ວັນເສົາ, ວັນທີ 07 ທັນວາ 2024
ກອງພົນທີ 3 ປະກາດການຈັດຕັ້ງຂັ້ນບັນຊາຫ້ອງເຕັກນິກ
ເວລາອອກຂ່າວ: 2021-12-16 12:07:39 | ຜູ້ຂຽນ : admin1 | ຈຳນວນຄົນເຂົ້າຊົມ: 1798 | ຄວາມນິຍົມ: 
ໃນວັນທີ 15 ທັນວາ 2021 ນີ້, ກອງພົນທີ 3 ໄດ້ຈັດພິທີປະກາດການຈັດຕັ້ງຂັ້ນບັນຊາຢູ່ຫ້ອງເຕັກນິກ ໂດຍການເປັນປະທານຂອງສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານ ຮອງຫົວໜ້າກົມໃຫ່ຍເຕັກນິກກອງທັບ, ມີຄະນະພັກ-ຄະນະບັນຊາ, ອົງການ 5 ຫ້ອງ ຕະຫຼອດຮອດພະນັກງານຫຼັກແຫຼ່ງທົ່ວກອງພົນທີ 3 ເຂົ້າຮ່ວມ.
ສະຫາຍພັນໂທ ສົມລິດ ບົວໄຂຄຳ ຫົວໜ້າພະແນກພະນັກງານກອງພົນທີ 3 ກໍ່ໄດ້ຂື້ນຜ່ານມະຕິຕົກລົງຂອງກະຊວງປ້ອງກັນປະເທດສະບັບເລກທີ 4721/ກປທ, ລົງວັນທີ 27 ຕຸລາ 2021 ວ່າດ້ວຍການແຕ່ງຕັ້ງຫົວໜ້າແລະ ຮອງຫົວໜ້າຫ້ອງເຕັກນິກກອງພົນທີ 3, ໃນນີ້ກະຊວງປ້ອງກັນປະເທດຕົກລົງແຕ່ງຕັ້ງສະຫາຍພັນໂທ ທອງມະນີ ສີເມືອງຄຳ ເປັນ ຫົວໜ້າຫ້ອງເຕັກນິກ, ແຕ່ງຕັ້ງ ສະຫາຍ ພັນໂທ ສີພອນ ຂັນຕິຍະ ເປັນຮອງຫົວໜ້າຫ້ອງເຕັກນິກ ກອງພົນທີ 3. ພ້ອມນີ້ຍັງໄດ້ແຕ່ງ ຕັ້ງບົ່ງຕົວ ເລຂາ, ຮອງເລຂາ, ກຳມະການຄະນະພັກຮາກຖານຫ້ອງເຕັກນິກ ຕື່ມອີກ ໃນນີ້ ແຕ່ງຕັ້ງ ສະຫາຍພັນໂທ ທອງມະນີ ສີເມືອງຄຳ ຄະນະພັກກອງພົນ ຫົວໜ້າຫ້ອງເຕັກນິກ ເປັນເລຂາຄະນະພັກຮາກຖານ, ສະຫາຍພັນໂທ ພູວົງ ດວງຈຳປາ ຮອງຫົວໜ້າຫ້ອງເຕັກນິກ ເປັນຮອງເລຂາຄະນະພັກຮາກຖານ, ພັນໂທ ສີພອນ ຂັນຕິຍະ ຮອງຫົວໜ້າຫ້ອງເຕັກນິກ ເປັນກຳມະການຄະນະພັກຮາກຖານ.
ໂອກາດນີ້ ສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານ ກໍ່ໄດ້ໂອລົມຕໍ່ພະນັກງານຜູ້ທີ່ໄດ້ຮັບໜ້າ ໃໝ່ ໃຫ້ຮັບຮູ້ເຂົ້າໃຈເຖິງຄວາມໝາຍຄວາມສຳຄັນ ຂອງໜ້າທີ່ການເມືອງໃນໄລຍະໃໝ່, ພາລະບົດບາດໃນການຊີ້ນຳ-ບັນຊາ, ເປັນພາລະໜ້າທີອັນສຳຄັນ ທີ່ ພັກ-ລັດ ຂັ້ນເທິງມອບໝາຍໃຫ້, ພ້ອມທັງຮຽກຮ້ອງໃຫ້ຍົກສູງນໍ້າໃຈຮັບຜິດຊອບ, ເພີ່ມທະວີຄວາມສາມັກຄີໃຫ້ເປັນປຶກແຜ່ນ, ປັບປຸງແບບ ແຜນວິທີເຮັດວຽກໃນການຊີ້ນຳ-ບັນຊາພະນັກງານ-ນັກຮົບ ພາຍໃນຫ້ອງໃຫ້ມີຂະບວນການອັນພົ້ນເດັ່ນ ແລະ ມີໃບໜ້າອັນໃໝ່ ໃຫ້ກາຍເປັນພະນັກງານຜູ້ທີ່ຂັ້ນເທິງເຊື້ອໝັ້ນ ແລະ ໄວ້ວາງໃຈຢູ່ສະເໝີ ນຳພາ-ບັນຊາ ພະນັກງານ-ນັກຮົບ ພາຍໃນກົມກອງປັບປຸງກໍ່ສ້າງກົມກອງໃຫ້ມີຄວາມເຂັ້ມແຂງຂື້ນກວ່າເກົ່າ.
ໂດຍ:ລີໂດ ດວງສະຫວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
