ກອງທັບປະຊາຊົນລາວ

ວັນຈັນ, ວັນທີ 27 ມິຖຸນາ 2022



ຄະນະຜູ້ແທນຂັ້ນສູງສະພາແຫ່ງຊາດ ສສ ຫວຽດນາມ ຢ້ຽມຢາມສັນຖະວະໄມຕີ ສປປ ລາວ
ເວລາອອກຂ່າວ: 2022-05-17 08:47:04 | ຜູ້ຂຽນ : admin2 | ຈຳນວນຄົນເຂົ້າຊົມ: 301 | ຄວາມນິຍົມ:



ໃນລະຫວ່າງວັນທີ 15-17 ພຶດສະພາ 2022, ສະຫາຍ ເວືອງ ດິງ ເຫວະ, ກໍາມະການກົມການ ເມືອງສູນກາງພັກກອມມູນິດ ຫວຽດນາມ, ປະທານສະພາແຫ່ງ ຊາດແຫ່ງ ສສ. ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນ ທາງການ ຕາມການເຊື້ອເຊີນ ຂອງ ສະຫາຍ ໄຊສົມພອນ ພົມ ວິຫານ, ກໍາມະການກົມການ ເມືອງສູນກາງພັກປະຊາຊົນປະ ຕິວັດລາວ, ປະທານສະພາແຫ່ງ ຊາດແຫ່ງ ສປປ ລາວ ທັງເປັນ ການຢ້ຽມຢາມ ສປປ ລາວ ຄັ້ງທໍາ ອິດ ໃນນາມປະທານສະພາແຫ່ງ ຊາດ ຫວຽດນາມ ຊຸດທີ XV ແລະ ເປັນຄະນະຜູ້ແທນຂັ້ນສູງ ຂອງ ອົງການນິຕິບັນຍັດຕ່າງ ປະເທດ ຄະນະທໍາອິດມາຢ້ຽມຢາມ ສະ ພາແຫ່ງຊາດລາວ ຊຸດທີ IX. ການຢ້ຽມຢາມຄັ້ງນີ້ ມີຂຶ້ນໃນທ່າມກາງບັນຍາກາດການ ສະເຫຼີມສະຫຼອງປີສາມັກຄີມິດ ຕະພາບ ລາວ-ຫວຽດນາມ ປີ 2022 ກໍຄືວັນສ້າງຕັ້ງສາຍພົວ ພັນການທູດ ລາວ-ຫວຽດນາມ ຄົບຮອບ 60 ປີ (5/9/1962-5/9/2022) ແລະ ວັນເຊັນສົນ ທິສັນຍາມິດຕະພາບ ແລະ ການ ຮ່ວມມືລະຫວ່າງ ລາວ-ຫວຽດ ນາມ ຄົບຮອບ 45 ປີ (18/7/ 1977-18/7/2022) ເຊິ່ງເປັນ ການສືບຕໍ່ຮັດແໜ້ນ ແລະ ເສີມຂະ ຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະ ຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດ ນາມ ເວົ້າລວມ, ເວົ້າສະເພາະ ລະຫວ່າງ ສອງສະພາແຫ່ງຊາດ ຂອງສອງປະເທດ ໃຫ້ນັບມື້ເຂົ້າ ສູ່ລວງເລິກ ແລະ ແຕກດອກ ອອກຜົນຍິ່ງໆຂຶ້ນ, ໃນຕອນແລງ ຂອງວັນທີ 15 ພຶດສະພາ 2022, ຄະນະຜູ້ແທນຂັ້ນສູງສະພາແຫ່ງ ຊາດຫວຽດນາມ ໄດ້ເຂົ້າຮ່ວມພິ ທີວາງສີລາລືກ ໂຄງການກໍ່ສ້າງ ສວນສາທາລະນະມິດຕະພາບ ລາວ-ຫວຽດນາມ, ຢ້ຽມຢາມທະ ນາຄານ BIDV, ພົບປະກັບສະ ມາຄົມນັກທຸລະກິດຫວຽດນາມ ແລະ ພົບປະຢ້ຽມຢາມພະນັກງານ ສະຖານທູດຫວຽດນາມ. ໃນຕອນເຊົ້າຂອງວັນທີ 16 ພຶດສະພາ 2022 ພາຍຫຼັງທີ່ຄະ ນະຜູ້ແທນຂັ້ນສູງຂອງສະພາ ແຫ່ງຊາດ ຫວຽດນາມ ໄດ້ວາງ ພວງມາລາ ທີ່ອະນຸສາວະລີນັກ ຮົບນິລະນາມສໍາເລັດແລ້ວ, ຄະ ນະ ໄດ້ເຂົ້າຮ່ວມພິທີຕ້ອນຮັບ ເຊິ່ງ ຈັດຂຶ້ນຢ່າງເປັນທາງການ ແລະ ສົມກຽດ ທີ່ຫໍສະພາແຫ່ງຊາດ ລາວ ໂດຍສະຫາຍ ປອ. ໄຊສົມ ພອນ ພົມວິຫານ, ປະທານສະ ພາແຫ່ງຊາດລາວ ພ້ອມດ້ວຍ ບັນດາສະຫາຍຮອງປະທານສະ ພາ ແຫ່ງຊາດ, ກໍາມະການຄະນະ ປະຈໍາ, ປະທານ-ຮອງປະທານ ກໍາມາທິການ, ຄະນະເລຂາທິການ ແລະ ພະນັກງານ- ລັດຖະກອນ ຂອງສະພາແຫ່ງຊາດລາວ ເຂົ້າ ຮ່ວມ. ພາຍຫຼັງພິທີຕ້ອນຮັບຢ່າງເປັນ ທາງການສຳເລັດແລ້ວ, ສະຫາຍ ປະທານສະພາແຫ່ງຊາດລາວ ແລະ ຫວຽດນາມ ໄດ້ດໍາເນີນການ ພົບປະສອງຝ່າຍຢ່າງເປັນທາງ ການ, ສອງຝ່າຍໄດ້ຮ່ວມກັນຕີ ລາຄາຄືນການພົວພັນ ແລະ ການ ຮ່ວມມື ລະຫວ່າງ ສອງປະເທດ ກໍຄື ລະຫວ່າງ ສອງສະພາແຫ່ງ ຊາດລາວ-ຫວຽດນາມ ໃນໄລຍະ ຜ່ານມາ ແລະ ປຶກສາຫາລືທິດ ທາງແຜນການພົວພັນຮ່ວມມືໃນ ຕໍ່ໜ້າ ເປັນຕົ້ນແມ່ນການສືບຕໍ່ ຈັດຕັ້ງປະຕິບັດເນື້ອໃນຈິດໃຈ ຂອງບົດບັນທຶກ ວ່າດ້ວຍການ ຮ່ວມມືລະຫວ່າງ ສອງປະທານສະ ພາແຫ່ງຊາດ, ການຮ່ວມກັນຈັດ ບັນດາກິດຈະກໍາສະເຫຼີມສະຫຼອງ ປີສາມັກຄີມິດຕະພາບ ລາວ-ຫວຽດນາມ ປີ 2022 ກໍຄືການ ແລກປ່ຽນຄະນະຜູ້ແທນ, ການ ຈັດຕັ້ງກອງປະຊຸມສໍາມະນາແລກ ປ່ຽນບົດຮຽນ, ການຮ່ວມກັນຕິດ ຕາມກວດກາ, ການຮ່ວມມືສະ ໜັບສະໜູນເຊິ່ງກັນ ແລະ ກັນໃນ ເວທີລັດຖະສະພາພາກພື້ນ ແລະ ສາກົນ ເຊັ່ນ: IPU, AIPA, APPF, APF ແລະ ອື່ນໆ. ປະທານ ສະພາແຫ່ງຊາດລາວໄດ້ສະແດງ ຄວາມຂອບໃຈຕໍ່ສະຫາຍປະທານ ສະພາແຫ່ງຊາດຫວຽດນາມ ທີ່ ຈະໃຫ້ການຮ່ວມມື ແລະ ສະໜັບ ສະໜູນແກ່ສະພາແຫ່ງຊາດ ລາວ ໃນການເປັນເຈົ້າພາບຈັດກອງ ປະຊຸມສະພາແຫ່ງຊາດ ຂອງ 3 ປະເທດ ກໍາປູເຈຍ-ລາວ-ຫວຽດ ນາມ (CLV) ໃນປີ 2023 ແລະ ກອງປະຊຸມໃຫຍ່ສະມັດຊາລັດ ຖະສະພາ ລະຫວ່າງຊາດອາຊຽນ (AIPA) ຄັ້ງທີ 45 ໃນປີ 2024 ຕໍ່ ໜ້ານີ້. ພາຍຫຼັງການພົບປະ, ສອງ ປະທານສະພາແຫ່ງຊາດ ກໍໄດ້ ຮ່ວມລົງນາມ ໃນບົດບັນທຶກວ່າ ດ້ວຍການຮ່ວມມືລະຫວ່າງສອງ ສະພາແຫ່ງຊາດ ແລະ ຮ່ວມກັນ ເປັນສັກຂີພິຍານ ໃນພິທີເຊັນບົດ ບັນທຶກການຮ່ວມມືລະຫວ່າງກໍາ ມາທິການບັນດາເຜົ່າ, ລະຫວ່າງ ຄະນະເລຂາທິການສະພາແຫ່ງ ຊາດລາວ ແລະ ຫ້ອງວ່າການ ສະພາແຫ່ງຊາດ ຫວຽດນາມ ເຊິ່ງເປັນນິຕິກໍາບ່ອນອີງ ໃຫ້ແກ່ ການພົວພັນຮ່ວມມືລະຫວ່າງ ສອງອົງການນິຕິບັນຍັດໃນຕໍ່ໜ້າ. ໃນໄລຍະຢ້ຽມຢາມຢູ່ ສປປ ລາວ, ສະຫາຍປະທານສະພາແຫ່ງຊາດ ຫວຽດນາມ ໄດ້ເຂົ້າຢ້ຽມຂໍ່ານັບ ສະຫາຍເລຂາທິການໃຫຍ່ ຄະນະ ບໍລິຫານງານສູນກາງພັກປະຊາ ຊົນປະຕິວັດລາວ, ປະທານປະ ເທດ, ສະຫາຍ ນາຍົກລັດຖະມົນຕີ, ບັນດາ ສະຫາຍອະດີດການນໍາ ພັກ, ລັດ ແລະ ສະພາແຫ່ງຊາດ ແຫ່ງ ສປປ ລາວ. ໃນການພົບປະ, ບັນດາສະຫາຍການນໍາ, ອະດີດ ການນໍາຂອງພັກ, ລັດ ແລະ ສະ ພາແຫ່ງຊາດ ໄດ້ຕີລາຄາການ ພົວພັນຮ່ວມມືສອງຝ່າຍໄລຍະ ຜ່ານມາ ແລະ ພິເສດການຢ້ຽມ ຢາມຄັ້ງນີ້ພໍດີຢູ່ໃນບັນຍາກາດສະ ຫຼອງສອງວັນປະຫວັດສາດ. ຕາງ ໜ້າໃຫ້ປະຊາຊົນລາວບັນດາເຜົ່າ ຂໍສະແດງຄວາມຮູ້ບຸນຄຸນເປັນ ຢ່າງສູງ ແລະ ຂອບໃຈຢ່າງຈິງໃຈ ມາຍັງພັກ, ສະພາແຫ່ງຊາດ, ລັດ ຖະບານ ແລະ ປະຊາຊົນຫວຽດ ນາມອ້າຍນ້ອງຕໍ່ການສະໜັບສະ ໜູນ ແລະ ການຊ່ວຍເຫຼືອອັນໃຫຍ່ ຫຼວງ, ລໍ້າຄ່າ ແລະ ທັນການ ໃນ ພາລະກິດຕໍ່ສູ້ກູ້ຊາດໃນເມື່ອກ່ອນ ກໍຄືພາລະກິດປົກປັກຮັກສາ ແລະ ສ້າງສາປະເທດຊາດໃນປັດຈຸ ບັນ. ໃນຕອນບ່າຍຂອງວັນທີ 16 ພຶດສະພາ 2022, ສອງຝ່າຍສືບ ຕໍ່ຈັດກອງປະຊຸມສໍາມະນາ ໃນ ຫົວຂໍ້: ກົນໄກ, ນະໂຍບາຍເພື່ອ ຟື້ນຟູ ແລະ ພັດທະນາເສດຖະ ກິດ-ສັງຄົມ ພາຍຫຼັງການແຜ່ລະ ບາດຂອງພະຍາດ ໂຄວິດ-19 ຢູ່ ສປປ ລາວ ແລະ ສສ. ຫວຽດ ນາມ ເຊິ່ງເປັນໂອກາດອັນດີໃນ ການແລກປ່ຽນບົດຮຽນ, ປະ ສົບການ, ຄໍາຄິດຄໍາເຫັນ ກ່ຽວກັບ ການຈັດຕັ້ງປະຕິບັດພາລະບົດ ບາດ ຂອງອົງການຈັດຕັ້ງພັກ, ລັດ ກໍຄືສະພາແຫ່ງຊາດ ເພື່ອ ຟື້ນຟູ ແລະ ພັດທະນາເສດຖະ ກິດ-ສັງຄົມ ພາຍຫຼັງທີ່ໄດ້ຮັບຜົນ ກະທົບຈາກການແຜ່ລະບາດ ຂອງພະຍາດ ໂຄວິດ-19, ໃນຕອນ ແລງຂອງວັນດຽວກັນ, ບັນດາ ກໍາມາທິການພາຍໃນສະພາແຫ່ງ ຊາດ, ສະພາປະຊາຊົນຂັ້ນແຂວງ, ບັນດາກະຊວງ ແລະ ອົງການຈໍາ ນວນໜຶ່ງຂອງລາວ ແລະ ຫວຽດ ນາມ ກໍສືບຕໍ່ພົບປະເຮັດວຽກ ຮ່ວມກັນ. ໃນໂອກາດການມາ ຢ້ຽມຢາມດັ່ງກ່າວ, ຄະນະຜູ້ແທນ ຂັ້ນສູງຂອງສະພາແຫ່ງຊາດ ຫວຽດນາມ ຍັງໄດ້ເຄື່ອນໄຫວ ຢ້ຽມຢາມພື້ນຖານທາງດ້ານ ເສດຖະກິດ-ສັງຄົມ ຢູ່ນະຄອນ ຫຼວງວຽງຈັນ ແລະ ແຂວງຈໍາປາ ສັກ ອີກດ້ວຍ. ໂດຍ: ແສງເດືອນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ