການລວມສູນປະຊາທິປະໄຕເປັນໝູ່ຄະນະ ເພີ່ມທະວີຄວາມສາມັກຄີພາຍໃນພາຍນອກໃຫ້ເປັນປຶກແຜ່ນແໜ້ນໜາ ຕັ້ງໜ້າພັດທະນາກົມກອງຮອບດ້ານ ແລະ ເຮັດສໍາເລັດໜ້າທີ່ ທີ່ພັກ-ລັດ ແລະ ປະຊາຊົນມອບໝາຍໃຫ້.
ພາບ: ບັອບບີ້, ຂ່າວ : ຄໍາພັດ ມິ່ງມູນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
