ໂຮງຮຽນທິດສະດີການເມືອງກອງທັບ ເຜີຍແຜ່ຄຳສັ່ງແນະນຳ ວ່າດ້ວຍ ການແຈ້ງຊັບສິນ
ເວລາອອກຂ່າວ: 2022-09-19 10:02:48 | ຜູ້ຂຽນ : admin2 | ຈຳນວນຄົນເຂົ້າຊົມ: 273 | ຄວາມນິຍົມ:
ໃນວັນທີ 8 ກັນຍານີ້, ໂຮງຮຽນທິດສະດີການເມືອງກອງທັບໄດ້ຈັດຕັ້ງເຜີຍແຜ່ດຳລັດ ວ່າດ້ວຍ ການແຈ້ງຊັບສິນ ແລະ ລາຍຮັບຂອງພະນັກງານ, ໂດຍການເປັນປະທານຂອງ ສະຫາຍ ພົນຈັດຕະວາ ທອງດຳ ພົງສະຫວັດ ຫົວໜ້າກົມປ້ອງກັນພາຍໃນກົມໃຫຍ່ການເມືອງກອງທັບ, ມີ ສະຫາຍ ພົນຈັດຕະວາ ປອ ຄຳໄພ ຟອງດາລາ ຫົວໜ້າການ ທະຫານ ໂຮງຮຽນທິດສະດີການ ເມືອງກອງທັບ, ມີຄະນະພັກ-ຄະ ນະອຳນວຍການ, ຄະນະອົງການ, ພະແນກການ, ພ້ອມດ້ວຍພະນັກ ງານເຂົ້າຮ່ວມ.
ໂອກາດນີ້, ຍັງໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການແຕ່ງຕັ້ງຄະນະຊີ້ນຳລວມ ແລະ ຄະນະຮັບຜິດຊອບການແຈ້ງຊັບສິນ ແລະ ລາຍຮັບຂອງພະນັກງານ-ພົນທະຫານໃນທົ່ວກອງທັບ.
ການເຜີຍແຜ່ເອກະສານດັ່ງກ່າວເປັນການປະຕິບັດຕາມບົດແນະ ນຳຂອງກະຊວງປ້ອງກັນປະເທດ ເພື່ອຜັນຂະຫຍາຍດຳລັດຂອງລັດ ຖະບານ ວ່າດ້ວຍການແຈ້ງຊັບສິນໃຫ້ຖືກຕ້ອງເປັນເອກະພາບ, ມີປະສິດທິຜົນ ແລະ ທົ່ວເຖິງທຸກ ເປົ້າໝາຍຕາມທີ່ໄດ້ກຳນົດໄວ້, ເພື່ອເປັນບ່ອນອີງໃຫ້ຄະນະພັກ- ຄະນະບັນຊາ ແລະ ຄະນະກວດ ກາແຕ່ລະຂັ້ນໃນການຈັດຕັ້ງປະ ຕິບັດລະອຽດກ່ຽວກັບການແຈ້ງ ຊັບສິນ ແລະ ລາຍຮັບຂອງພະນັກ ງານ-ພົນທະຫານໃນກອງທັບໄດ້ຮັບຮູ້ເຂົ້າໃຈ, ມີຄວາມເປັນເອກະພາບ ແລະ ເປັນເຈົ້າການຈັດຕັ້ງ ປະຕິບັດດ້ວຍຄວາມຮັບຜິດຊອບສູງ, ແນໃສ່ເຮັດໃຫ້ການແຈ້ງຊັບສິນ ແລະ ລາຍຮັບດຳເນີນຢ່າງ ຖືກຕ້ອງ, ຈະແຈ້ງ, ຄົບຖ້ວນແລະ ທັນຕາມເວລາທີ່ກຳນົດໄວ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ