ທາບທາມຄວາມຄິດເຫັນ ໃສ່ຮ່າງກົດໝາຍ ວ່າດ້ວຍສານທະຫານ (ສະບັບປັບປຸງ)
ເວລາອອກຂ່າວ: 2023-01-26 08:34:47 | ຜູ້ຂຽນ : admin2 | ຈຳນວນຄົນເຂົ້າຊົມ: 844 | ຄວາມນິຍົມ:
ກອງປະຊຸມທາບທາມຄວາມຄິດເຫັນໃສ່ຮ່າງກົດໝາຍ ວ່າດ້ວຍສານທະຫານ (ສະບັບປັບປຸງ) ຢູ່ກອງບັນຊາການທະຫານແຂວງວຽງຈັນ, ໄດ້ຈັດຂຶ້ນໃນ ວັນທີ 24 ມັງກອນ 2023 ນີ້, ໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ບຸນຍົງ ດາດົງໄຊ ຮອງປະທານສານປະ ຊາຊົນສູງສຸດ, ປະທານສານທະຫານຂັ້ນສູງ, ມີ ສະຫາຍ ພັນເອກ ສົມພັນ ເຮືອງພະຈັນ ຫົວໜ້າຫ້ອງການເມືອງ ກອງບັນຊາການທະຫານແຂວງວຽງຈັນ, ມີບັນດາ ສະຫາຍຄະນະຮັບຜິດຊອບຈາກ ສານປະຊາຊົນສູງສຸດ, ສານທະຫານຂັ້ນສູງ, ພະແນກການ ທີ່ກ່ຽວຂ້ອງຕະຫຼອດຮອດພະ ນັກງານວິຊາການເຂົ້າຮ່ວມ.
ສະຫາຍ ພັນເອກ ສາຍສະໝອນ ກິລືໄຊ ຮອງປະທານສານ ທະຫານຂັ້ນສູງ, ໄດ້ຂຶ້ນສະເໜີ ກ່ຽວກັບໂຄງປະກອບຂອງຮ່າງ ກົດໝາຍ ວ່າດ້ວຍສານທະຫານ (ສະບັບປັບປຸງ), ປະກອບມີທັງ ໝົດ X ພາກ, 5 ໝວດ ແລະ 70 ມາດຕາ, ຈາກນັ້ນ, ບັນດາຜູ້ ເຂົ້າຮ່ວມກອງປະຊຸມໄດ້ພ້ອມກັນ ປະກອບຄຳຄິດເຫັນໃສ່ຮ່າງກົດ ໝາຍສະບັບດັ່ງກ່າວຢ່າງກົງໄປ ກົງມາ ແລະ ມີຄວາມສອດຄ່ອງ ຕາມລະບຽບກົດໝາຍ. ຈຸດປະ ສົງ, ກໍເພື່ອເປັນການເກັບກຳຂໍ້ມູນ, ຄຳຄິດເຫັນຕ່າງໆທີ່ເຫັນວ່າເໝາະສົມ ແລະ ຖືກຕ້ອງ ນຳໄປຄົ້ນຄວ້າເຂົ້າໃສ່ຮ່າງກົດໝາຍວ່າດ້ວຍສານທະຫານ ສະບັບປັບປຸງ ໃຫ້ມີເນື້ອໃນຄົບຖ້ວນສົມບູນ, ເພື່ອກຳນົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງເຄື່ອນໄຫວ, ການຄຸ້ມຄອງ, ການຕິດຕາມກວດກາ ຂອງສານທະຫານ, ຮັບປະກັນໃນການປະຕິບັດໜ້າທີ່ວຽກງານ ໃຫ້ມີຄຸນນະພາບ, ເປັນຕົ້ນແມ່ນການພິຈາລະນາຕັດສິນ, ພິພາກສາຄະດີອາຍາ ແລະ ຄະດີຄອບຄົວ ໃຫ້ມີຄວາມວ່ອງໄວ, ໂປ່ງໃສ, ຖືກຕ້ອງ ແລະ ຍຸຕິທຳ, ແນໃສ່ປົກປ້ອງຜົນປະໂຫຍດຂອງກອງທັບ, ສິດ ແລະ ຜົນປະໂຫຍດອັນຊອບທຳຂອງນາຍ ແລະ ພົນທະຫານ, ຮັບປະກັນເຮັດໃຫ້ກອງທັບມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະ ມີແບບແຜນທັນສະໄໝ.
ໂດຍ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ