ຄະນະພັກຮາກຖານ ກອງພັນ 201 ກອງພັນໃຫຍ່ 702 ດຳເນີນກອງປະຊຸມໃຫຍ່ ຄັ້ງທີ Vlll
ເວລາອອກຂ່າວ: 2023-05-31 08:26:28 | ຜູ້ຂຽນ : admin1 | ຈຳນວນຄົນເຂົ້າຊົມ: 1039 | ຄວາມນິຍົມ:
ໃນວັນທີ 23 ພຶດສະພາ 2023, ຄະນະພັກຮາກຖານ ກອງພັນ 201 ກອງພັນໃຫຍ່ 702 ໄດ້ຈັດຕັ້ງດຳເນີນກອງປະຊຸມໃຫຍ່ຄັ້ງທີ Vlll, ໂດຍການເປັນປະທານຂອງ ສະຫາຍ ພັນໂທ ອີງທອງ ວົງສົມພັນ ເລຂາຄະນະພັກຮາກຖານ ຫົວໜ້າການເມືອງ ກອງພັນ 201, ມີ ສະຫາຍ ພັນໂທ ດາວອນ ແກ້ວມະນີວົງ ຫົວໜ້າຂະແໜງຈັດຕັ້ງພັກ ກອງພັນໃຫຍ່ 702, ຄະນະໜ່ວຍພັກ ແລະ ພະນັກ ງານສະມາຊິກພັກ ເຂົ້າຮ່ວມ.
ສະຫາຍ ພັນໂທ ຄຳແສງ ສີສຸນາມ ຮອງເລຂາພັກ ຫົວໜ້າການທະຫານ ກອງພັນ 201 ໄດ້ຜ່ານບົດລາຍງານການເມືອງທັງ 2 ພາກ. ໄລຍະຜ່ານມາ ຄະ
ນະພັກຮາກຖານກອງພັນ 201 ໄດ້ຖືເອົາວຽກງານກໍ່ສ້າງຮາກ ຖານບ້ານປະຊາຊົນເຂດໃກ້ຄຽງ ຕິດພັນກັບວຽກງານ ປກຊ-ປກສ ຕາມທິດຊີ້ນຳຂອງຄະນະພັກກອງພັນໃຫຍ່ 702, ໄດ້ເອົາໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດໃຫ້ ພະນັກງານສະມາຊິກພັກພາຍ ໃນກົມກອງເຊື່ອມຊຶມບັນດາມະຕິຕ່າງໆ, ກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດ ແລະ ຂໍ້ກຳນົດ, ກົດລະ
ບຽບຂອງກອງທັບ, ຂອງກົມກອງຢ່າງເຂັ້ມງວດ, ເອົາໃຈໃສ່ປັບປຸງກໍ່ສ້າງພັກຕາມ 5 ຫຼັກການ 3 ທິດນຳ, ເອົາໃຈໃສ່ກໍ່ສ້າງພະນັກງານ 3 ຮຸ່ນ ຕິດພັນກັບການ
ພັດທະນາຊັບພະຍາກອນມະນຸດໃຫ້ມີຄວາມຮູ້ ຄວາມສາມາດຕອບສະໜອງຕາມຄວາມຮຽກຮ້ອງຕ້ອງການໃນໜ້າທີ່ການເມືອງຂອງພັກ, ຂອງກອງທັບ ກໍຄືຂອງກົມກອງ, ໄດ້ສົ່ງພະນັກງານ-ນັກຮົບ ໄປຮຽນຕໍ່ຢູ່ພາຍໃນ ແລະ ຕ່າງປະເທດ 2 ສະຫາຍ, ສະເໜີເລື່ອນຊັ້ນໃໝ່ 16 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 3 ສະຫາຍ. ຄຽງຄູ່ກັນນັ້ນ, ພະນັກງານ ສະມາຊິກພັກ ຍັງໄດ້ຖືເອົາວຽກງານ 4 ປູກ 4 ລ້ຽງ ເພື່ອສ້າງເສດຖະກິດແກ້ໄຂຊີວິດການເປັນຢູ່ຕາມທ່າແຮງບົ່ມຊ້ອນຂອງກົມກອງ ໂດຍປະຕິບັດຕາມທິດນຳ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ທີ່ກົມໃຫຍ່ພະລາທິການກອງທັບວາງອອກ ດ້ວຍການປູກຝັງ-ລ້ຽງສັດ ແລະ ອື່ນໆຕາມເງື່ອນໄຂຕົວຈິງ ສາມາດສ້າງລາຍຮັບເຂົ້າກົມກອງໄດ້ທັງໝົດ 147.025.000 ກີບ.
ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ໄດ້ຕາມລະດັບຄາດ ໝາຍ ເລືອກເອົາ ສະຫາຍ ພັນໂທ ອີງທອງ ວົງສົມພັນ ເປັນເລຂາ, ສະຫາຍ ພັນໂທ ຄຳແສງ ສີສຸນາ ເປັນຮອງເລຂາ, ສະຫາຍ ພັນໂທ ອຳພອນ ພົມມີໄຊ ເປັນກຳມະການກວດກາພັກ, ສະຫາຍ ພັນໂທ ວົງໄຊ ຄຳລີວົງ ເປັນຄະນະໂຄສະນາອົບຮົມ ແລະ ສະຫາຍ ພັນໂທ ທອງຈັນ ເຮືອງຕະສິນ ເປັນກຳມະການກວດກາການຄັງ.
ໂດຍ: ຄຳພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ