ວັນເສົາ, ວັນທີ 07 ທັນວາ 2024
ກົມໃຫຍ່ເຕັກນິກກອງທັບ ຈັດຕັ້ງພິທີປະກາດແຕ່ງຕັ້ງຂັ້ນພະແນກການ.
ເວລາອອກຂ່າວ: 2021-12-17 10:46:21 | ຜູ້ຂຽນ : admin2 | ຈຳນວນຄົນເຂົ້າຊົມ: 857 | ຄວາມນິຍົມ: 
ວັນທີ 16 ທັນວາ 2021 ນີ້, ກົມໃຫຍ່ເຕັກນິກກອງທັບ ຈັດຕັ້ງພິທີປະກາດແຕ່ງຕັ້ງ-ຍົກຍ້າຍຂັ້ນພະແນກການ, ໂດຍການເປັນປະທານຂອງ ສະຫາຍ ພົ.ວ ສາຍສະໝອນ ໄຊພູບານ ຄະນະປະຈຳພັກກົມໃຫຍ່ ຮອງຫົວໜ້າກົມໃຫຍ່ເຕັກນິກກອງທັບ, ມີກົມແຜນການ-ການເງິນ ກະຊວງປ້ອງກັນປະເທດ, ຄະນະກົມ, ຄະນະຫ້ອງ, ບັນດາພະແນກການ ຕະຫຼອດຮອດຜູ້ທີ່ໄດ້ຮັບໜ້າທີ່ໃໝ່ເຂົ້າຮ່ວມຢ່າງພ້ອມພຽງ.
ໃນພິທີ ສະຫາຍ ພັ.ອ ສາຍຄໍາ ພົມມະວົງ ຮອງຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ ຂຶ້ນຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ. ວ່າດ້ວຍການແຕ່ງຕັ້ງຂັ້ນຮອງພະແນກການ, ອີງຕາມ ກົດໝາຍນາຍທະຫານກອງທັບປະຊາຊົນລາວ ( ສະບັບປັບປຸງ ) ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ. ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັັດທະນາປະເທດຊາດ. ກົມໃຫຍ່ການເມືອງກອງທັບ ຕົກລົງ: ມາດຕາ 01: ແຕ່ງຕັ້ງ ພັ.ຕ ໄຊສະມຸດ ໂນດນາໂພ ເປັນຮອງພະແນກການເງິນ ຫ້ອງການກົມໃຫຍ່ເຕັກນິກກອງທັບ, ແຕ່ງຕັ້ງ ພັ.ຕ ຄໍາພັກ ສີມີສຸກ ເປັນຮອງພະແນກສັງລວມຫ້ອງການກົມໃຫຍ່ເຕັກນິກກອງທັບ, ແຕ່ງຕັ້ງ ຮ.ອ ບຸນມີ ຈຸດຈະດາ ເປັນຮອງພະແນກນະໂຍບາຍ ຫ້ອງການເມືອງ ກົມໃຫຍ່ເຕັກນິກກອງທັບ, ແຕ່ງຕັ້ງ ຮ.ອ ພິດສະຫວັນ ພໍພະໄທ ເປັນຮອງພະແນກກໍາລັງພົນ ກົມເສນາເຕັກນິກ ກົມໃຫຍ່ເຕັກນິກກອງທັບ, ແຕ່ງຕັ້ງ ຮ.ອ ໂຊລ້າ ທອງຄໍາສາມາດ ເປັນຮອງພະແນກຄຸ້ມຄອງສາງຍຸດທະສາດ ກົມຄູ້ມຄອງອາວຸດ-ກະສຸນ ກົມໃຫຍ່ເຕັກນິກກອງທັບ.
ໂອກາດດັ່ງກ່າວນີ້ ສະຫາຍ ພົ.ວ ສາຍສະໝອນ ໄຊພູບານ ຄະນະປະຈໍາພັກກົມໃຫຍ່ ຮອງຫົວໜ້າກົມໃຫຍ່ເຕັກນິກກອງທັບ ໃຫ້ກຽດໂອ້ລົມຕໍ່ພິທີໂດຍ ສະຫາຍ ໄດ້ກ່າວສະແດງຍ້ອງຍໍຊົມເຊີຍຕໍ່ບັນດາຜົນງານ, ຜົນສໍາເລັດ ແລະ ເໜັ້ນໜັກໃຫ້ບັນດາສະຫາຍທີ່ໄດ້ຮັບການແຕ່ງຕັ້ງໃໝ່ ຈົ່ງພ້ອມກັນຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃຫ້ສູງ, ມີແບບແຜນວິທີເຮັດ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບຢ່າງຈະແຈ້ງ, ເປັນເຈົ້າການສຶກສາອົບຮົມຄຸນທາດການເມືອງນໍາພາ-ແນວຄິດໃຫ້ໜັກແໜ້ນ, ມີສະຕິຕໍ່ການຈັດຕັ້ງປະຕິບັດຂໍ້ກໍານົດກົດລະບຽບຂອງກອງທັບຢ່າງເຂັ້ມງວດ, ສ້າງຄວາມສາມັກຄີພາຍໃນໃຫ້ເປັນປຶກແຜ່ນ, ແໜ້ນໜ້າ, ສຶບຕໍ່ປັບປຸງກໍ່ສ້າງກົມກອງໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ເພື່ອເຮັດສໍາເລັດໜ້າທີ່ຕາມການມອບໝາຍຂອງຂັ້ນເທິງ.
ໂດຍ: ພູສະນິດ ສິງເມືອງຄຳ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
