ລາວ-ຈີນ ວາງສະແດງຮູບພາບການທ່ອງທ່ຽວ ພູເຂົາອາຊີ ແລະ ຫັດຖະກຳພື້ນເມືອງ
ເວລາອອກຂ່າວ: 2023-05-31 08:26:59 | ຜູ້ຂຽນ : admin3 | ຈຳນວນຄົນເຂົ້າຊົມ: 38 | ຄວາມນິຍົມ:
ສະຫະພັນການທ່ອງທ່ຽວພູເຂົາສາກົນ ສປ ຈີນ ຮ່ວມກັບ ກະຊວງຖະແຫຼງຂ່າວ ວັດທະ ນະທຳ ແລະ ທ່ອງທ່ຽວໄດ້ຈັດ ງານວາງສະແດງຮູບພາບການ ທ່ອງທ່ຽວພູເຂົາອາຊີ ແລະ ງານວາງສະແດງຫັດຖະກຳພື້ນເມືອງຂຶ້ນໃນວັນທີ 29 ພຶດສະພາ 2023 ທີ່ໂຮງແຮມແລນມາກ ນະຄອນຫຼວງວຽງຈັນ ເຊິ່ງພາຍໃນງານໄດ້ລວບລວມເອົາສຸດຍອດຮູບພາບພູເຂົາ ແລະ ທຳມະຊາດທີ່ມີຄວາມສວຍສົດງົດງາມໃນອາຊີມາວາງສະແດງໄວ້ຈຸດດຽວ. ໂດຍການໃຫ້ກຽດເຂົ້າຮ່ວມຂອງ ທ່ານ ອຸ່ນທວງ
ຂາວພັນ ຮອງລັດຖະມົນຕີກະ ຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ພ້ອມດ້ວຍແຂກຖືກເຊີນ.
ການວາງສະແດງຮູບພາບການທ່ອງທ່ຽວພູເຂົາອາຊີໃນຄັ້ງນີ້, ມີຫຼາຍກວ່າ 40 ຮູບພາບ; ໃນນັ້ນ, ຮູບພາບຂອງ ສປປ ລາວ ຮ່ວມວາງສະແດງ 15 ຮູບພາບ ເປັນຕົ້ນນ້ຳຕົກຕາດກວາງຊີ, ທິວທັດຂອງເມືອງຫຼວງພະບາງ, ນຳຕົກຕາດຟານ ແຂວງຈຳປາສັກ, ຖ້ຳກອງລໍ ແຂວງຄຳມ່ວນ, ທົ່ງໄຫຫີນ ແຂວງຊຽງຂວາງ, ງານບຸນປີໃໝ່ລາວ ທີ່ຫຼວງພະບາງ, ຮູບພາບສາວມົ້ງລາວ ແລະ ອື່ນໆ. ບັນດາຮູບພາບດັ່ງກ່າວສະແດງໃຫ້ເຫັນເຖິງຄວາມສວຍສົດງົດງາມຂອງບັດດາພູເຂົາ ແລະ ທຳມະຊາດໃນອາຊີ ຜ່ານຮູບຖ່າຍ.
ນອກຈາກນີ້, ພາຍໃນງານ ຍັງມີການວາງສະແດງຫັດຖະ ກຳພື້ນເມືອງລາວ-ຈີນ ເຊັ່ນ: ກະເປົາ, ແກະສະລັກຮູບປັ້ນ, ຮູບ ແຕ້ມວິຈິດສິນ, ເຄື່ອງທີ່ລະນຶກ ແລະ ອື່ນໆ, ທັງນີ້ ແນໃສ່ສົ່ງ ເສີມການຜະລິດຫັດຖະກຳ, ສ້າງໂອກາດພົບປະແລກປ່ຽນ ຊື້-ຂາຍ ໃຫ້ແກ່ຫົວໜ່ວຍຫັດຖະກຳ, ຜູ້ປະກອບການກັບພາກສ່ວນຄູ່ຄ້າ ຄຽງຄູ່ກັບການເຜີຍແຜ່ວຽກງານຫັດຖະກຳ ເຊື່ອມໂຍງກັບການທ່ອງທ່ຽວ; ພ້ອມກັນນັ້ນກໍເປັນການສ້າງຄວາມເຂັ້ມແຂງ ຊ່ວຍໃຫ້ຂະແໜງຫັດຖະກຳ ຟື້ນຕົວຈາກສະພາບການລະບາດຂອງພະຍາດ ໂຄວິດ-19.
ໂດຍ: ກິດຕາ
ພາບ: ເກດສະໜາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ