ສ້າງຄວາມເຂັ້ມແຂງທາງດ້ານວຽກງານພະລາທິການໃຫ້ດີຂຶ້ນ
ເວລາອອກຂ່າວ: 2022-09-22 09:25:40 | ຜູ້ຂຽນ : admin3 | ຈຳນວນຄົນເຂົ້າຊົມ: 38 | ຄວາມນິຍົມ:
ວຽກງານພະລາທິການແມ່ນວຽກງານໜຶ່ງທີ່ສຳຄັນຕໍ່ກັບການ
ລ້ຽງດູກຳລັງ ເພື່ອຮັບປະກັນທາງ
ດ້ານຊີວິດການເປັນຢູ່ຂອງພະນັກ
ງານ-ນັກຮົບ. ໃນນີ້, ເວົ້າສະເພາະການສ້າງພະລາທິການກັບທີຢູ່ພະແນກເສນາທິການ ກອງພັນໃຫຍ່ 279 ແມ່ນຮັບປະກັນດີຂຶ້ນ ເປັນຕົ້ນການກິນຢູ່, ເຄື່ອງນຸ່ງຫົ່ມ ແລະ ວັດຖຸເຄື່ອງໃຊ້ລວມໄປເຖິງການພັດທະນາບຸກຄະລາກອນ ກໍຄືການພັດທະນາກົມກອງໃຫ້ເຂົ້າ
ສູ່ລະບົບລະບຽບ, ມີຄວາມເຂັ້ມ ແຂງ ແລະ ແໜ້ນໜາຖາວອນ, ສາ ມາດຮັບປະກັນດ້ານສຸຂະພາບ
ຂອງພະນັກງານ-ນັກຮົບ ມີພະລານາໄມສົມບູນແຂງແຮງ ເພື່ອກຽມພ້ອມເຮັດສຳເລັດໜ້າທີ່ການ ເມືອງຂອງຕົນທີ່ຂັ້ນເທິງມອບໝາຍໃຫ້. ສະຫາຍ ພັນໂທ ແອ ທະວັດໄຊ ຮອງຫົວໜ້າພະແນກເສນາທິການ ກອງພັນໃຫຍ່ 279 ໃຫ້ຮູ້ວ່າ: ໂດຍປະຕິບັດຕາມທິດນຳ: ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ທີ່ກົມໃຫຍ່ພະລາທິການກອງທັບ ກໍຄືແຜນການສູ້ຊົນທີ່ກອງພັນໃຫຍ່ 279 ວາງອອກ, ໃນໄລຍະ 6 ເດືອນຕົ້ນປີ 2022 ນີ້, ພະແນກເສນາທິການກອງ ພັນໃຫຍ່ ໄດ້ເອົາໃຈໃສ່ຈັດຕັ້ງ ປະຕິບັດຢ່າງຕັ້ງໜ້າຕໍ່ວຽກງານ ຮັບປະກັນແກ້ໄຂຊີວິດການເປັນຢູ່ຂອງພະນັກງານ-ນັກຮົບ ເປັນຕົ້ນແມ່ນສຸມໃສ່ປູກຝັງ-ລ້ຽງສັດໃຫ້ບັນລຸຕາມລະດັບຄາດໝາຍທີ່ວາງໄວ້ເຊັ່ນ: ແຕ່ລະ
ສະຫາຍຕ້ອງສະໜອງພືດຜັກ ເຂົ້າເຮືອນຄົວລວມໄດ້ 95-100
ກິໂລກຣາມຕໍ່ຄົນ, ປະເພດຊີ້ນ-ປາ ແຕ່ 10-15 ກິໂລກຣາມຕໍ່ຄົນ
ທັງນີ້, ເພື່ອຫຼຸດຜ່ອນການຈັດຊື້ຈາກທ້ອງຕະຫຼາດ ເຊິ່ງຜ່ານການເຄື່ອນໄຫວຈັດຕັ້ງປະຕິບັດຕົວຈິງ ໃນ 6 ເດືອນຜ່ານມາແມ່ນປະຕິບັດໄດ້ແຕ່ 85-90% ຂອງແຜນການຂອງແຜນການ.ໃນນັ້ນ, ກົມກອງມີເນື້ອທີ່ສວນຄົວຖາວອນ 1.500 ແມັດ, ສາມາດເກັບກູ້ຜັກຊະນິດຕ່າງໆໄດ້ 989 ກິໂລ, ມີຄວາຍ 17 ໂຕ, ງົວ 26 ໂຕ, ໝູ 10 ໂຕ,
ລ້ຽງນົກກະທາ ຈຳນວນ 600 ໂຕ, ລ້ຽງກົບ 2.500 ໂຕ, ສາ ມາດສະໜອງຊີ້ນ-ປາ ແລະ ພືດ ຜັກເຂົ້າເຮືອນຄົວລວມເປັນເງິນທັງໝົດ 37 ລ້ານກວ່າກີບ. ສັງລວມແລ້ວ ໃນ 6 ເດືອນຕົ້ນປີນີ້ ພະແນກເສນາທິການ ສາມາດສ້າງລາຍຮັບເຂົ້າຄັງລວມຈາກການບໍລິການຕ່າງໆ ແລະ ການປູກຝັງ-ລ້ຽງ ສັດໄດ້ທັງໝົດ 58 ລ້ານກວ່າກີບ.
ສະຫາຍ ພັນໂທ ແອ ທະຫວັດໄຊ ໃຫ້ຮູ້ຕື່ມອີກວ່າ: ຜົນສຳເລັດທີ່ສ້າງມາໄດ້ນັ້ນ ຍ້ອນມີຄະນະພັກ-ຄະນະບັນຊາ ກອງພັນໃຫຍ່ 279 ເອົາໃຈໃສ່ໃກ້ຊິດຕິດແທດ ຊີ້ນຳໃນການເຮັດວຽກງານຮັບ ປະກັນພະລາທິການຮອບດ້ານ ບວກກັບຄວາມເອົາໃຈໃສ່ຂອງ ຄະນະພັກ-ຄະນະບັນຊາ ພະແນກ ໄດ້ມີຄວາມເປັນເອກະພາບກັນ ທັງກຳນົດທິດທາງແຜນການ, ຄາດໝາຍສູ້ຊົນແຕ່ລະດ້ານແທດ
ເໝາະກັບເງື່ອນໄຂສະພາບແວດລ້ອມທ່າແຮງບົ່ມຊ້ອນຕົວຈິງຂອງກົມກອງ ພ້ອມທັງເປັນເຈົ້າການປຸກລະດົມຊຸກຍູ້ພະນັກງານ-ນັກຮົບແຕ່ລະສະຫາຍສ້າງທັດ ສະນະອອກແຮງງານດຸໝັ່ນຂະ ຫຍັນພຽນ ເພີ່ມຄວາມຮັບຜິດ ຊອບຕໍ່ກັບວຽກງານສ້າງເສດຖະ
ກິດແກ້ໄຂຊີວິດການເປັນຢູ່ອັນກິດແກ້ໄຂຊີວິດການເປັນຢູ່ອັນໄດ້ເຮັດໃຫ້ພະນັກງານ-ນັກຮົບ.ແຕ່ລະສະຫາຍມີຄວາມຮັບຮູ້ເຂົ້າໃຈ ແລະ ເຂົ້າຮ່ວມຂະບວນການດັ່ງກ່າວຢ່າງຕັ້ງໜ້າເຮັດໃຫ້ວຽກງານສ້າງພະລາທິການກັບທີ່ບັນລຸໄດ້ຕາມແຜນການຕົວເລກຄາດໝາຍທີ່ວາງໄວ້.
ສຳລັບທິດທາງແຜນການໃນ
6 ເດືອນທ້າຍປີນີ້, ພະແນກພວກ
ເຮົາຈະສືບຕໍ່ເອົາໃຈໃສ່ຊີ້ນຳພະນັກງານ-ນັກຮົບ ປູກຝັງ-ລ້ຽງສັດ
ເພື່ອສ້າງລາຍຮັບເຂົ້າກົມກອງໃຫ້
ໄດ້ຫຼາຍກວ່າເກົ່າ. ບົນພື້ນຖານສູ້
ຊົນປັບປຸງຂອດທີ່ຍັງຫຍຸ້ງຍາກເປັນຕົ້ນແມ່ນດ້ານທຶນຮອນເພື່ອໝູນໃຊ້ເຂົ້າໃນການປູກຝັງ-ລ້ຽງ
ສັດ, ຂະຫຍາຍເນື້ອ ທີ່ທຳການຜະລິດ, ເນື້ອທີ່ສຳລັບລ້ຽງສັດໃຫຍ່. ພ້ອມກັນນັ້ນ, ໄດ້ເອົາໃຈໃສ່ປຸກລະດົມຊຸກຍູ້ພະນັກງານ-ນັກ ຮົບ ເປັນເຈົ້າການເຮັດວຽກງານແກ້ໄຂຊີວິດການເປັນຢູ່ດ້ວຍການຍົກສູງນ້ຳໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ປະຕິບັດໃຫ້ໄດ້ຄາດ
ໝາຍແຕ່ລະສະຫາຍຕ້ອງສະ ໜອງຜັກເຂົ້າເຮືອນຄົວລວມໃຫ້ ໄດ້ 100-120 ກິໂລກຣາມຕໍ່ຄົນ
ຕໍ່ປີ ແລະ ຊີ້ນ- ປາ ໃຫ້ໄດ້ 15-20 ກິໂລກຣາມ ຕໍ່ຄົນຕໍ່ປີ ພ້ອມທັງຄຸ້ມຄອງປົກປັກຮັກສາສັດລ້ຽງທີ່ມີແລ້ວໃຫ້ເກີດແມ່ແຜ່ລູກ ເຊິ່ງທັງໝົດນີ້ ກໍເພື່ອປະກອບ ສ່ວນເຂົ້າໃນການປັບປຸງພັດທະ ນາກົມກອງໃຫ້ນັບມື້ມີຄວາມໜັກແໜ້ນເຂັ້ມແຂງຂຶ້ນຢ່າງບໍ່ຢຸດຢັ້ງ.
ໂດຍ: ນ໋ອດ ແສນຈົງຮັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ