ເອັນໂຊ ແຟນັນເດດ ກາຍເປັນນັກເຕະທີ່ມີຄ່າໂຕແພງສຸດໃນອັງກິດ
ເວລາອອກຂ່າວ: 2023-02-02 08:50:13 | ຜູ້ຂຽນ : admin3 | ຈຳນວນຄົນເຂົ້າຊົມ: 78 | ຄວາມນິຍົມ:
ເຊວຊີ ທີມຊັ້ນນຳໃນພຣີເມຍ
ລີກ ອັງກິດ ໃຊ້ເງິນ 107 ລ້ານປອນ ຫລື 121 ລ້ານເອີໂຣ ຊື້ ເອັນໂຊ ແຟນັນເດດ ກອງກາງຟອມເດັ່ນ ໄວອາຍຸ 22 ປີ ຈາກເບັນຟີກ້າ ທີມຊາດອາກຊັງຕິນ ຍາດແຊັມໂລກ 2022 ໃນຮອບ 36 ປີ ພ້ອມຄອງ ລາງວັນດາວຮຸ່ງດີເດັ່ນມາຄອງ.
ຄ່າໂຕຂອງ ເອັນໂຊ ແຟນັນເດດ ຄັ້ງນີ້ ໄດ້ທຳລາຍສະຖິຕິຂອງ ແຈັກ ກຣີລິ ກອງກາງທີມຊາດອັງກິດ ທີ່ຍ້າຍຈາກ ແອັດຕັນ ວິນລາ ມາຢູ່ກັບ ແມນຊິຕີ້ ດ້ວຍຄ່າໂຕ 100 ລ້ານປອນ ໃນປີ 2021.
ເອັນໂຊ ເຊັນສັນຍາ 8 ປີເຄິ່ງກັບ ເຊວຊີ ໂດຍ ຈະຜ່ອນຈ່າຍ 5 ປີ, ປີລະປະມານ 30 ລ້ານປອນ, ສຳລັບ ເອັນໂຊ ເຕີບໂຕມາຈາກອາຄາເດມີ້ຂອງ ຣິເວີພູ ກ້າວຂຶ້ນທີມຊຸດໃຫຍ່ໃນປີ 2019 ກ່ອນຍ້າຍມາ ເບັນຟີກ້າ ໃນປີ 2022 ດ້ວຍຄ່າໂຕ 10 ລ້ານເອີໂຣ ສ້າງຜົນງານໄດ້ຢ່າງໂດດເດັ່ນ ລົງຫລິ້ນ 29 ນັດ ຍິງ 4 ປະຕູ ຊ່ວຍ ເບັນຟີກ້າ ຟອມດີໃນລະດູການນີ້ ເປັນທີມນຳລີກສູງສຸດ, ເຂົ້າຮອບ 8 ທີມສຸດທ້າຍ ເອບເອຄັບຂອງປະເທດ ແລະ ເຂົ້າຮອບ 16 ທີມສຸດທ້າຍ ຢູຟ້າ ແຊັມປ້ຽນລີກ ໃນຖານະອັນດັບໜຶ່ງຂອງກຸ່ມ.
ເອັນໂຊ ແຟນັນເດດ ກາຍເປັນນັກເຕະຄົນທີ 6 ທີ່ເຊວຊີ ໄດ້ມາເສີມທີມຕໍ່ຈາກ ເບນອຍ ບາເດຍຊິວ ກອງຫລັງໂມນາໂຄ, ເດວິດ ດາໂຕຣ ໂຟຟານ້າ ກອງໜ້າຈາກໂໝດ, ອັງເດ ຊານໂຕດ ກອງກາງຈາກ ວັດໂກ ດາ ກາມ້າ, ມິຄາຍໂລ້ ມູດິກ ກອງກາງຈາກຊັກຕ້າ ໂດເນັດ, ໂນນີ ມາດູເກ ກອງໜ້າຈາກພີເອັດວີ ໄອໂຮເຟັນ ແລະ ມາໂລ ກຸສໂຕ້ ກອງຫລັງຈາກ ລີຢົງ. ເຊວຊີ ໃຊ້ເງິນຊື້ນັກເຕະໃນຮອບສອງ 288 ກວ່າລ້ານປອນ ບວກກັບຮອບທີໜຶ່ງ ລວມ 500 ກວ່າລ້ານປອນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ