ວັນອັງຄານ, ວັນທີ 30 ພຶດສະພາ 2023
ສະຫຼຸບຖອດຖອນບົດຮຽນການຮັບບໍລິຈາກເລືອດ ທົ່ວກອງບັນຊາການທະຫານນະຄອນຫຼວງວຽງຈັນ
ເວລາອອກຂ່າວ: 2023-05-17 08:26:44 | ຜູ້ຂຽນ : admin1 | ຈຳນວນຄົນເຂົ້າຊົມ: 399298842 | ຄວາມນິຍົມ: 
ໃນວັນທີ 4 ພຶດສະພາ 2023 ນີ້, ກອງບັນຊາການທະຫານນະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບຖອດຖອນບົດຮຽນການເຄື່ອນໄຫວຮັບບໍລິຈາກເລືອດ ປະຈຳປີ 2022 ແລະ ວາງທິດທາງແຜນການ ປະຈຳປີ 2023, ໂດຍການເປັນປະທານຂອງ ສະຫາຍ ພັນເອກ ບຸນເຈີ ຄຳມະວົງ ຫົວໜ້າຫ້ອງພະລາທິການ ກອງບັນຊາການທະຫານນະຄອນຫຼວງວຽງຈັນ ແລະ ທ່ານ ດຣ ຈັນທະລາ ສຸກສາຄອນ ຫົວໜ້າສະຖາບັນເລືອດແຫ່ງຊາດ, ເຊິ່ງມີຄະນະພັກ-ຄະນະບັນຊາ ອົງການ 5 ຫ້ອງ, ກົມກອງອ້ອມຂ້າງ ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ຄຳເພັດ ບຸນໄທລັນນາ ຫົວໜ້າພະແນກເສນາຮັກ ທະຫານນະຄອນຫຼວງວຽງຈັນ ໄດ້ສະຫຼຸບການເຄື່ອນໄຫວຈັດຕັ້ງປະຕິບັດວຽກງານການຮັບບໍລິຈາກເລືອດ ປະຈຳປີ 2022 ທົ່ວກອງບັນຊາການທະຫານນະຄອນຫຼວງວຽງຈັນ ເຊິ່ງຜ່ານມາ ພະແນກເສນາຮັກ ກອງບັນຊາການທະຫານນະຄອນຫຼວງ
ວຽງຈັນ ໄດ້ເອົາໃຈໃສ່ເຄື່ອນໄຫວຮ່ວມກັບສະຖາບັນເລືອດແຫ່ງຊາດ ເພື່ອປະສານສົມທົບກັບຄະນະພັກ-ຄະນະບັນຊາແຕ່ລະກົມກອງ ເຮັດໜ້າທີ່ປຸກລະດົມຂົນ
ຂວາຍນາຍ ແລະ ພົນທະຫານເຂົ້າຮ່ວມຂະບວນການບໍລິຈາກເລືອດຊ່ວຍເຫຼືອສັງຄົມ ໂດຍບໍ່ຮຽກຮ້ອງສິ່ງຕອບແທນ, ເປັນຕົ້ນແມ່ນໄດ້ໂຄສະນາສຶກສາອົບຮົມໃຫ້ເຂົາເຈົ້າເຊື່ອມຊຶມເຂົ້າໃຈຢ່າງເລິກເຊິ່ງຕໍ່ຄວາມໝາຍ ຄວາມສຳຄັນຂອງວຽກງານການບໍລິຈາກເລືອດ ເພື່ອຈະນຳໄປຊ່ວຍເຫຼືອຄົນເຈັບທີ່ນອນປິ່ນປົວຢູ່ຕາມໂຮງໝໍແຫ່ງຕ່າງໆ, ຜ່ານການຈັດຕັ້ງປະຕິບັດຄືດັ່ງກ່າວເຫັນວ່າ ນາຍ ແລະ ພົນທະຫານທົ່ວກອງບັນຊາການທະຫານນະຄອນຫຼວງວຽງຈັນ ມີຄວາມສະດຸ້ງໄວ, ເຫັນໄດ້ຄວາມໝາຍຄວາມສຳຄັນຂອງວຽກງານດັ່ງກ່າວເປັນຢ່າງຍິ່ງ ແລະ ເຮັດໃຫ້ເຂົາ
ເຈົ້າມີຄວາມຕື່ນຕົວສະໝັກໃຈເຂົ້າຮ່ວມໃນການບໍລິຈາກເລືອດໃນໄລຍະປີ 2022 ຜ່ານມາ ທັງໝົດ 1.435 ເທື່ອຄົນ ເຊິ່ງໄດ້ເລືອດຕົວຈິງແມ່ນ 399 ຖົງ ແລະ ຄາດໝາຍຕາມແຜນການ ປີ 2023 ແມ່ນຈະສືບຕໍ່ປຸກລະດົມນາຍ ແລະ
ພົນທະຫານທົ່ວກອງບັນຊາການທະຫານນະຄອນຫຼວງວຽງຈັນເຂົ້າຮ່ວມບໍລິຈາກເລືອດໃຫ້ໄດ້ຫຼາຍຂຶ້ນກວ່າເກົ່າ, ເຊິ່ງໄດ້ຄາດວາງຕົວເລກໄວ້ວ່າ ຈະໃຫ້ໄດ້ເລືອດຈຳນວນ 400 ຖົງຂຶ້ນໄປ.
ໂດຍ: ແສງດາລາ ໄຊຍະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
