ຈີນສະແດງຄວາມເສົ້າສະຫຼົດໃຈຕໍ່ການເສຍຊີວິດ ແລະ ບາດເຈັບຂອງປະຊາຊົນຍ້ອນການປະທະລະຫວ່າງ ອິດສະຣາແອນ-ປາແຣັສຕິນ
ເວລາອອກຂ່າວ: 2023-02-01 09:11:25 | ຜູ້ຂຽນ : admin3 | ຈຳນວນຄົນເຂົ້າຊົມ: 32 | ຄວາມນິຍົມ:
ສຳນັກຂ່າວຊິນຮວາໃຫ້ຮູ້ວ່າ: ຈີນ ເອົາໃຈໃສ່ໃນລະດັບສູງຕໍ່ສະຖາ ນະການປາເລັດສະ ຕິນ-ອິດສະຣາແອນເຄັ່ງຕຶງຂຶ້ນ ໃນຫວ່າງມໍ່ໆມານີ້ ແລະ ຮູ້ສຶກເສົ້າສະຫຼົດໃຈຕໍ່ການເສຍຊີວິດ ແລະ ບາດເຈັບຂອງປະຊາຊົນຈາກການປະທະກັນ, ພ້ອມທັງ ກ່າວປະນາມການຫຼອນໂຈມຕີ ແບບກໍ່ການຮ້າຍແນໃສ່ສັງຫານ ປະຊາຊົນ, ຄັດຄ້ານການໃຊ້ກຳ ລັງອາວຸດເກີນຂອບເຂດ. ວຽກຮີບດ່ວນໃນປັດຈຸບັນຂອງຈີນ ແມ່ນອອກແຮງຊຸກຍູ້ໃຫ້ສະຖານະການທີ່ເຄັ່ງຕຶງຜ່ອນຄາຍລົງ, ຮຽກຮ້ອງໃຫ້ຝ່າຍຕ່າງໆທີ່ກ່ຽວ ຂ້ອງໂດຍສະເພາະແມ່ນອິດສະຣາແອນຮັກສາຄວາມໃຈເຢັນ ແລະ ຄວາມອົດກັ້ນໄວ້, ຫຼີກລ້ຽງສ້າງສະຖານະການໜັກໜ່ວງຂຶ້ນຕື່ມອີກຈົນບໍ່ສາມາດຄວບຄຸມໄດ້.
ການປະທະກັນລະຫວ່າງປາເລັດສະຕິນ-ອິດສະຣາແອນ
ເກີດຂຶ້ນ, ກົກເຫງົ້າແມ່ນຍ້ອນວ່າປັດຈຸບັນຍັງບໍ່ທັນຈັດຕັ້ງປະຕິ ບັດ“ແຜນການສອງປະເທດ” ເທື່ອ, ຄວາມຮຽກຮ້ອງອັນສົມ
ເຫດສົມຜົນຂອງປະຊາຊົນປາ ເລັດສະຕິນທີ່ສ້າງປະເທດເປັນເອ ກະລາດນັ້ນບໍ່ສາມາດບັນລຸຜົນເປັນຈິງໃນໄລຍະຍາວ. ປະຊາຄົມໂລກຄວນມີຄວາມຮູ້ສຶກຮີບດ່ວນເພີ່ມຂຶ້ນ, ສ້າງເງື່ອນໄຂເພື່ອຊຸກຍູ້ໃຫ້ປາເລັດສະຕິນ ແລະ ອິດສະຣາແອນຟື້ນຟູການເຈລະຈາຄືນໃໝ່. ຕໍ່ບັນຫາດັ່ງກ່າວ, ຈີນຈະສືບຕໍ່ທຳຄວາມພະຍາຍາມຢ່າງບໍ່ຫຼຸດລະ ເພື່ອຊຸກຍູ້ການແກ້ໄຂບັນຫາຢ່າງຮອບດ້ານ, ຍຸຕິທຳ ແລະ ຖາວອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ