POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ມີນາ 2025

ຄະນະບໍລິຫານງານພັກອົງການກົມໃຫຍ່ພະລາທິການ ສະຫຼຸບວຽກງານການນໍາພາປະຈໍາປີ 2021
ເວລາອອກຂ່າວ: 2021-12-17 14:13:20 | ຜູ້ຂຽນ : admin2 | ຈຳນວນຄົນເຂົ້າຊົມ: 1566 | ຄວາມນິຍົມ:

ກອງປະຊຸມສະຫູຸບວຽກງານການນຳພາຂອງຄະນະບໍລິຫານງານພັກອົງການກົມໃຫຍ່ພະລາທິການກອງທັບປະຈຳປີ 2021 ແລະ ທິດທາງແຜນການນໍາພາປະຈໍາ 6 ເດືອນຕົ້ນປີ 2022 ຄັ້ງທີ III, ສະໄໝທີ VI ຂື້ນ, ໃນຕອນເຊົ້າວັນທີ 17 ທັນວາ 2021 ນີ້, ໂດຍພາຍໃຕ້ການເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ເລຂາຄະນະພັກອົງການກົມໃຫຍ່ ຫົວໜ້າກົມໃຫຍ່ພະລາທິການກອງທັບ,ມີກໍາມະການຄະນະພັກກະຊວງປ້ອງກັນປະເທດ,ກໍາມະການຄະນະປະຈໍາພັກກົມໃຫຍ່, ຄະນະບໍລິຫານງານພັກອົງການກົມໃຫຍ່ພະລາທິການກອງທັບເຂົ້າຮ່ວມ. ສະຫາຍ ພົນຈັດຕະວາ ຄໍາແດງ ແພງວິໄລ ຮອງເລຂາຄະນະພັກອົງການກົມໃຫຍ່ ຮອງຫົວໜ້າກົມໃຫຍ່ພະລາທິການກອງທັບ ໄດ້ຂື້ນຜ່ານ ບົດສະຫຼຸບການນໍາພາຂອງຄະນະບໍລິຫານງານພັກອົງການກົມໃຫຍ່ພະລາທິການກອງທັບ ປະຈຳປີ 2021 ແລະ ມະຕິທິດທາງນໍາພາປະຈໍາ 6 ເດືອນຕົ້ນປີ 2022 ຄັ້ງທີ III, ສະໄໝທີ VI, ໂດຍໄດ້ຍົກໃຫ້ເຫັນສະພາບການຂອງໂລກພາກພື້ນ, ບັນຫາໂລກລະບາດພະຍາດໂຄວິດ-19 ແລະ ວຽກງານຫຼາຍດ້ານທີ່ພົ້ນເດັ່ນທີ່ໄດ້ສຸມໃສ່ນໍາພາໃນ 1 ປີຜ່ານມາ, ເຊີ່ງມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້, ໂດຍສະເພາະວຽກງານຮັບປະກັນໃຫ້ແກ່ການເຄື່ອນໄຫວເຮັດໃຫ້ສະພາບການມີຄວາມສະຫງົບ, ໄດ້ຊີ້ນຳບັນດາອົງການ, ກົມກອງພະລາທິການທີ່ກ່ຽວຂ້ອງຈັດຕັ້ງຮັບປະກັນພະລາທິການຮອບດ້ານໂດຍໄດ້ຕິດຕາມກຳແໜ້ນສະພາບການທີ່ຜັນແປໃນແຕ່ລະໄລຍະຢ່າງໄກ້ຊິດ ເພື່ອກຽມພ້ອມ ແລະ ຮັບປະກັນວັດຖຸພະລາທິການ, ກຳລັງພົນໃຫ້ໄດ້ຢ່າງທັນເວລາ, ຮັບປະກັນໃຫ້ແກ່ໂຄງການ 01728 ການເຄື່ອນໄຫວສູ້ຮົບຂອງບັນດາກົມກອງ-ທ້ອງຖິ່ນ ແລະ ຮັບປະກັນໃຫ້ການກອບກູ້ໄພພິບັດ, ອຸປະຕິເຫດຮ້າຍແຮງໃນເມື່ອມີກໍລະນີເກີດຂຶ້ນໃຫ້ທັນເວລາ,ຈັດຕັ້ງປ້ອງກັນເວນຍາມສຳນັກງານອົງການ, ສາງຄັງພະລາທິການມີຄວາມປອດໄພ 100% , ແກ້ໄຂປະກົດການຫຍໍ້ທໍ້, ເຮັດໃຫ້ບັນດາກົມກອງມີຄວາມສະຫງົບໂດຍພື້ນຖານ,ວຽກງານປັບປຸງ-ກໍ່ສ້າງກໍາລັງ ໄດ້ຊຸກຍູ້ຊີ້ນຳຄະນະພັກ-ຄະນະບັນຊາແຕ່ລະຂັ້ນສຶກສາອົບຮົມການເມືອງ-ນໍາພາແນວຄິດໃຫ້ສະມາຊິກພັກ, ພະນັກງານ-ນັກຮົບເປັນປະຈຳ ດ້ວຍຫຼາຍຮູບການເຊັ່ນ: ຈັດຕັ້ງເຊື່ອມຊຶມມະຕິ, ຂໍ້ຕົກລົງ, ປາຖະກະຖາມູນເຊື້ອຂອງຊາດ, ຂອງພັກ, ຂອງກອງທັບ, ຂອງສາກົນ, ຂອງອົງການຈັດຕັ້ງມະຫາຊົນ, ຂະບວນການແຂ່ງຂັນປະຕິບັດໜ້າທີ່ວິຊາສະເພາະ, ຂະບວນການກິລາ, ສິລະປະ-ວັນນະຄະດີ, ອອກແຮງງານລວມ ແລະ ຂະບວນການສ້າງນັກຮົບວັດທະນາທໍາ-ກອງວັດທະນາທຳ, ກອງ 3 ປອດ, ໜວ່ຍພັກປອດໃສ, ເຂັ້ມແຂງ ແລະ ໜັກແໜ້ນ ຕາມເງື່ອນໄຂຕົວຈິງ ຂອງແຕ່ລະກົມກອງ, ຊຸກຍູ້ການດຳເນີນຊີວິດການເມືອງຂອງໜ່ວຍພັກ, ໂຄສະນາອົບຮົມແນວທາງແຜນນະໂຍບາຍຂອງພັກ, ໂດຍຕິດພັນກັບໜ້າທີ່ການເມືອງຂອງແຕ່ລະສະຫາຍ, ປັບປຸງຄຸນນະພາບໃນການດໍາເນີນຊີວິດພັກທີ່ໄດ້ກຳນົດຕາມກົດລະບຽບຂອງພັກມາກວດກາຕີລາຄາຈຸດດີ-ຈຸດອ່ອນຂອງແຕ່ລະສະຫາຍໃນແຕ່ລະຄັ້ງ, ເຮັດໃຫ້ການດໍາເນີນຊີວິດພັກມີລັກສະນະສຶກສາອົບຮົມ, ລັກສະນະນຳໜ້າ ແລະ ລັກສະນະຕໍ່ສູ້ກ່ວາເກົ່າ, ຊຸກຍູ້ວຽກງານໂຄສະນາເຄື່ອນໄຫວເກັບກໍາຂໍ້ມູນຂ່າວສານ, ຖ່າຍທຳວິດີໂອ, ສ້າງເປັນບົດຂ່າວສົ່ງອອກວິທະຍຸ,ໂທລະພາບ, ໜັງສືພິມຂອງກອງທັບຢ່າງຕໍ່ເນື່ອງ, ກໍ່ສ້າງພັກ - ພະນັກງານ, ນະໂຍບາຍ, ປະກັນສັງຄົມ ແລະ ວຽກງານອົງການຈັດຕັ້ງມະຫາຊົນຕາມເງື່ອນໄຂຂອງວຽກງານຕົວຈິງ, ວຽກງານຮັບປະກັນພະລາທິການໄດ້ຊຸກຍູ້ຊີ້ນໍາໃຫ້ພາກສ່ວນກ່ຽວຂ້ອງເອົາໃຈໃສ່ຈັດຕັ້ງປະຕິບັດງົບປະມານປະຈຳສົກປີ ໃຫ້ສຳເລັດຕາມແຜນການ ໂດຍສະເພາະແມ່ນການແກ້ໄຂເງີນເດືອນ, ຮັບປະກັນວັດຖຸພະລາທິການປົກກະຕິເຊັ່ນ:ນໍ້າມັນເຊື້ອໄຟ, ອຸປະໂພກ - ບໍລິໂພກ, ເສນາຮັກ, ຂົນສົ່ງ ເຫັນວ່າຮັບປະກັນໄດ້ຕາມແຜນຂອງກະຊວງ ແລະ ແຜນວຽກຂອງກົມກອງ, ທັງຮັບປະກັນໃນການຄຸ້ມຄອງບໍ່ມີປະກົດການຕົກເຮ່ຍເສຍຫາຍ,ວຽກງານຮັບປະກັນສຸຂະພາບຊີ້ນຳໃຫ້ຂະແໜງການເສນາຮັກລົງຊຸກຍູ້ຢູ່ບັນດາອົງການ, ກົມກອງທ້ອງຖິ່ນທົ່ວກອງທັບ ,ເຮັດວຽກສຸຂະນາໄມ, ປ້ອງກັນ ແລະ ຕ້ານພະຍາດລະບາດໂຄວິດ-19, ໄຂ້ຍຸງລາຍ ແລະ ພະຍາດລະບາດອື່ນໆ ໄດ້ຢ່າງທັນເວລາ ແລະ ມີຜົນສໍາເລັດເປັນຢ່າງດີເຮັດເຊີ່ງໃຫ້ສຸຂະພາບຂອງພະນັກງານ-ນັກຮົບມີຄວາມແຂງແຮງດີ, ເຄື່ອນໄຫວລົງສັກຢາວັກຊິນປ້ອງກັນພະຍາດໂຄວິດ – 19 ໃຫ້ສໍາເລັດຕາມແຜນການຂອງຂັ້ນເທິງວາງອອກ, ວຽກງານຜະລິດແກ້ໄຂຊີວິດການເປັນຢູ່ ແລະ ຜະລິດສ້າງລາຍຮັບ, ເສີມຂະຫຍາຍທ່າແຮງບົ່ມຊ້ອນຂອງແຕ່ລະກົມກອງ, ທ້ອງຖິ່ນເຂົ້າໃນການຜະລິດແກ້ໄຂຊີວິດການເປັນຢູ່ ແລະ ຜະລິດເປັນສິນຄ້າ ໃຫ້ມີຈຳນວນເພີ່ມຫຼາຍຂຶ້ນ ເພື່ອລ້ຽງດູທັບ ແລະ ປົກປັກຮັກສາສັດລ້ຽງທີ່ມີແລ້ວໃຫ້ຂະຫຍາຍຕົວຢ່າງມີປະສິດທິຜົນ, ແນໃສ່ ເພື່ອສ້າງເປັນຄັງແຮ່ທາງດ້ານສະບຽງອາຫານໃຫ້ແກ່ກອງທັບໃນສະເພາະໜ້າ ແລະ ຍາວ ນານ, ຄຸ້ມຄອງປົກປັກຮັກສາການຈັດຕັ້ງປະຕິບັດວຽກງານກວດສອບບັນຊີ, ກວດກາເອກະສານຮັບ - ຈ່າຍ ທາງດ້ານວັດຖຸ ແລະ ເງິນຄຳ, ກວດກາຈໍານວນວັດຖຸຕົວຈິງຢູ່ບັນດາສາງ-ຄັງ ປະຈຳເດືອນ, ປະຈຳງວດ, ປະຈໍາປີ ໄດ້ຢ່າງປົກກະຕິ, ຜັນຂະຫຍາຍການພົວພັນຮ່ວມມືວຽກງານການຕ່າງປະເທດກັບບັນດາເພື່ອນມິດແບບພິເສດ, ເພື່ອນມິດຍຸດທະສາດດ້ານວຽກງານພະລາທິການ, ເປັນຕົ້ນການແລກປ່ຽນຄະນະຜູ້ແທນໄປມາຫາສູ່ຖອດຖອນບົດຮຽນ, ການບຳລຸງກໍ່ສ້າງພະນັກງານວິຊາສະເພາະ, ວຽກງານປິ່ນປົວສຸຂະພາບ, ຊ່ຽວຊານໂຮງໝໍ, ໂຮງຮຽນ, ວຽກງານຂົນສົ່ງຜ່ານແດນໃຫ້ໄດ້ຮັບການຈັດຕັ້ງປະຕິບັດມີຜົນສໍາເລັດຕາມແຜນການ, ຈາກນັ້ນ, ຄະນະບໍລິຫານງານພັກອົງການກົມໃຫຍ່ ກໍ່ໄດ້ຜັດປ່ຽນກັນຂື້ນປະກອບຄໍາຄິດຄໍາເຫັນແລກປ່ຽນສະຫຼຸບຖອດຖອນບົດຮຽນຄົ້ນຄົ້ວາປຶກສາຫາລືຊອກໃຫ້ເຫັນບັນຫາທີ່ພົ້ນເດັ່ນ ແລະ ບັນຫາທີ່ພາໃຫ້ມີຈຸດອ່ອນຂໍ້ຄົງຄ້າງ ເພື່ອນໍາເອົາແນວຄິດ ແລະ ແບບແຜນວິທີເຮັດວຽກງານໄປຈັດຕັ້ງປະຕິບັດໃຫ້ສອດຄ່ອງກັບໜ້າທີ່ວຽກງານຕົວຈິງຂອງກົມກອງໃຫ້ປະສົບຜົນສໍາເລັດໃນຂັ້ນຕໍ່ໄປ, ຕອນທ້າຍກອງປະຊຸມຍັງໄດ້ຄົ້ນຄົ້ວາຜ່ານລາຍຊື່ຜູ້ສະເໜີເລື່ອນຊັ້ນງວດ 6 ເດືອນທ້າຍປີ 2021 ອີກດ້ວຍ. ໂອກາດນີ້, ສະຫາຍ ພົນຕີ ຄໍາເພັດ ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ເລຂາຄະນະພັກອົງການກົມໃຫຍ່ ຫົວໜ້າກົມໃຫຍ່ພະລາທິການກອງທັບ ກໍ່ໄດ້ຮຽກຮ້ອງໃຫ້ຄະນະບໍລິຫານງານພັກອົງການກົມໃຫຍ່ທຸກສະຫາຍ ຈົ່ງພ້ອມກັນເອົາໃຈໃສ່ສືບຕໍ່ຊີ້ນໍາ-ນໍາພາສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ສູນກາງພັກ, ມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ວ່າດ້ວຍ 4 ໜ້າທີ່ໃຫຍ່ 26 ແຜນງານ ແລະ ມະຕິກອງປະຊຸມໃຫຍ່ຄັ້ງທີ VI ຂອງຄະນະພັກອົງການກົມໃຫຍ່ພະລາທິການກອງທັບ, ບົນຈິດໃຈທະລຸເຂົ້າໃນແຜນງານໃຫຍ່ທີ 3 ໃຫ້ມີທ່າກ້າວຂະຫຍາຍຕົວ, ເຊີດຊູນໍ້າໃຈເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຜະລິດແກ້ໄຂຊີວິດການເປັນຢູ່ໃຫ້ນັບມື້ດີຂື້ນ, ປັບປຸງກໍ່ສ້າງຄ້າຍຄູຕາມທິດມີແຜນການ ແລະ ແໜ້ນໜາຖາວອນ, ຄຸ້ມຄອງປົກປັກຮັກສາ ພື້ນຖານວັດຖຸຊັບສົມບັດຂອງກອງທັບໃຫ້ດີ, ບົນຈິດໃຈປະຢັດສັດທ່ຽງ, ເພີ່ງຕົນເອງ, ກຸ້ມຕົນເອງ,ສ້າງຄວາມເຂັ້ມແຂງດ້ວຍຕົນເອງ ແລະ ກໍ່ສ້າງຖັນແຖວພະນັກງານສືບທອດປ່ຽນແທນ, ດ້ານວິຊາການໃຫ້ພຽງພໍຕາມຈໍານວນ, ຮັບປະກັນທາງດ້ານຄຸນນະພາບ ແລະ ເຮັດສໍາເລັດໜ້າທີ່ຕາມການມອບໝາຍຈາກການຈັດຕັ້ງຂັ້ນເທິງຢ່າງຈົບງາມຕະຫຼອດໄປ. ໂດຍ: ຮອ ຄໍາປະສົງ ລາດຊະວົງ.

news to day and hot news