ວັນສຸກ, ວັນທີ 06 ທັນວາ 2024
ຫຼວງພະບາງ ກະກຽມຈັດງານແຂ່ງຂັນຊ່ວງເຮືອ
ເວລາອອກຂ່າວ: 2022-07-20 10:20:35 | ຜູ້ຂຽນ : admin2 | ຈຳນວນຄົນເຂົ້າຊົມ: 427 | ຄວາມນິຍົມ: 
ເມື່ອວັນທີ 14 ກໍລະກົດ 2022 ນີ້, ອົງການປົກຄອງເມືອງ
ນໍ້າບາກ ແຂວງຫຼວງພະບາງ ໄດ້
ຈັດກອງປະຊຸມປຶກສາຫາລືກະ ກຽມຄວາມພ້ອມດ້ານຕ່າງໆໃນ
ການຈັດງານແຂ່ງຂັນເຮືອຊ່ວງ
ປະຈຳປີ 2022 ຢູ່ຫ້ອງປະຊຸມ ໃຫຍ່ຂອງເມືອງ. ເພື່ອຮັບປະ
ກັນເຮັດໃຫ້ການຈັດງານບຸນແຂ່ງ
ຂັນກີລາຊ່ວງເຮືອປະຈຳປີຂອງ
ຊາວເມືອງນໍ້າບາກ ດຳເນີນໄປ
ດ້ວຍບັນຍາກາດຟົດຟື້ນ, ມ່ວນ
ຊື່ນ ແລະ ຮີດຄອງປະເພນີຂອງ ປະຊາຊົນບັນດາເຜົ່າ ທັງເປັນ ການດຶງດູດນັກທ່ອງທ່ຽວພາຍ ໃນ ແລະ ຕ່າງປະເທດໃຫ້ເຂົ້າ ມາທ່ຽວມາຊົມ.
ທ່ານ ວັນແພງ ອຸດທະວີສັກ ຫົວໜ້າຫ້ອງວ່າການເມືອງ ໄດ້
ຜ່ານຮ່າງຂໍ້ຕົກລົງຂອງທ່ານເຈົ້າ
ເມືອງ ເມືອງນໍ້າບາກ ວ່າດ້ວຍ
ການແຕ່ງຕັ້ງຄະນະຊີ້ນຳ ແລະ ອະນຸກຳມະການຮັບຜິດຊອບຈັດ
ງານແຂ່ງຂັນຊ່ວງເຮືອ ປະຈຳ
ປີ 2022 ເຊິ່ງໄດ້ແຕ່ງຕັ້ງຄະນະ ຊີ້ນຳລວມ 10 ທ່ານ ແລະ ມີ 8
ອະນຸກຳມະການໃຫຍ່ດັ່ງນີ້: ອະ
ນຸກຳມະການເນື້ອໃນ, ອະນຸກຳ
ມະການຮັບຜິດຊອບເສດຖະກິດ-
ປຸກລະດົມທຶນ, ອະນຸກຳມະການ
ພິທີການ-ສະຖານທີ່-ປະດັບປະ ດາ-ຕິດຕັ້ງໂທລະໂຄ່ງ-ປະຊາສຳ ພັນ, ອະນຸກຳມະການຮັບແຂກ, ອະນຸກຳມະການຮັກສາສຸຂະ
ພາບ, ອະນຸກຳມະການປ້ອງກັນ ຄວາມສະຫງົບ, ອະນຸກຳມະການ ຮັບຜິດຊອບການແຂ່ງຂັນຊ່ວງ ເຮືອ, ອະນຸກຳມະການຮັບຜິດ ຊອບລົງຕະຫຼາດນັດ ແລະ ຮັກ ສາສີ່ງແວດລ້ອມ.
ສໍາລັບກອງປະຊຸມໄດ້ມີການ ປະກອບຄຳຄິດເຫັນຈາກຫົວໜ້າ
ອະນຸກຳມະການ, ອົງການປົກ
ຄອງບ້ານ ເພື່ອຄວາມເປັນເອກະ ພາບກັນໃນການຈັດຕັ້ງປະຕິບັດວຽກງານຂອງແຕ່ລະອະນຸກຳ
ມະການເພື່ອໃຫ້ທ່ວງທັນກັບເວ ລາ ຄາດວ່າງານແຂ່ງຂັນຊ່ວງ ເຮືອປີນີ້ຈະມີເຮືອເຂົ້າຮ່ວມແຂ່ງຂັນຊີງໄຊທັງໝົດ 10 ກວ່າລຳ; ງານດັ່ງກ່າວຈະໄດ້ຈັດຂຶ້ນໃນມື້ 15 ຄໍ່າເດືອນ 9 ເພັງ (ລາວ) ກົງກັບວັນທີ 12 ສິງຫາ 2022 ທີ່ຈະມາເຖິງນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
