ວັນອັງຄານ, ວັນທີ 03 ທັນວາ 2024
ກອງປະຊຸມສະຫຼຸບວຽກງານກວດກາພາຫະນະເຕັກນິກ ອາວຸດຍຸດໂທປະກອນ ຢູ່ກອງບັນຊາການທະຫານແຂວງຊຽງຂວາງ
ເວລາອອກຂ່າວ: 2021-12-17 11:21:33 | ຜູ້ຂຽນ : admin2 | ຈຳນວນຄົນເຂົ້າຊົມ: 1400 | ຄວາມນິຍົມ: 
ກອງປະຊຸມສະຫຼຸບວຽກງານກວດກາພາຫະນະເຕັກນິກ ອາວຸດຍຸດໂທປະກອນຢູ່ກອງບັນຊາການທະຫານແຂວງຊຽງຂວາງ ໄດ້ຈັດຂຶ້ນໃນວັນທີ 16-17 ທັນວາ 2021 ນີ້ ໂດຍການເປັນປະທານຂອງທ່ານພົນຕີ ປະສິດ ທ່ຽງທຳ ຫົວໜ້າກົມໃຫຍ່ເຕັກນິກກອງທັບ ພ້ອມຄະນະ, ມີສະຫາຍພັນເອກ ບຸນຊູ ໄຊລາສີ ຫົວໜ້າການທະຫານກອງບັນຊາການທະຫານແຂວງ ພ້ອມດ້ວຍຄະນະພັກ-ຄະນະຫ້ອງເຕັກນິກ ເຂົ້າຮ່ວມ. ພັນໂທ ບຸນຊູ ແສນສະຖິດ ຫົວໜ້າຫ້ອງເຕັກນິກ ໄດ້ຂຶ້ນສະຫຼຸບໂດຍຫຍໍ້ຜ່ານການຈັດຕັ້ງປະຕິບັດໜ້າທີ່ວຽກງານຄຸ້ມຄອງ-ນຳໃຊ້ພາຫະນະເຕັກນິກ ແລະອາວຸດຍຸດໂທປະກອນໃນທົ່ວກຳລັງທ້ອງຖິ່ນມີລົດທັງໝົດ 82 ຄັນ ໃນນີ້ກະຊວງປະກອບໃຫ້ 42 ຄັນ, ແຂວງປະກອບໃຫ້ 10 ຄັນ, ກອງບັນຊາການທະຫານແຂວງຊື້ເອງ 30 ຄັນ, ປັດຈຸບັນນຳໃຊ້ໄດ້ຕົວຈິງ 71 ຄັນ ມີກາລ່າສ້ອມແປງ 1 ຫຼັງ ມີເຄື່ອງມືສ້ອມແປງຕາມການປະກອບຂອງຂັ້ນເທິງ ແລະກອງບັນຊາການຊື້ເພີ່ມຈຳນວນໜຶ່ງ, ມີນັກສ້ອມແປງທີ່ມີສີມືພໍໃຊ້ໄດ້ 3 ສະຫາຍ ໂອກາດທີ່ລົງມາເຄື່ອນໄຫວເຮັດວຽກຢູ່ແຂວງຊຽງຂວາງໃນຄັ້ງນີ້ ພົນຕີ ປະສິດ ທ່ຽງທຳ ພ້ອມຄະນະ ກໍໄດ້ລົງກວດກາເບິ່ງພາຫະນະ, ກາລ່າສ້ອມແປງ ເຄື່ອງມືສ້ອມແປງ ປະເພດລົດທີ່ນຳໃຊ້ໄດ້ ແລະນຳໃຊ້ບໍ່ໄດ້ ແລະອາວຸດກະສູນປະເພດຕ່າງໆ ຢູ່ບັນດຳກົມກອງຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
