POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 22 ມີນາ 2023

ກອງພັນໃຫຍ່ 661 ສະຫຼຸບວຽກງານຮອບດ້ານປະຈຳປີ 2022
ເວລາອອກຂ່າວ: 2023-02-03 08:55:12 | ຜູ້ຂຽນ : admin1 | ຈຳນວນຄົນເຂົ້າຊົມ: 7 | ຄວາມນິຍົມ:

ໃນວັນທີ 1 ກຸມພາ 2023 ນີ້, ກອງພັນໃຫຍ່ 661 ໄດ້ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2022 ແລະ ວາງທິດທາງແຜນການຈຳປີ 2023, ໂດຍການເປັນປະທານຂອງ ສະຫາຍ ພັນເອກ ຄຳປານ ແພງພັນ ຫົວໜ້າການເມືອງກອງພັນໃຫຍ່ 661, ມີຄະນະພັກ-ຄະນະບັນຊາກອງພັນໃຫຍ່, 5 ພະ ແນກການ, 4 ກອງພັນ, ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ. ສະຫາຍ ພັນໂທ ແຫຼວຄຳ ຈັນທະວົງ ຮອງຫົວໜ້າພະແນກບໍລິຫານ ກອງພັນໃຫຍ່ 661 ໄດ້ຜ່ານບົດສະຫຼຸບວຽງງານຮອບດ້ານໃນໄລຍະ 1 ປີຜ່ານມາ, ຄະ ນະພັກ-ຄະນະບັນຊາແຕ່ລະຂັ້ນໄດ້ເປັນເຈົ້າການໃນການສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ຮັບຮູ້, ເຊື່ອມຊຶມ ແລະ ກຳແໜ້ນຕໍ່ແນວທາງນະ ໂຍບາຍຂອງພັກ, ກົດໝາຍຂອງລັດ, ຂໍ້ກຳນົດ, ກົດລະບຽບຂອງກອງທັບ ແລະ ນິຕິກຳຂອງກົມກອງວາງອອກ. ເປັນເຈົ້າການໃນການຈັດຕັ້ງຜັນຂະຫຍາຍເນື້ອ ໃນ ບັນດາມະຕິ, ຄຳສັ່ງຂອງຂັ້ນເທິງເຂົ້າໃນການປະຕິບັດໜ້າທີ່ວິຊາສະເພາະຂອງຕົນ. ໃນນີ້, ປະຕິບັດຕາມທິດຊີ້ນຳຂອງຂັ້ນເທິງ ໃນການອົບຮົມ-ຫັດແອບປະຈຳປີ, ອົບຮົມທະຫານໃໝ່, ອົບຮົມໄປແຂ່ງຂັນລົດຕັງນານາຊາດ ແລະ ຊ້ອມຮົບຮ່ວມລາວ-ຣັດເຊຍ ຄັ້ງທີ III ຢູ່ແຂວງຊຽງຂວາງ, ໃນການອົບຮົມ-ຫັດແອບປະຈຳປີ ກົມກອງໄດ້ກຳນົດເອົາຫົວຂໍ້, ເນື້ອໃນອົບຮົມໃຫ້ແຕ່ລະເປົ້າໝາຍຂອງກົມກອງຕາມໜ້າທີ່ການເມືອງ ແລະ ຄົ້ນຄວ້າປັບປຸງເນື້ອໃນອົບຮົມ-ຫັດແອບ ໂດຍຖອດຖອນເອົາບົດຮຽນຈາກ ການເຄື່ອນໄຫວເຮັດໜ້າທີ່ຕົວຈິງ ເອົາມາອົບຮົມໃຫ້ແຕ່ລະເປົ້າໝາຍ. ພ້ອມນີ້, ຄະນະພັກ-ຄະນະບັນຊາຍັງໄດ້ຖືເອົາວຽກງານກໍ່ສ້າງພັກ ຕາມ 5 ຫຼັກການ 3 ທິດນຳ ແລະ ຄຳສັ່ງແນະນຳຂອງຄະນະພັກ ກະຊວງປ້ອງກັນປະເທດ ໂດຍການຊີ້ນຳບັນດາຄະນະພັກຮາກຖານປະຕິບັດແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ. ຕີລາຄາໄດ້ຄະນະພັກຮາກຖານແຂງ 3 ຄະນະ, ກາງ 2 ຄະນະ, ໜ່ວຍພັກແຂງ 17 ໜ່ວຍ, ໜ່ວຍພັກກາງ 6 ໜ່ວຍ, ສະມາຊິກພັກແຂງ ກວມເອົາ 88,73 %, ກາງ ກວມເອົາ 9,84 %. ນອກນີ້, ຍັງໄດ້ຊຸກຍູ້ຂະບວນການ 4 ປູກ 4 ລ້ຽງຂອງກົມກອງ ເພື່ອສະໜອງເຂົ້າເຮືອນຄົວລວມ ແລະ ສົ່ງຂາຍອອກທ້ອງຕະຫຼາດ ເຊິ່ງໃນໜຶ່ງປີຜ່ານມາປູກພືດກິນໃບ, ກິນໝາກໄດ້: 35.873 ກິໂລກຣາມ, ຄິດເປັນເງິນ: 125.555.000 ກີບ, ກ້າເບ້ຍໄມ້ອຸດສາຫະກຳ ແລະ ເບ້ຍໄມ້ກິນໝາກຂາຍ ຈຳນວນ: 410 ຕົ້ນ, ເປັນເງິນ 6.150.000 ກີບ, ເກັບກູ້ເຂົ້ານາປີໄດ້: 4.675 ກິໂລກຣາມ, ຂາຍໄດ້ເງິນ: 29.452.500 ກີບ, ມີງົວລວມ ຈຳນວນ: 55 ໂຕ, ໝູ 56 ໂຕ ແລະ ຂາຍໝູນ້ອຍ ຈຳນວນ 15 ໂຕ, ໄດ້ເງິນ 8.000.000 ກີບ, ປ່ອຍປາ ຈຳນວນ: 23.500 ໂຕ, ເອົາອອກຂາຍ ຈຳນວນ 1,298 ກິໂລກຣາມ, ໄດ້ເງິນ 25,990.00 ກີບ, ເພາະພັນກົບໄດ້ 4 ຊຸດ, ຈຳນວນ: 15.500 ໂຕ, ຂາຍກົບນ້ອຍໄດ້: 7.500 ໂຕ, ໄດ້ເງິນ 3.750.000 ກີບ, ລ້ຽງສັດປີກ ຈຳນວນ 6.834 ໂຕ. ໃນນີ້, ກົມກອງທີ່ພົ້ນເດັ່ນໃນວຽກງານຜະລິດແມ່ນ ກອງພັນ 17, 16 ແລະ 162 ສາມາດຜະລິດຜັກກິນໄດ້ 70% ຕໍ່ປີ, ເຊິ່ງໃນໜຶ່ງປີຜ່ານກົມກອງສາມສາມາດລາຍຮັບຈາກການປູກຝັງ-ລ້ຽງສັດ ແລະ ບໍລິການອື່ນໆໄດ້ທັງໝົດ 224.056.500 ກີບ. ໂດຍ: ອາຫວຸ້ນ

news to day and hot news