ວັນພຸດ, ວັນທີ 09 ກັນຍາ 2026
ກອງພັນໃຫຍ່ 605 ເປີດຊຸດອົບຮົມ-ຫັດແອບປະຈຳປີ
ເວລາອອກຂ່າວ: 2022-02-14 09:19:02 | ຜູ້ຂຽນ : admin2 | ຈຳນວນຄົນເຂົ້າຊົມ: 2193 | ຄວາມນິຍົມ: 
ໃນວັນທີ 9 ກຸມພາ 2022 ນີ້,
ກອງພັນໃຫຍ່ 605 ໄດ້ເປີດຊຸດອົບ
ຮົມ-ຫັດແອບການເມືອງ, ການ ທະຫານ, ພະລາທິການ-ເຕັກນິກ ປະຈຳປີ 2022, ໂດຍການ ເປັນ
ປະທານຂອງ ສະຫາຍ ພົນຈັດ ຕະວາວົງແກ້ວ ວົງພິລາ ຫົວໜ້າ
ກົມປຶນໃຫຍ່ໜ້າດິນກົມໃຫຍ່ເສ ນາທິການກອງທັບ, ມີ ສະຫາຍ ພັນເອກ ຄຳພຽນ ກິດຕະສຸບັນດິດ ຮອງຫົວໜ້າກົມກຳລັງພົນ ກົມ ໃຫຍ່ເສນາທິການກອງທັບ, ມີ
ຄະນະພັກ-ຄະນະບັນຊາ, ພະນັກ ງານ - ນັກຮົບຕະຫຼອດຮອດອ້າຍນ້ອງທະຫານໃໝ່ເຂົ້າຮ່ວມ.
ສະຫາຍ ພັນຕີ ສັນຍາ ມະໂນ ລາດ ຫົວໜ້າຂະແໜງອົບຮົມ ກອງພັນໃຫຍ່ 605 ໄດ້ຂຶ້ນ ຜ່ານແຜນການອົບຮົມ-ຫັດແອບປະຈຳປີ 2022.ໂດຍປະຕິບັດ
ຕາມຄໍາສັ່ງ ແລະ ແຜນການອົບ
ຮົມ-ຫັດແອບຂອງກົມໃຫຍ່ເສນາ ທິການກອງທັບ ວ່າດ້ວຍ ການອົບ
ຮົມ-ຫັດແອບປັບປຸງລະບຽບ ແບບແຜນເຝິກຝົນກໍາລັງແຮງ
ກາຍໃຫ້ກົມກອງເຫຼົ່າຮົບປືນໃຫຍ່ ໜ້າດິນ ປະຈຳປີ 2022 ເພື່ອແນໃສ່ ປັບປຸງກໍ່ສ້າງກຳລັງໃຫ້ມີຄວາມ ໜັກແໜ້ນເຂັ້ມແຂງ, ທັງເປັນ ການປັບປຸງລະບຽບແບບແຜນ ພາຍໃນກົມກອງໃຫ້ຮັດກຸມ ແລະ ເຄຶ່ອນໄຫວເຮັດໜ້າທີ່ການເມືອງ ກົມກອງຕາມທີ່ໄດ້ຮັບມອບໝາຍ ໃຫ້, ກຳໄດ້ທິດສະດີ, ຍົກລະດັບ ຄວາມຮູ້ຄວາມສາມາດທາງດ້ານ ເຫຼົ່າຮົບວິຊາສະເພາະ, ສິລະປະ
ຍຸດ-ຍຸດທະວິທີ,ການອົບຮົມ-
ຫັດແອບໃນຄັ້ງນີ້, ໄດ້ແບ່ງອອກ ເປັນ 2 ໄລຍະຄື: ໄລຍະທີ 1 ເລີມ
ແຕ່ ເດຶອນ ກຸມພາ ຫາ ເດຶອນພຶດ ສະພາ 2022, ໄລຍະທີ 2 ເລີ່ມແຕ່
ເດືອນ ກໍລະກົດ ຫາ ເດືອນ ຕຸລາ 2022 ແລະ ໃຊ້ເວລາ ທັງໝົດ 160 ວັນໃນນັ້ນອົບຮົມການເມືອງ 10 ວັນ, ການທະຫານ 140 ວັນ,
ພະລາທິການ 5 ວັນ ແລະ ເຕັກນິກ
5 ວັນ, ຈາກນັ້ນກໍໄດ້ຜ່ານແຜນ ການອົບຮົມ-ຫັດແອບໃຫ້ທະ ຫານໃໝ່ໄດ້ຮັບຮູ້ ແລະ ເຊື່ອມຊຶມ ຕໍ່ໜ້າທີ່ພັນທະປ້ອງກັນຊາດ ປ້ອງກັນຄວາມສະຫງົບ, ຝຶກ ຝົນຫຼໍ່ຫຼອມທາງດ້ານຄຸນສົມບັດ ສິນທຳປະຕິວັດ, ມີລະບຽບວິໄນເຂັ້ມງວດປະຕິບັດລະບຽບແບບແຜນຂອງກອງທັບ ແລະ ລະບຽບກົດໝາຍຂອງລັດວາງ ອອກ, ໃນນັ້ນໄດ້ກຳນົດເວລາອົບ ຮົມ-ຫັດແອບ 90 ວັນ, ອົບຮົມ ການເມືອງ 4 ວັນ, ການທະຫານ 54 ວັນ, ພະລາທິການ - ເຕັກນິກ
3 ວັນ, ໂອກາດນີ້ ຍັງໄດ້ເປີດຂະ ບວນການແຂ່ງຂັນພາຍໃຕ້ຄຳ ຂວັນຮັກຊາດ ແລະ ພັດທະນາ ປະຈຳປີ 2022 ເພື່ອພ້ອມກັນນໍາເອົາເນື້ອໃນຂໍ້ແຂ່ງຂັນໄປຈະຕັ້ງຜັນຂະຫຍາຍໃຫ້ໄດ້ຮັບໝາກ ຜົນສຸງສຸດ.
ໂອກາດດຽວກັນນີ້, ສະຫາຍ
ພົນຈັດຕະວາ ວົງແກ້ວ ວົງພິລາ ກໍໄດ້ມີຄຳເຫັນໂອ້ລົມ ເຊິ່ງສະຫາຍ ໄດ້ສະແດງຄວາມຍ້ອງຍໍຊົມ ເຊີນຕໍ່ຜົນສຳເລັດທີ່ກອງພັນໃຫຍ່ 605 ຍາດມາໄດ້ໃນການຈັດຕັ້ງ ປະຕິບັດແຜນການອົບຮົມ-ຫັດ ແອບ ປະຈໍາປີ 2021 ຜ່ານມາ, ພ້ອມທັງເນັ້ນໜັກໃຫ້ຄະນະພັກ-
ຄະນະບັນຊາ, ພະນັກງານ-ນັກ
ຮົບທຸກສະຫາຍຈົ່ງຍົກສູງຄວາມ ຮັບຜິດຊອບຕໍ່ໜ້າທີ່ການເມືອງ ຂອງຕົນໃຫ້ສູງກວ່າເກົ່າ, ກຳ
ແໜ້ນທິດສະດີຫຼັກການໃຫ້ເລິກ ເຊິ່ງ, ຍົກສູງຄວາມຮູ້, ຄວາມ ສາມາດ, ມີຄວາມຄ່ອງແຄ້ວໃນ ການປະຕິບັດຕົວຈິງ, ຜ່ານຜ່າທຸກ ຄວາມຫຍຸ້ງຍາກ ນາໆປະການ, ຖືເອົາວຽກງານອົບຮົມ-ຫັດແອບ ເປັນໃຈກາງເພື່ອປັບປຸງກໍ່ສ້າງກົມກອງໃຫ້ມີຄຸນນະພາບ ແລະ ສູ້ຊົນເຮັດໃຫ້ການອົບຮົມ-ຫັດ ແອບຄັ້ງນີ້ ບັນລຸໝາກຜົນສູງ. ໂດຍ: ນາງ ໜູແດງ ລາດສະແກ້ວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
