ມູນຄ່າການຄ້າຂາເຂົ້າ-ຂາອອກດ້ານການບໍລິການ ຂອງຈີນມີທ່າອ່ຽງດີຂຶ້ນ
ເວລາອອກຂ່າວ: 2023-02-02 08:45:53 | ຜູ້ຂຽນ : admin3 | ຈຳນວນຄົນເຂົ້າຊົມ: 34 | ຄວາມນິຍົມ:
ສຳນັກຂ່າວ ຊິນຮວາ ລາຍງານໃນວັນທີ 1 ກຸມພານີ້ວ່າ: ຕົວເລກຂໍ້ມູນການຄ້າການບໍລິການທີ່ກະຊວງການຄ້າຈີນເປີດເຜີຍໃນວັນທີ 31 ມັງກອນນີ້ສະແດງໃຫ້ເຫັນວ່າ, ປີ 2022, ການຄ້າການບໍລິການຂອງຈີນໄດ້ຮັກສາການເຕີບໂຕເກີນຄາດ, ຍອດມູນຄ່າການຄ້າຂາເຂົ້າ-ຂາອອກດ້ານການບໍລິການຂອງຈີນໄດ້ບັນລຸເຖິງ 5980,19 ຕື້ຢວນ, ເພີ່ມຂຶ້ນ 12,9% ເມື່ອທຽບໃສ່ປີ 2021.
ຕົວເລກຂໍ້ມູນຍັງສະແດງໃຫ້ເຫັນວ່າ, ໃນປີ 2022, ຍອດມູນຄ່າສົ່ງອອກການບໍລິການຂອງຈີນໄດ້ບັນລຸເຖິງ 2852,24 ຕື້ຢວນ, ເພີ່ມຂຶ້ນ 12,1%, ຍອດມູນຄ່ານຳເຂົ້າໄດ້ບັນລຸເຖິງ 3127,95 ຕື້ຢວນ, ເພີ່ມຂຶ້ນ 13,5%. ການຄ້າຂາເຂົ້າ-ຂາອອກດ້ານການບໍລິການທີ່ເນັ້ນຄວາມຮູ້ໄດ້ບັນລຸເຖິງ 2506,85 ຕື້ຢວນ, ເພີ່ມຂຶ້ນ 7,8%. ການຄ້າຂາເຂົ້າ-ຂາອອກດ້ານການບໍລິການທ່ອງທ່ຽວໄດ້ຟື້ນຕົວຄືນຢ່າງຕໍ່ເນື່ອງ. ປີ 2022, ການຄ້າຂາເຂົ້າ-ຂາອອກດ້ານການບໍລິການທ່ອງທ່ຽວໄດ້ບັນລຸເຖິງ 855,98 ຕື້ຢວນ, ເພີ່ມຂຶ້ນ 8,4%.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ