ວັນພະຫັດ, ວັນທີ 12 ກັນຍາ 2024
ປິດຊຸດອົບຮົມ ຄວາມຮູ້ພື້ນຖານດ້ານລະບາດວິທະຍາໄລຍະສັ້ນ ໃຫ້ແກ່ພະນັກງານຜູ້ລາຍງານຂໍ້ມູນ 18 ພະຍາດ/ອາການ
ເວລາອອກຂ່າວ: 2023-03-17 10:31:41 | ຜູ້ຂຽນ : admin2 | ຈຳນວນຄົນເຂົ້າຊົມ: 540 | ຄວາມນິຍົມ: 
ພິທີປິດຊຸດອົບຮົມ ຄວາມຮູ້ພື້ນຖານດ້ານລະບາດວິທະຍາ ໄລຍະສັ້ນ ໃຫ້ແກ່ພະນັກງານຜູ້ລາຍງານຂໍ້ມູນ 18 ພະຍາດ/ອາ ການ ພາຍໃຕ້ການເຝົ້າລະວັງ ໃນຖັນແຖວກອງທັບ ຄັ້ງທີ IV ພາຍຫຼັງທີ່ໄດ້ດຳເນີນການເຝິກ ອົບຮົມມາເປັນເວລາ 5 ວັນເຕັມ ຈິ່ງໄດ້ອັດລົງ ໃນວັນທີ 10 ມີນາ 2023 ນີ້, ຢູ່ກອງບັນຊາການທະຫານແຂວງຊຽງຂວາງ ໂດຍການເປັນປະທານຂອງ ສະຫາຍພົນຈັດຕະວາ ຂັນທອງ ວົງອຳຄາ ຫົວໜ້າການເມືອງ ກອງບັນຊາການທະຫານ
ແຂວງຊຽງຂວາງ, ມີ ສະຫາຍ ພັນໂທ ເພັດສະໝອນ ແກ້ວສຸວັນ ຮອງຫົວໜ້າພະແນກວິທະຍາ, ຜູ້ຕາງໜ້າສະຖາບັນອະນາໄມກັນພະຍາດ ທັງເປັນຄະນະຊີ້ນຳ
ຕິດຕາມ, ມີຫົວໜ້າພະແນກເສນາຮັກຫ້ອງພະລາທິການ ທະຫານແຂວງຊຽງຂວາງ, ມີບັນດາຄູ ເຝິກ ແລະ ນັກສຳມະນາກອນທີ່ມາຈາກບັນດາ 5 ແຂວງຄື: ແຂວງຊຽງຂວາງ, ຫຼວງພະບາງ, ໄຊຍະບູລີ, ຫົວພັນ ແລະ ນະຄອນຫລວງວຽງຈັນ ເຂົ້າຮ່ວມ.
ສະຫາຍ ພັນຕີ ນາງ ຄອງມະນີ ຄຳຜອງບຸດດີຕາງໜ້າຄູເຝິກ ໄດ້ສະຫຼຸບຄືນຜ່ານການເຝິກອົບຮົມຄວາມຮູ້ພື້ນຖານດ້ານລະບາດວິທະຍາໄລຍະຜ່ານມາ ເຊິ່ງນັກເຝິກອົບຮົມ ແມ່ນໄດ້ຮຽນຮູ້ ແລະ ກຳແໜ້ນບັນດາເນື້ອໃນຈິດໃຈເອກະສານຕ່າງໆ ເປັນຕົ້ນແມ່ນ ບົດນຳເຂົ້າສູ່ລະບາດວິທະຍາ, ຫລັກການລວມຂອງລະບາດວິທະຍາ, ລະບົບການເຝົ້າລະວັງຢູ່ໃນ ສປປ ລາວ, ບົດບາດ ແລະ ໜ້າທີ່ຂອງພະນັກງານເຝົ້າລະວັງແຕ່ລະຂັ້ນ, ນິຍາມກໍລະນີ 18 ພະຍາດ/ອາການ ໃນລະບົບການເຝົ້າລະວັງແຫ່ງຊາດ, ຮຽນຮູ້ການຕື່ມແບບຟອມໃນບັນຊີລາຍຊື່, 7 ບາດກ້າວການສອບສວນການລະບາດ, ບົດເຝິກຫັດກໍລະນີສຶກສາການສອບສວນການລະບາດ ແລະ ວິທີການຂຽນບົດລາຍງານການລະບາດພະຍາດ. ຜ່ານການເຝິກອົບຮົມຕົວຈິງ ສາມາດຕີລາຄາຜົນໄດ້ຮັບກວມເອົາ 95%. ຈາກນັ້ນ ກໍໄດ້ມອບໃບຢັ້ງຢືນໃຫ້ນັກສຳມະນາກອນ ຢ່າງສົມກຽດ.
ໂອກາດນີ້, ສະຫາຍ ພົນຈັດຕະວາ ຂັນທອງ ວົງອຳຄາ ກໍໄດ້ກ່າວສະ
ແດງຄວາມຍ້ອງຍໍຊົມເຊີຍຕໍ່ຜົນສຳເລັດບັ້ນເຝິກອົບຮົມໃນຄັ້ງນີ້, ພ້ອມທັງຮຽກຮ້ອງໃຫ້ນັກເຝິກອົບຮົມນຳເອົາຄວາມຮູ້ ຄວາມສາມາດ ຈາກການເຝິກອົບຮົມໃນຄັ້ງນີ້ ໄປໝູນໃຊ້ເຂົ້າໃນວຽກງານຕົວຈິງທີ່ຕົນຮັບຜິດຊອບ ແລະ ຜັນຂະຫຍາຍຢູ່ໃນກົມກອງຕົນ ເພື່ອໃຫ້ລະບົບການເຝົ້າລະວັງພະຍາດ ມີການລາຍງານຢ່າງຕໍ່ເນື່ອງໃຫ້ທັນກັບເວລາ ແລະ ທັນກັບສະພາບເຫດການ.
ໂດຍ: ສົມຮັກ ຈັນທະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
