ກອງທັບປະຊາຊົນລາວ

ວັນອາທິດ, ວັນທີ 04 ທັນວາ 2022



ຈີນ-ອົດ​ສະ​ຕຣາ​ລີ​ ປຶກສາ​ຫາລື​ເພີ່ມ​ທະວີ​ ການ​ພົວພັນ​ລະຫວ່າງ​ສອງ​ປະເທດ
ເວລາອອກຂ່າວ: 2022-11-11 17:02:24 | ຜູ້ຂຽນ : admin3 | ຈຳນວນຄົນເຂົ້າຊົມ: 239839869 | ຄວາມນິຍົມ:



ສຳນັກ​ຂ່າວ​ຊິນ​ຮວາ​ໃຫ້​ຮູ້​ວ່າ: ວັນ​ທີ 8 ພະຈິກ​ນີ້, ທ່ານ ຫວາງຍີ້ ທີ່​ປຶກສາ​ແຫ່ງ​ລັດ​ທັງ ເປັນ​ລັດຖະມົນຕີ​​ກະຊວງ​ການ​ຕ່າງປະເທດ​ຈີນ​ໄດ້​ສົນທະນາ​ທາງ​ໂທລະສັບ​ກັບ​ລັດຖະມົນຕີ​ກະຊວງ​ການ​ຕ່າງປະເທດ​ອົດ​ສະ​ຕຣາ​ລີ, ທັງ​ສອງ​ໄດ້​ປຶກສາ​ຫາລື​ກ່ຽວ​ກັບ​ການ​​​ເພີ່ມ​ທະວີ​ສ້າງ​ສາຍ​ພົວພັນ​ລະຫວ່າງ​ສອງ​ປະເທດ ໃນ​ສະເພາະ​ໜ້າ ແລະ ຍາວ​ນານ. ໃນ​ການ​ປຶກສາ​ຫາລື, ທ່ານ ຮວງ​ຢິງ​ຊຽນ ລັດຖະມົນຕີ​ການ ​ຕ່າງປະເທດ​ອົດ​ສະ​ຕຣາ​ລີ ກ່າວ​ ວ່າ: ຜ່ານ​ຄວາມ​ມານະ​ພະຍາ ຍາມ​ຢ່າງ​ບໍ່​ຢຸດ​ຢັ້ງ, ການ​ປ່ຽນ ແປງ​ໃນ​ການ​ພົວພັນ​ອົດ​ສະ​ຕຣາ​ ລີ-ຈີນ ນັບ​ມື້​ມີ​ຄວາມ​ເລິກເຊິ່ງ. ຝ່າຍ​ອົດ​ສະ​ຕຣາ​ລີ ຈະ​ສືບຕໍ່​ຍຶດ​ໝັ້ນ​ນະໂຍບາຍ​ຈີນ​ດຽວ, ແກ້​ໄຂ​ບັນຫາ​ສະເພາະ​ຢ່າງ​ເໝາະ​ສົມ​ດ້ວຍ​ຄວາມ​ຮັບຜິດຊອບ​ສູງ, ສືບຕໍ່​​ພະຍາຍາມ​ເພື່ອ​ແນ ໃສ່​ປັບປຸງ​ແລະ ​ເພີ່ມ​ທະວີ​ການ​ພົວພັນ​ລະ ຫວ່າງ​ສອງ​ປະເທດ​ໃຫ້​ໜັກ​ແໜ້ນ​ກວ່າ​ເກົ່າ. ທ່ານ ຫວາງ​ຢີ້ ກ່າວຕື່ມ​ວ່າ: ການ​ຜ່ອນຄາຍ​ແລະ​ປັບປຸງ​ການ​ພົວພັນ​ຈີນ-ອົດ​ສະ​ຕຣາ​ລີ ໃຫ້​ສອດຄ່ອງ​ກັບ​ຜົນ​ປະໂຫຍດ​ພື້ນ ຖານ​ຂອງ​ສອງ​ຝ່າຍ ເປັນຄວາມ​ຄາດ​ຫວັງ​ຮ່ວມ​ຂອງ​ປະຊາຊົນ​ສອງ​ປະເທດ​ ແລະ​ ປະຊາ​ຄົມ​ໂລກ. ສອງ​ຝ່າຍ​ຄວນ​ສືບຕໍ່​ຮັກສາ​ຄວາມ​ເຫັນ​ດີ​ເປັນ​ເອກະສັນ​ກັນ​ກ່ຽວ​ກັບ​ທິດ​ທາງ​ພື້ນຖານ​ຂອງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ, ເຊີດ​ຊູ​ຈິດໃຈ​ເຄົາລົບ​ເຊິ່ງ​ກັນ ແລະ ກັນ, ສະແຫວງຫາ​ພື້ນຖານ​ຄວາມ​ແຕກ​ຕ່າງ​ກັນ, ມຸ່ງ​ໄປ​ເຖິງ​ຈຸດໝາຍ​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະໂຫຍດ ແລະ ໄດ້​ຮັບ​ໄຊຊະນະ, ຊຸກຍູ້​ການ​ສ້າງສາ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ລະ ຫວ່າງ​ສອງ​ປະເທດ​ຄືນໃໝ່, ຮ່ວມ​ກັນ​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ແກ້​ໄຂ​ບັນດາ​ສິ່ງ​ທ້າ​ທາຍ​ທົ່ວ​ໂລກ​ໃນ​ປປັດຈຸ​ບັນ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ