ທຳມະຊາດໃນກຳມືຂອງມະນຸດ
ເວລາອອກຂ່າວ: 2023-05-31 08:27:56 | ຜູ້ຂຽນ : admin3 | ຈຳນວນຄົນເຂົ້າຊົມ: 42 | ຄວາມນິຍົມ:
ຫຼັງຈາກສູດລົມຫາຍໃຈຄັ້ງ
ທຳອິດໃນສັງຄົມຕົວເມືອງ ກໍຮູ້ ສຶກສຳຜັດໄດ້ເຖິງການປ່ຽນແປງທາງລົບຂອງທຳມະຊາດ, ຊີວິດໃນເມືອງເກືອບທຸກຢ່າງກາຍເປັນສິ່ງປະດິດທີ່ຢູ່ອາໄສມີຄວາມແອອັດ, ອາກາດແຫ້ງອົບເອົ້າ ແລະ ເປັນພິດ ຍ້ອນການປ່ຽນແປງນີ້ຈຶ່ງເຮັດໃຫ້ມະນຸດຮູ້ວ່າທຳມະຊາດມີຄວາມສຳຄັນ ແລະ ເປັນມະຫາສານຕໍ່ສິ່ງທີ່ມີຊີວິດ ບໍ່ວ່າຈະເປັນມະນຸດ ຫຼື ສັດອື່ນໆທີ່ດຳລົງຊີວິດຢູ່ໃນໂລກນີ້ກໍລ້ວນແຕ່ຕ້ອງອາໄສທຳມະຊາດ ແລະ ມີທຳມະຊາດເປັນແກນກາງ ເພາະທຳມະຊາດເປັນທຸກຢ່າງທີ່ຕອບສະໜອງໃຫ້ມະນຸດດຳລົງຊີວິດຢູ່ໄດ້ ຫຼື ອາດເວົ້າໄດ້ວ່າ ທຳມະຊາດເປັນສ່ວນໜຶ່ງຂອງຊີວິດມະນຸດ.
ປັດຈຸບັນນີ້ທຳມະຊາດມີການປ່ຽນແປງໄປຫຼາຍ ເພາະການດຳລົງຊີວິດຂອງຄົນໃນສັງຄົມ ໄດ້ມີເຕັກໂນໂລຊີທີ່ທັນສະໄໝ
ເຂົ້າມາມີບົດບາດ. ມີຫຼາຍປະ ເທດ, ຫຼາຍກຸ່ມຄົນມີແນວຄິດອັນດຽວກັນຄືຕ້ອງການແຕ່ສິ່ງທີ່ອຳນວຍຄວາມສະດວກ, ຕ້ອງການຄວາມສະບາຍ, ຄວາມຈະເລີນ, ຄວາມຮັ່ງມີ ກໍຄືຕ້ອງການຄວາມພັດທະນາເຊັ່ນ: ມີການບຸກເບີກຖະໜົນຫົນທາງ, ສ້າງເຂື່ອນໄຟ ຟ້າ, ນໍ້າປະປາ, ສ້າງໂຮງຈັກ ໂຮງງານ ແລະ ມີການຂຸດຄົ້ນແຮ່ທາດຕ່າງໆທີ່ສຳຄັນຈາກທຳ ມະຊາດ ລວມໄປເຖິງການບຸກ ເບີກເນື້ອທີ່ດິນ ເພື່ອເຮັດການຜະ ລິດ ແລະ ທຳມາຫາກິນ. ແຕ່ ຄວາມຕ້ອງການເຫຼົ່ານີ້ລ້ວນແຕ່ ສົ່ງຜົນກະທົບຕໍ່ທຳມະຊາດຢ່າງ ໜັກໜ່ວງ ເຫັນໄດ້ຊັດເຈນວ່າບາງບ່ອນກຳລັງປະສົບກັບໄພພິ ບັດ ຈາກທຳມະຊາດທີ່ເຄີຍໄດ້ຍິນ ແລະ ຮູ້ກັນດີກັບຄຳວ່າ “ໄພນ້ຳຖ້ວມ” ປັດຈຸບັນອັດຕາການເພີ່ມຂຶ້ນຂອງປະຊາກອນຢູ່ໃນລະດັບສູງ, ປະຊາກອນສ່ວນຫຼາຍເຮັດອາຊີບວຽກງານກະສິກຳກວມເອົາ 70% ຂອງຈຳນວນປະຊາກອນທົ່ວປະເທດເຮັດໃຫ້ປະລິມານການນຳໃຊ້ຊັບພະຍາກອນທຳມະຊາດ ນັບ
ມື້ສູງຂຶ້ນເລື້ອຍໆຈະເຫັນວ່າຊັບພະຍາກອນປ່າໄມ້ບໍ່ມີທ່າອ່ຽງທີ່ຈະເພີ່ມຂຶ້ນມີແຕ່ຫຼຸດລົງເລື້ອຍໆ. ທັງໝົດນີ້ກໍຍ້ອນການຖາງປ່າເພື່ອໃຊ້ເປັນພື້ນທີ່ຜະລິດກະສິກຳ, ອຸດສາຫະກຳ, ສ້າງຖະໜົນຫົນທາງ ແລະ ທີ່ສຳ
ຄັນແມ່ນການຖາງປ່າເຮັດໄຮ່ແບບເລື່ອນລອຍຂອງປະຊາຊົນຈຳນວນຫຼວງຫຼາຍທີ່ມີແນວຄິດຢາກໄດ້ເກີນຄວາມສາມາດ, ເກີນກຳລັງແຮງງານຂອງຕົນເອງ ຈົນລືມຄຳນຶງເຖິງຜົນກະທົບທີ່ຈະເກີດຂຶ້ນກັບທຳມະຊາດໃນຕໍ່ໜ້າ. ນອກຈາກປ່າໄມ້ທີ່ຫຼຸດລົງແລ້ວສັດປ່າກໍມີທ່າອ່ຽງຫຼຸດລົງເຊັ່ນກັນຄື: ມີສັດຫຼາຍຊະນິດໃກ້ທີ່ຈະສູນພັນກໍເພາະມີຄົນຈຳນວນຫຼວງຫຼາຍປະກອບອາຊີບລ່າສັດ ຄ້າຂາຍສັດປ່າທີ່ຜິດກົດໝາຍ ນອກຈາກນີ້ ຍັງມີການຂຸດຄົ້ນແຮ່ທາດຕ່າງໆທີ່ສຳຄັນຈາກທຳມະຊາດ, ມີການສ້າງເຂື່ອນໄຟຟ້າ ແລະ ໂຮງຈັກໂຮງງານຫຼາຍແຫ່ງ ເພື່ອການພັດທະນາ ແລະ ຕອບສະໜອງຕາມຄວາມຮຽກຮ້ອງຕ້ອງການຂອງມະນຸດ ກໍຄືສັງຄົມປັດຈຸບັນທີ່ມີຄວາມຮຽກຮ້ອງຕ້ອງການຫຼາຍຂຶ້ນຫຼາຍເກິນກວ່າທີ່ທຳມະຊາດມີໃຫ້ ເພາະທຳມະຊາດເປັນສິ່ງທີ່ມີຢູ່ຈຳກັດ ເຊິ່ງມະນຸດມີການເພີ່ມຈຳນວນປະຊາກອນຫຼາຍຂຶ້ນ ຢ່າງຕໍ່ເນື່ອງ ແລະ ໃນຂະນະດຽວ ກັນທຳມະຊາດກັບຫຼຸດລົງຢ່າງຕໍ່ເນື່ອງເຊັ່ນກັນ.
ປັດຈຸບັນນີ້ໂລກມີການປ່ຽນແປງຢ່າງໄວວາ ທຸກຄົນຫັນມານິຍົມການໃຊ້ຊີວິດແບບທັນສະໄໝຕິດພັນກັບເຕັກໂນໂລຊີ ແລະ ນຳໃຊ້ສານເຄມີຕ່າງໆເປັນຈຳນວນຫຼາຍ ແມ່ນແຕ່ຊົນ ນະບົດເອງທີ່ເຄີຍມີທຳມະຊາດ ທີ່ອຸດົມສົມບູນ ມີທຳມະຊາດຫຼໍ່ ລ້ຽງຊີວິດ ກໍຄືມີຊັບໃນດິນສິນ
ໃນນໍ້າມີແມ່ນໍ້າລຳເຊທີ່ໃສສະ ອາດສາມາດນຳມາຊົມໃຊ້ໄດ້ແຕ່ຕອນນີ້ບາງເຂດກັບໄດ້ແຕ່ແນມເບິ່ງສາຍນໍ້າເຫຼົ່ານັ້ນທີ່ເຕັມໄປດ້ວຍສານພິດ, ສານເຄມີທີ່ເກີດ ຈາກຜົນຂອງການກະທຳຂອງມະນຸດເອງ ກໍຄືປະຊາຊົນບາງເຂດໄດ້ນຳເອົາສານເຄມີ ຢາຂ້າຫຍ້າ, ຢາປາບສັດຕູພືດ, ສານເຄມີຕ່າງໆມານຳໃຊ້ເຂົ້າໃນການຜະລິດ ເພື່ອເພີ່ມຜົນຜະລິດກະ ສະກຳໃຫ້ໄດ້ຫຼາຍຂຶ້ນ ແຕ່ກ່ອນ ໃຊ້ຈົກໃຊ້ສຽມໃຊ້ຝຸ່ນທຳມະຊາດໃນການປູກພືດຜັກ ການເຮັດຮົ້ວສວນ ແຕ່ຕອນນີ້ກັບພາກັນນິຍົມນາໃຊ້ສານເຄມີແທນ ຈຶ່ງເຮັດໃຫ້ມີຜົນເສຍຫາຍຕາມມາຢ່າງໃຫຍ່ຫຼວງຕໍ່ທຳມະຊາດ ເວລາຝົນຕົກດິນກໍຖືກນໍ້າຝົນເຊາະເຈື່ອນ, ພູຜາປ່າໄມ້ກໍຖືກຕັດທຳລາຍກາຍເປັນພູຫົວໂລ້ນ ຈຶ່ງບໍ່ມີຮາກຈາກຕົ້ນ ໄມ້ໃຫຍ່ທີ່ຈະຊ່ວຍກັນບໍ່ໃຫ້ດິນເຈື່ອນໄດ້ ຈຶ່ງເຮັດໃຫ້ສານເຄມີເຫຼົ່ານັ້ນໄຫຼລົງສູ່ແມ່ນໍ້າເຮັດໃຫ້ນໍ້າເປັນພິດ ນອກຈາກນໍ້າເປັນພິດແລ້ວ ດິນ, ອາກາດ, ອາຫານກໍເຕັມໄປດ້ວຍສານພິດສານເຄມີ ແລະ ຍັງທຳລາຍທີ່ຢູ່ອາໄສຂອງສັດ, ພືດ ແລະ ທຳມະຊາດອີກຈຳນວນຫຼວງຫຼາຍຖືກທຳລາຍລົງຢ່າງໜ້າເວດທະນາ, ມະນຸດບໍ່ພຽງແຕ່ທຳລາຍທຳມະຊາດເທົ່ານັ້ນ ແຕ່ປັດຈຸບັນນີ້ມະນຸດກຳລັງຂ້າມະນຸດດ້ວຍກັນເອງໃນທາງອ້ອມ ຄືນຳໃຊ້ຢາຂ້າແມງໄມ້ ຢາປາບສັດຕູພືດ, ຢາຂ້າຫຍ້າ, ສານຮັກສາອາຫານ, ສານເລັ່ງບຳລຸງພືດເຂົ້າມາໃຊ້ກັນຫຼາຍໃນການຜະລິດກະສິກຳ ແລະ ການດຳລົງຊີວິດ.
ປັດຈຸບັນນີ້ມີຫຼາຍຄົນລືມໄປແລ້ວວ່າທຳມະຊາດຄືຜູ້ໃຫ້ຊີວິດໃຫ້ທີ່ຢູ່ອາໄສແກ່ມະນຸດມະນຸດຄືຜູ້ສ້າງສິ່ງຕ່າງໆ ແລະ ກໍຄືຜູ້ທຳລາຍ ດັ່ງນັ້ນ ຖ້າບໍ່ຢາກໃຫ້ທຳມະຊາດເສື່ອມໂຊມລົງ ຖືກທຳລາຍລົງດ້ວຍຜົນຂອງການກະທຳຂອງມະນຸດເອງ ຈົ່ງຮ່ວມ ແຮງຮ່ວມໃຈກັນຢຸດທຳລາຍທຳມະຊາດ ຫັນມາຊ່ວຍກັນສ້າງ ແລະ ຄືນຊີວິດໃຫ້ກັບຄືນສູ່ທຳມະຊາດທີ່ມີແຕ່ສີຂຽວ ມີຄວາມງຽບສະຫງົບ ແລະ ຄວາມອຸດົມ ສົມບູນ ກໍຄືມີອາກາດປອດໂປ່ງ ມີປູປາທີ່ປອດສານພິດ, ມີອາ ຫານການກິນທີ່ໄດ້ຈາກທຳມະຊາດໂດຍກົງ ດ້ວຍການຊ່ວຍກັນປົກປັກຮັກສາທຳມະຊາດ ແລະ ສິ່ງແວດລ້ອມ ຮ່ວມກັນປູກປ່າ ປູກຕົ້ນໄມ້ ຢຸດຕິການຕັດໄມ້ທຳລາຍປ່າຕັ້ງແຕ່ມື້ນີ້ເປັນຕົ້ນໄປ. ພັກ ແລະ ລັດຖະບານກໍໄດ້ ສືບຕໍ່ຊຸກຍູ້ສົ່ງເສີມເຖິງຄວາມ ສຳຄັນຂອງການຄືນສູ່ທຳມະຊາດໃຫ້ກັບຄືນມາສູ່ສະພາບເດີມ ຈຶ່ງໄດ້ອອກກົດໝາຍປົກປັກຮັກສາສິ່ງແວດລ້ອມກໍຄືທຳມະຊາດ ແລະ ໄດ້ປຸກລະດົມຂົນຂວາຍໃຫ້ປະຊາຊົນທັງໃນສັງຄົມເມືອງ ແລະ ຊົນນະບົດໃຫ້ມີຄວາມສາມັກຄີຮ່ວມແຮງຮ່ວມກັນມີສະຕິປົກປັກຮັກສາຊັບ ພະຍາກອນທຳມະຊາດ ກໍຄືທີ່ຢູ່ອາໄສ ເພື່ອເຮັດໃຫ້ທຳມະຊາດກັບຄືນມາມີຄວາມອຸດົມສົມບູນຍືນຍົງ ແລະ ເພື່ອເຮັດໃຫ້ປະ ເທດລາວປາສະຈາກໄພພິບັດຈາກທຳມະຊາດກໍຄື: ແຜ່ນດິນໄຫວ, ໄພນ້ຳຖ້ວມ ແລະ ອາກາດແຫ້ງແລ້ງ.
ຮຽບຮຽງໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ