ການພັດທະນາຊົນນະບົດແກ້ໄຂຄວາມທຸກຍາກຕິດພັນກັບການຜະລິດ ເປັນສິນຄ້າແມ່ນຈຸດສຸມສຳຄັນຂອງແຂວງເຊກອງ
ເວລາອອກຂ່າວ: 2022-09-23 10:14:49 | ຜູ້ຂຽນ : admin3 | ຈຳນວນຄົນເຂົ້າຊົມ: 34 | ຄວາມນິຍົມ:
ທ່ານ ເຫຼັກໄຫຼ ສີວິໄລ ເລຂາພັກແຂວງ ເຈົ້າແຂວງ ແຂວງເຊກອງໄດ້ໃຫ້ສຳພາດຕໍ່ສື່ມວນຊົນໃນວັນທີ 14 ກັນຍາ ໃນໂອກາດເຂົ້າຮ່ວມກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ, ແກ້ໄຂຄວາມທຸກຍາກ ແລະ ວຽກງານ 3 ສ້າງ ທົ່ວປະເທດ (2016-2021) ແລະ ທິດທາງຮອດປີ 2025 ທີ່ນະຄອນຫຼວງວຽງຈັນ.
ໂດຍທ່ານໄດ້ຍົກໃຫ້ເຫັນບັນ ຫາຂໍ້ສະດວກ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານນຳພາສ້າງການຫັນປ່ຽນ ການຜະລິດແບບເລື່ອນລອຍໄປສູ່ການຜະລິດຄົງທີ່ ຕິດພັນກັບການຜະລິດເປັນສິນຄ້າ ແລະ ການປຸງແຕ່ງ. ແຂວງເຊກອງ ຍັງເປັນແຂວງທຸກຍາກ ແລະ ຫຍຸ້ງຍາກຫຼາຍດ້ານ ໂດຍສະ ເພາະໂຄ່ງລ້າງພື້ນຖານດ້ານ ເສດຖະກິດ, ວັດທະນະທຳ-ສັງ ຄົມ ຍັງບໍ່ທັນໄດ້ຮັບການພັດທະ ນາເທົ່າທີ່ຄວນ, ເນື້ອທີ່ສ່ວນຫຼາຍ ແມ່ນເປັນພູດອຍ, ການຕັ້ງຖິ່ນຖານຂອງປະຊາຊົນບາງເຂດເປັນບ້ານນ້ອຍຢູ່ແບບກະແຈກກະຈາຍ, ຄວາມຮັບຮູ້ເຂົ້າໃຈຕໍ່ຂະບວນການຜະລິດ ແລະ ການທຳມາຫາກິນແບບໃໝ່ຍັງຈຳກັດ, ອັດຕາສ່ວນຄວາມທຸກຍາກເມື່ອ ທຽບໃສ່ຄາດໝາຍລວມຂອງທົ່ວ ປະເທດຍັງຢູ່ໃນລະດັບສູງ.
ຕະຫຼອດໄລຍະຜ່ານມາ ພາຍໃຕ້ການຊີ້ນຳ-ນຳພາຢ່າງໃກ້ຊິດ ຂອງສູນກາງພັກ-ລັດຖະບານບວກກັບຄວາມບຸກບືນເປັນເຈົ້າການຂອງຄະນະພັກ-ອົງການປົກຄອງແຂວງເຊກອງ ແຕ່ລະ ສະໄໝ ພ້ອມນີ້ ກໍໄດ້ຮັບການ ສະໜັບສະໜູນຈາກຫຼາຍພາກ ສ່ວນເສດຖະກິດ ແລະ ການສະ ໜັບສະໜູນຂອງປະຊາຊົນບັນ ດາເຜົ່າ ໃນການເປັນເຈົ້າການ ເຂົ້າຮ່ວມພັດທະນາ ອັນໄດ້ເຮັດ ໃຫ້ແຂວງສາມາດສ້າງໄດ້ຜົນ ສຳເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ (2016-2020), ໂດຍສະເພາະ ວຽກງານກໍ່ສ້າງຮາກຖານການ ເມືອງ ແລະ ພັດທະນາຊົນນະ ບົດ ແລະ ແກ້ໄຂຄວາມທຸກຍາກ. ເຊິ່ງໃນນັ້ນ ໄດ້ຖືເອົາແຜນງານພັດທະນາຊົນນະບົດ, ແກ້
ໄຂຄວາມທຸກຍາກຕິດພັນກັບການຜະລິດເປັນສິນຄ້າເປັນແຜນງານບູລິມະສິດອັນດັບໜຶ່ງຂອງແຂວງ.
ທ່ານໃຫ້ຮູ້ຕື່ມອີກວ່າ: ເພື່ອສ້າງການຫັນປ່ຽນທາງດ້ານທັດ ສະນະ ແລະ ຄວາມເຂົ້າໃຈຕໍ່ ການພັດທະນາ ໂດຍສະເພາະຕໍ່ການຫັນປ່ຽນອາຊີບຈາກການເຮັດໄຮ່ແບບເລື່ອນລອຍໄປສູ່ອາຊີບທີ່ໝັ້ນຄົງຖາວອນ ເຊິ່ງເປັນປັດໄຈຫຼັກຂອງການແກ້ໄຂຄວາມທຸກຍາກ ໄປພ້ອມໆກັບການເຝິກອົບຮົມ, ແນະນຳທາງດ້ານວິຊາການ ແລະ ການນຳ ພາປະຊາຊົນເຮັດຕົວຈິງ ຕາມແຕ່ລະຈຸດສຸມກຸ່ມບ້ານພັດທະ
ນາ. ເປັນຕົ້ນໄດ້ມີການຍົກຍ້າຍຈັດສັນພູມລຳເນົາຈາກບ່ອນເກົ່າໄປຢູ່ບ່ອນໃໝ່ທີ່ມີເງື່ອນໄຂ ພັດທະນາ ໂດຍຕິດພັນກັບການຈັດສັນອາຊີບຄົງທີ່ (ເຮັດນາ-ເຮັດສວນ), ຜ່ານການຈັດຕັ້ງປະຕິບັດຕົວຈິງດັ່ງກ່າວນັ້ນ, ສາ ມາດຫັນອາຊີບຂອງປະຊາຊົນຈາກການເຮັດໄຮ່ແບບເລື່ອນ ລອຍໄປສູ່ການເຮັດນາ ແລະ
ເຮັດສວນປູກກາເຟເປັນສິນຄ້າ ແລະ ການປຸງແຕ່ງທີ່ໝັ້ນຄົງເພື່ອສ້າງລາຍຮັບໃຫ້ດີຂຶ້ນເປັນ ກ້າວໆ, ເຮັດໃຫ້ປະຊາຊົນພາຍ ໃນແຂວງເຊກອງມີຄວາມກະຕືລືລົ້ນ ແລະ ມີຂະບວນການຜະລິດຢ່າງແຂງແຮງ; ອັນພົ້ນເດັ່ນສາມາດຫັນຈາກການເຮັດໄຮ່ໄປສູ່ການເຮັດນາ. ໃນປີ 2020 ບ້ານທຸກຍາກຍັງເຫຼືອ 39 ບ້ານ ຫຼຸດລົງ 22 ບ້ານ ກວມ
ເອົາ 19,9%; ຄອບຄົວທຸກຍາກ ຫຼຸດລົງຍັງເຫຼືອ 1.585 ຄອບ ຄົວ ກວມເອົາ 6,24%, ບ້ານ ພັດທະນາ 74 ບ້ານ ກວມເອົາ 37,56% ແລະ ຄອບຄົວພັດທະ ນາ 15.316 ຄອບຄົວ ກວມເອົາ 61,79% (ຂໍ້ມູນຕາມດຳ ລັດ 309/ລບ), ຖ້າທຽບໃສ່ດຳ ລັດ 348/ນຍ ມີບ້ານທຸກຍາກ 166 ບ້ານ ເທົ່າກັບ 84,26%, ຄອບຄົວທຸກຍາກ 11.889 ຄອບ ຄົວ ເທົ່າກັບ 49,67% ຂອງຄອບ ຄົວທັງໝົດໃນທົ່ວແຂວງ.
ສຳລັບວຽກຈຸດສຸມໃນຕໍ່ໜ້າ ຈະສືບຕໍ່ສຸມໃສ່ວຽກງານຫັນພະ ນັກງານຫຼັກແຫຼ່ງ ແລະ ພະນັກ ງານວິຊາການລົງກໍ່ສ້າງຮາກຖານການເມືອງຈຳນວນ 223 ທ່ານ ຍິງ 18 ທ່ານ; ເປົ້າໝາຍການລົງຮາກຖານໃນຄັ້ງນີ້ ເພື່ອໃຫ້ແຂວງລົງຊ່ວຍເມືອງ, ເມືອງລົງຊ່ວຍບ້ານ ຕາມ 4 ເນື້ອໃນ 4 ຄາດໝາຍ ແລະ ເພື່ອຮຽນຮູ້ໃນການແກ້ໄຂວຽກງານຕົວຈິງຢູ່ຮາກຖານ ຕິດພັນກັບການຊຸກຍູ້ວຽກງານ 3 ສ້າງ ແລະ ການຈັດຕັ້ງປະຕິບັດ 2 ວາລະແຫ່ງຊາດ; ຖືເອົາວຽກງານສຶກສາອົບຮົມທາງດ້ານການເມືອງແນວຄິດຢູ່ຮາກຖານໃຫ້ເປັນລະ ບົບຕໍ່ເນື່ອງ; ສຸມໃສ່ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາ ຊົນ ດ້ວຍການກໍ່ສ້າງພື້ນຖານ ໂຄງລ່າງທາງດ້ານເສດຖະກິດ; ສືບຕໍ່ພັດທະນາວຽກງານພັດ ທະນາວັດທະນະທຳ-ສັງຄົມ; ປົກປັກຮັກສະຖຽນລະພາບທາງດ້ານການເມືອງໃຫ້ໜັກແໜ້ນ, ຮັບປະກັນໃຫ້ສັງຄົມມີຄວາມ ສະຫງົບປອດໄພຕິດພັນກັບການປະຕິບັດວາລະແຫ່ງຊາດ ວ່າດ້ວຍ ຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ.
ທັງໝົດນັ້ນແມ່ນບາງເນື້ອໃນຜົນສຳເລັດໃນການຈັດຕັ້ງປະຕິບັດວຽກງານການນຳພາສ້າງການຫັນປ່ຽນ ການຜະລິດແບບເລື່ອນລອຍ ໄປສູ່ການຜະລິດຄົງທີ່ ຕິດພັນກັບການຜະລິດເປັນສິນຄ້າ ແລະ ການປຸງແຕ່ງ.
ໂດຍ: ຈັນທະວົງ ອຸ່ນວິໄລຫົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ