ກອງທັບປະຊາຊົນລາວ

ວັນອາທິດ, ວັນທີ 04 ທັນວາ 2022



ຫົວໜ້າ​ກົມ​ກົດ​ລັບ​ ຕ້ອນຮັບຄະນະ​ຜູ້​ແທນ​ ຄະນະ​ກົດ​ລັບ​ລັດຖະບານ ​ສສ ຫວຽດນາມ
ເວລາອອກຂ່າວ: 2022-11-24 09:29:49 | ຜູ້ຂຽນ : admin2 | ຈຳນວນຄົນເຂົ້າຊົມ: 25 | ຄວາມນິຍົມ:



ວັນ​ທີ 22 ພະຈິກ 2022 ນີ້, ສະຫາຍ ພັນ​ເອກ ອຳພອນ ທະວີ​ໄຊ ຫົວ​ໜ້າກົມກົດ​ລັບ ກົມ​ໃຫຍ່​ເສນາ​ທິ​ການ​ກອງທັບ ປະຊາຊົນ​ລາວ ພ້ອມ​ຄະນະໄດ້​ຕ້ອນຮັບ​ຄະນະ​ຜູ້​ແທນ​ຄະນະ​ກົດ​ລັບ​ລັດຖະບານ ​ສສ ຫວຽດນາມ ເຊິ່ງ​ນຳ​ໂດຍ ທ່ານ ຫວຽນ​ດັ່ງ​ລຶກ ຮອງຫົວໜ້າ​ຄະນະ​ກົດ​ລັບລັດຖະບານ ​ສສ​ ຫວຽດນາມ ໃນໂອກາດ​ເດີນທາງ​ມາ​ເຄື່ອນ​ໄຫວຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ລະຫວ່າງ ວັນ​ທີ 22-28 ພະຈິກ 2022 ນີ້. ສະຫາຍ ພັນ​ເອກ ອຳພອນ ທະວີ​ໄຊ ໄດ້​ສະແດງ​ຄວາມຍິນ​ດີ​ຕ້ອນຮັບ ແລະ ຕີ​ລາຄາ​ສູງ​ຕໍ່​ຄະນະ​ດັ່ງກ່າວ​ທີ່​ໄດ້​ເດີນທາງມາ​ເຄື່ອນ​ໄຫວ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ໃນ​ຄັ້ງ​ນີ້, ເຊິ່ງ​ເປັນ​ການ​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ສະເຫຼີມສະຫຼອງ​ເນ​ື່ອງ​ໃນ​ໂອກາດ​ວັນ​ສ້າງຕັ້ງ​ສາຍ​ພົວພັນ​ການ​ທູດ ລາວ-ຫວຽດນາມ ຄົບຮອບ 60 ປີ, ວັນ​ເຊັນ​ສົນທິສັນຍາ​ມິດຕະພາບ ແລະ ການ​ຮ່ວມ​ມື ລາວ-ຫວຽດນາມ ຄົບຮອບ 45 ປີ ໃຫ້​ເປັນ​ຂະ​ບວນ​ຟົດຟື້ນ​ປະກອບສ່ວນ​ເພີ່ມ​ພູນ​ຄູນ ສ້າງ​ສາຍ​ພົວພັນ​ມິດຕະພາບ​ທີ່​ເປັນ​ມູນເຊື້ອ​ຄວາມ​ສາມັກຄີ​ແບບ​ພິເສດ​ໃນ​ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ-ລັດ ສອງ​ກອງທັບ ເວົ້າ​ສະເພາະ​ກົມ​ກົດ​ລັບ ກົມ​ໃຫຍ່​ເສນາ​ທິ​ການ​ກອງທັບ ປະຊາຊົນ​ລາວ ແລະ ຄະນະ​ກົດ​ລັບ​ລັດຖະບານ ​ສສ ຫວຽດນາມ ທີ່​ເຄີຍ​ມີ​ມາ​ແຕ່​ດົນ​ນານ​ແລ້ວ​ນັ້ນ​ໃຫ້​ໝັ້ນຄົງ​ທະ​ນົງ​ແກ່ນ​ຕະຫຼອດ​ໄປ. ສະຫາຍ​ຍັງ​ໄດ້​ອວຍພອນ​ໃຫ້ການ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ຂອງ​ຄະນະ​ໃນ​ຄັ້ງ​ນີ້​ຈົ່ງ​ມີ​ຜົນສຳເລັດ​ຢ່າງ​ຈົບງາມ. ໂອກາດ​ດັ່ງກ່າວ ທ່ານ ຫວຽນ​ດັ່ງ​ລຶກ ຮອງ​ຫົວໜ້າ​ຄະນະ​ກົດ​ລັບ ລັດຖະບານ ​ສສ ຫວຽດນາມ​ ໄດ້​ລາຍ​ງານ​ໃຫ້​ໄດ້​ຮັບ​ຊາບ​ກ່ຽວ​ກັບ​ການເຄື່ອນໄຫວ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ໃນ​ຄັ້ງ​ນີ້, ເພື່ອ​ເປັນ​ການ​ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ​ໃນ​ຂົງເຂດ​ວຽກ​ງານ​ກົດ​ລັບ, ການ​ສຶກ​ສາ​ກ່ຽວ​ກັບ​ມູນເຊື້ອ​ຄວາມ​ສາມັກຄີ​ພິເສດ​ການ​ຮ່ວມ​ມື​ຮອບດ້ານ ລະຫວ່າງ ລາວ-ຫວຽດນາມ, ຫວຽດນາມ-ລາວພ້ອມ​ທັງ ສະແດງ​ຄວາມ​ຂອບໃຈ​ຕໍ່​​ ສະຫາຍ ພັນ​ເອກ ອຳພອນ ທະວີ​ໄຊ ຫົວ​ໜ້າກົມ​ກົດ​ລັບກອງທັບ​ປະຊາຊົນ​ລາວ ພ້ອມ​ຄະນະ​ທີ່​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ