ປະທານາທິບໍດີ ຕວກກີ ຊະນະການເລືອກຕັ້ງໄດ້ດຳລົງຕຳແໜ່ງອີກສະໄໝ
ເວລາອອກຂ່າວ: 2023-05-30 08:31:32 | ຜູ້ຂຽນ : admin3 | ຈຳນວນຄົນເຂົ້າຊົມ: 30 | ຄວາມນິຍົມ:
ສຳນັກຂ່າວຫວຽດນາມນິວລາຍງາຍ ວັນທີ 29 ພຶດສະພາ ນີ້ວ່າ: ຕອນເຊົ້າວັນທີ 29 ພຶດສະພາ ຕາມເວລາປະເທດລາວ ການເລືອກຕັ້ງປະທານາທິບໍດີ ຕວກກີ
ຮອບທີ 2 (ຮອບຕັດສິນ)ໄດ້ສິ້ນ
ສຸດລົງດ້ວຍໄຊຊະນະຂອງປະ
ທານາທິບໍດີ ລີເຊບ ເຕຢິບ ເອີໂດກັນ
ເຊິ່ງຈະໄດ້ລົງຕຳແໜ່ງເປັນຜູ້ນຳຂອງປະເທດນີ້ຕື່ມອີກ 5 ປີ ແລະ ກາຍເປັນປະທານນາທິບໍ ດຳລົງຕຳແໜ່ງດົນທີ່ສຸດໃນປະເທດນີ້.
ສະພາເລືອກຕັ້ງສູງສຸດຂອງປະເທດນີ້ເປີດເຜີຍໃຫ້ຮູ້ວ່າ: ຈາກການນັບຄະແນນສຳເລັດແລ້ວ 99,43% ບັດທີ່ໄດ້ນັບນັ້ນ,
ປະທານາທິບໍດີ ເອີໂດກັນ ໄດ້ຮັບ
ຄະແນນສຽງ 52,14% ໃນຂະ
ນະທີ່ທ່ານ ເຄມານ ຄີລິກດາໂຣກລູ ຜູ້ນຳພັກປະຊາທິປະໄຕຝ່າຍຄ້ານ (CHP) ໄດ້ຄະແນນສຽງພຽງ 47,68% .
ກ່າວຄຳເຫັນພາຍຫຼັງໄຊຊະນະ, ທ່ານປະທານາທິບໍດີ ເອີໂດກັນ ໄດ້ຂອບໃຈບັນດາຜູ້ທີ່ມີສິດເລືອກຕັ້ງໃນ ຕວກກີ ທີ່ໄວ້ວາງໃຈໃຫ້ທ່ານດຳລົງຕຳແໜ່ງເປັນປະທານນາທະບໍດີຂອງປະເທດນີ້ເຖິງປີ
2028. ພ້ອມທັງໃຫ້ຄຳໝັ້ນສັນ
ຍາວ່າຈະສືບຕໍ່ນຳພາປະເທດຊາດກ້າວໄປສູ່ຄວາມສຸກສີວິໄລ ແກ້ໄຂບັນຫາທີ່ມັນຄົງຄ້າງໂດຍສະເພາະແມ່ນບັນຫາເງິນເຟີ້.
ໃນທັນທີຫຼັງຈາກການປະກາດຜົນການເລືອກຕັ້ງໂດຍສະພາເລືອກຕັ້ງສູງສຸດຂອງຕວກກີ, ປະຊາຊົນຫຼາຍຄົນໄດ້ເດີນຂະບວນຢູ່ຖະໜົນໃນນະຄອນ ອິດສະຕັນບູນ ແລະ ຫຼາຍເມືອງໃຫຍ່ໃນຕວກກີ ເພື່ອສະຫຼອງໃຫ້ແກ່ທ່ານປະທານນາທິບໍດີຂອງພວກເຂົາ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ