POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ມີນາ 2025

ປະກາດ ອະໄພຍະໂທດ ຜ່ອນໂທດ ແລະ ປ່ອຍຕົວນັກໂທດ
ເວລາອອກຂ່າວ: 2021-12-16 12:09:40 | ຜູ້ຂຽນ : admin1 | ຈຳນວນຄົນເຂົ້າຊົມ: 1786 | ຄວາມນິຍົມ:

ໃນວັນທີ 14 ທັນວາ 2021 ນີ້ ກອງປ້ອງກັນ, ຄຸມຂັງ, ດັດສ້າງ 158 ທະຫານແຂວງຈໍາປາສັກ ໄດ້ ປະກາດ ອະໄພຍະໂທດ, ຜ່ອນໂທດ ແລະ ປ່ອຍຕົວນັກໂທດ ເນື່ອງໃນໂອກາດວັນຊາດທີ 2 ທັນວາ ຄົບຮອບ 46 ປີ ໂດຍການເປັນປະທານຂອງສະຫາຍ ພົນຈັດຕະວາ ບຸນຍົງ ດາດົງໄຊ ຮອງປະທານສານປະຊາຊົນສູງສຸດ ປະທານສານທະຫານຂັ້ນສູງ ຫົວໜ້າຄະນະອະໄພຍະໂທດ ຜ່ອນໂທດພາກໄຕ້ ມີສະຫາຍ ພັນໂທ ວັນທອງ ໂພສີແກ້ວ ຄະນະພັກຮາກຖານ ຮອງຫົວໜ້າຫ້ອງການເມືອງທະຫານແຂວງຈຳປາສັກ ມີອົງການໄອຍະການສານທະຫານພາກໄຕ້ ມີຄະນະພັກ-ຄະນະບັນຊາກອງຮ້ອຍ 158 ພະແນກການອ້ອມຂ້າງ ແລະ ຜູ້ຖືກຫາ ນັກໂທດ ເຂົ້າຮ່ວມ. ສະຫາຍພັນໂທ ສອນສຸພັນ ດວງຊະນະ ຫົວໜ້າພະແນກຄຸມຂັງ ດັດສ້າງກົມປ້ອງກັນພາຍໃນ ກົມໃຫຍ່ການເມືອງກອງທັບ ໄດ້ຂື້ນຜ່ານລັດຖະດໍາລັດຂອງປະທານປະເທດ ວ່າດ້ວຍການ ອະໄພຍະໂທດ ແກ່ນັກໂທດທີ່ມີຄວາມກ້າວໜ້າ ໃນຂອບເຂດທົ່ວປະເທດ ເນື່ອງໃນໂອກາດ ວັນຊາດທີ 2 ທັນວາ ຄົບຮອບ 46 ປີ ສະບັບເລກທີ: 219/ປປທ ນະຄອນຫຼວງວຽງຈັນ ລົງວັນທີ: 19 ພະຈີກ 2021. ໂດຍປະຕິບັດຕາມລັດຖະທຳມະນູນແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໝວດທີ VI ມາດຕາ 67 ຂໍ້ 12 ກ່ຽວກັບການຕົກລົງໃຫ້ ອະໄພຍະໂທດ ແລະ ໜັງສືສະເໜີຂອງ ນາຍົກລັດຖະມົນຕີ ສະບັບເລກທີ: 93/ນຍ ລົງວັນທີ 19 ຕຸລາ 2021. ເພື່ອໃຫ້ທຸກພາກສ່ວນ, ອົງການ, ກົມກອງ ຄອບຄົວຜູ້ປົກຄອງ ແລະ ນັກໂທດໄດ້ຮັບຮູ້ໄດ້ ແລະ ເຂົ້າໃຈເຖີງແນວທາງນະໂຍ ບາຍ ທາງດ້ານມະນຸດສະທຳຂອງພັກ-ລັດ ທີ່ມີຕໍ່ນັກໂທດ ຜູ້ທີ່ຮູ້ສືກກີນແໜງ ແຄງໃຈສຳນືກຜິດ ຕໍ່ການກະທຳຂອງຕົນ ຍອມຊໍາລະຄ່າປັບໃໝໃຫ້ລັດ ແລະ ຍອມໃຊ້ແທນຄ່າເສຍຫາຍທາງແພ່ງ ແລະ ມີຄວາມກ້າວໜ້າໃນການປະຕິບັດໂທດ ສ້າງຜົນງານ ຢູ່ຄ້າຍຄຸມຂັງ-ດັດສ້າງ ໃນນັ້ນ ຕົກລົງອະໄພຍະໂທດ ຜ່ອນໂທດ ໃຫ້ແກ່ນັກໂທດຈຳນວນ 1.992 ຄົນ. ຍີງ 280 ຄົນ ຕ່າງປະເທດ 25 ຄົນ ຍີງ 05 ຄົນ ແລະ ນັກໂທດໄດ້ຮັບ ອະໄພຍະໂທດປ່ອຍຕົວ ທັງໝົດ 12 ຄົນ. ຍີງ 03 ຄົນ. ສຳລັບຢູ່ກອງປ້ອງກັນ ຄຸມຂັງ-ດັດສ້າງ 158 ທະຫານແຂວງຈຳປາສັກ ປະທານປະເທດອອກລັດຖະດໍາລັດ ຕົກລົງອະໄພຍະໂທດ ປ່ອຍຕົວນັກໂທດ ຈຳນວນທັງໝົດ 8 ຄົນ. ໂອກາດນີ້ສະຫາຍ ພົນຈັດຕະວາ ບຸນຍົງ ດາດົງໄຊ ກໍໄດ້ໂອ້ລົມຕໍ່ຜູ້ທີ່ໄດ້ຮັບການຜ່ອນໂທດ ອະໄພຍະໂທດ ປ່ອຍຕົວ ເຊີ່ງການອະໄພຍະໂທດ ແມ່ນອີງຕາມດໍາລັດຂອງປະທານປະເທດ ແລະ ການອະໄພຍະໂທດ ຜ່ອນໂທດປ່ອຍຕົວ ແມ່ນການປະຕິບັດນະໂຍບາຍດ້ານມະນຸດສະທຳຂອງພັກ-ລັດ ເພື່ອສືກສາອົບຮົມ ນັກໂທດໃຫ້ເຫັນໄດ້ແນວທາງອັນຖືກຕ້ອງ ແລະ ເປັນທຳຂອງພັກ-ລັດ, ສະຫາຍໄດ້ກ່າວເນັ້ນໜັກ ໃຫ້ນັກໂທດ ທີ່ໄດ້ຮັບການອະໄພຍະໂທດຄັ້ງນີ້ ພາຍຫຼັງທີ່ກັບຄືນສູ່ຄອບຄົວ ກໍໍ່ຄືທ້ອງຖິ່ນຂອງຕົນເອງ ຕ້ອງຫຼີກເວັ້ນການກະທຳທີ່ຜິດຕໍ່ກົດໝາຍ ຢ່າງເດັດຂາດ ບຸກໜ້າບືນຕົວ ຝຶກຜົນຫຼໍ່ຫຼອມ ດັດສ້າງຕົນເອງ ໃຫ້ກາຍເປັນພົນລະເມືອງດີຂອງສັງຄົມ. ຂ່າວ-ພາບ: ສົມພອນ ພົງສະຫວັດ.

news to day and hot news