ກອງທັບປະຊາຊົນລາວ

ວັນຈັນ, ວັນທີ 05 ທັນວາ 2022



ໂຮງງານ ອ 674 ເປີດ​ຊຸດ​ອົບຮົມ ນາຍ​ຊ່າງ​ສ້ອມແປງ​ປືນ​ທະຫານ​ຮາບ​ຊຸດ​ທີ X
ເວລາອອກຂ່າວ: 2022-09-20 08:49:09 | ຜູ້ຂຽນ : admin3 | ຈຳນວນຄົນເຂົ້າຊົມ: 60 | ຄວາມນິຍົມ:



ໃນ​ວັນ​ທີ 13 ກັນຍາ 2022 ນີ້, ໂຮງງານ ອ 674 ໄດ້​ເປີດ​ຊຸດ​ອົບຮົມ ນາຍ​ຊ່າງ​ສ້ອມແປງ​ປືນ​ທະຫານ​ຮາບ​ລະບົບ 6 ເດືອນ ຊຸດ​ທີ X ໂດຍ​ການ​ເປັນ​ປະທານ ຂອງ ​ສະຫາຍ ພົນ​ຈັດຕະວາ ຄອນ​ສະ ຫວັນ ມິ່ງ​ຈຳປາ​ບານ ຮອງ​ຫົວ ໜ້າ​ກົມ​ໃຫຍ່​ເຕັກນິກ​ກອງທັບ, ມີ​ສະຫາຍ ພັນ​ເອກ ວຽງ​ເພັດ ສົມ​ມະນີ ຫົວໜ້າ​ກົມ​ເສນາ​ເຕັກນິກ, ມີ​ກົມ​ຄຸ້ມ​ຄອງ​ອາວຸດ-ກະສູນ, ກົມ​ໂຮງຮຽນ, ຄະນະ​ພັກ-ຄະນະ​ບັນຊາ​ກົມ​ກອງ​ອ້ອມ​ຂ້າງ ແລະ ບັນດາ​ພະແນກການ, ຄູ-​ອາຈານ ຕະຫຼອດ​ຮອດ​ນັກຮຽນ​ເຂົ້າ​ຮ່ວມ. ສະຫາຍ ພັນ​ໂທ ອຸ​ໃດ ທອງ​ ໄຕ ຄະນະ​ອຳນວຍ​ການ​ໂຮງງານ ອ 674 ໄດ້​ຂຶ້ນ​ຜ່ານແຜນການອົບ ຮົມກໍ່ສ້າງນາຍ​ຊ່າງສ້ອມແປງ ​ປືນ​ທະຫານ​ຮາບ​ລະບົບ 6 ເດືອນ ຊຸດ​ທີ X ໂດຍ​ອີງໃສ່​ທິດ​ຊີ້​ນຳ ຂອງ​ກົມ​ໃຫຍ່​ເຕັກນິກ​ກອງທັບ ວ່າ​ດ້ວຍ​ການ​ປັບປຸງ​ກໍ່ສ້າງ​ກຳລັງ​ປະກອບ​ອາວຸດ ກໍຄື ກຳລັງ​ກໍ່ສ້າງ​ນາຍ​ຊ່າງ​ສອ້ມ​ແປງ​ທະຫານ ​ຮາບ​ຊຸດ​ນີ້ ໃຫ້​ມີ​ວິຊາ​ສະເພາະ​ເຕັກນິກ, ມີ​ຄວາມ​ເຕີບ​ໃຫຍ່, ເຂັ້ມແຂງ​ຮອບດ້ານ ແລະ ປະ ຕິບັດ​ຂໍ້​ກຳນົດ​ກົດ​ລະບຽບ 7 ລະບອບ 18 ວຽກ​ຂອງ​ກອງທັບ​ວາງ​ອອກ​​ ອີງໃສ່​ຄວາມ​ຂາດເຂີນ​ທາງ​ດ້ານ​ພະນັກງານ​ນາຍ​ຊ່າງ. ວິຊາ​ສະເພາະ​ສ້ອມແປງ​ເຕັກນິກ​ອາວຸດ. ຢູ່​ບັນດາ​ກົມ​ກອງ ທົ່ວ​ກອງທັບ. ຍັງ​ບໍ່​ທັນ​ພຽງພໍ​ກັບ​ຄວາມ​ຮຽກ​ຮ້ອງ​ຕ້ອງ​ການ​ເພື່ອ​ເຮັດ​ໃຫ້​ວຽກ​ງານ​ເຕັກນິກ​ອາວຸດ​ຍຸດ​ໂທ ຂອງ​ແຕ່​ລະ​ກົມ​ກອງ​ໃຫ້​ຮັບປະກັນ​ໄດ້​ທາງ​ດ້ານ​ຈຳນວນ ແລະ ຄູນ​ນະ​ພາບ, ສ້າງ​ໄດ້​ພະ ນັກງານ​ວິຊາ​ສະເພາະ​ເຕັກນິກ​ອາວຸດ​ໃຫ້​ແຕ່​ລະ​ກົມ​ກອງ​ໃຫ້​ພຽງພໍ​ຕາມ​ຄວາມ​ຕ້ອງການ​ໃນ​ປັດຈຸບັນ ກໍຄື​ໃນ​ສະເພາະ​ໜ້າ ຊຸດ​ອົບຮົມ​ຄັ້ງ​ນີ້ ມີ​ນັກຮຽນ​ທັງ​ໝົດ 50 ສະຫາຍ ກຳລັງ​ມາ​ຈາກ​ທົ່ວ​ກອງທັບ ໂດຍ​ໃຊ້​ເວລາ​ອົບຮົມ​ທັງ​ໝົດ 6 ເດືອນ ຈຶ່ງ​ຈະ​ສຳເລັດ. ໂອກາດ​ດັ່ງກ່າວ, ສະຫາຍ ພົນ​ຈັດຕະວາ ຄອນ​ສະຫວັນ ມິ່ງ​ຈຳປາ​ບານ ກໍໄດ້​ໂອ້​ລົມ ແລະ ໃຫ້​ທິດ​ຊີ້​ນຳນັກຮຽນ​ນາຍ​ຊ່າງ​ສ້ອມແປງ​ປືນ​ທະຫານ​ຮາບ​ຊຸດ​ທີ X ນີ້, ຈົ່ງ​ສູ້​ຊົນ​ປະຕິບັດ​ຕາມ​ແຜນ ການ​ອົບຮົມ ກໍ່ສ້າງ​ນາຍ​ຊ່າງ​ສ້ອມແປງ​ຊຸດ​ນີ້​ໃຫ້​ມີ​ຜົນສຳເລັດ​ສູງ, ຕັ້ງໜ້າ​ປະກອບສ່ວນ​ເຂົ້າ​ໃນ​ການເຝິກແອບ​ຮ່ຳຮຽນ​ການ ເມືອງ, ການ​ທະຫານ ແລະ ນາຍ​ຊ່າງ​ວິຊາ​ສະເພາະເຕັກນິກ​ອາ ວຸດ​ຍຸດ​ໂທ ເອົາໃຈໃສ່​ປະຕິບັດ​ຂໍ້​ກຳນົດ​ກົດ​ລະບຽບ​ຂອງ​ໂຮງຮຽນ​ວາງ​ອອກ​ຕັ້ງໜ້າເຝິກຝົນ​ຫຼໍ່​ຫຼອມ​ຕົນ​ເອງ​ທາງ​ດ້ານ​ຄຸນສົມບັດ​ສີນ​ ທຳ​ປະຕິວັດ ໃຫ້​ມີ​ຄຸນ​ທາດ​ການ ເມືອງ​ໜັກ​ແໜ້ນ ແລະ ເຂັ້ມແຂງ​ທຸກ​ດ້ານ ເພື່ອ​ຮັບປະກັນ​ໃນ​ການ​ຮໍ່າຮຽນ​ວິຊາ​ສະເພາະ​ຂອງ​ຕົນ ​ໃຫ້​ໄດ້​ຮັບ​ຜົນ​ດີ. ເພີ່ມ​ທະວີຄວາມ ​ສາມັກຄີ​ຊ່ວຍເຫຼືອ​ເຊິ່ງ​ກັນ ແລະ ກັນ ເພື່ອ​ພ້ອມ​ກັນ​ຍາດ​ເອົາ​ບົດ ຮຽນ​ທາງ​ດ້ານ​ພາກ​ທິດ​ສະ​ດີ ແລະ ພາກ​ປະຕິບັດ​ຕົວ​ຈິງ​ໄປ​ໝູນ​ໃຊ້​ໃນ​ກົມ​ກອງ​ຂອງ​ຕົນ​ເອງ​ໃຫ້​ໄດ້​ຮັບ​ຜົນ​ດີ​ໃນຕໍ່ໜ້າ. ໂດຍ: ທອງ​ຈັນ ພູ​ພະ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ