ວັນສຸກ, ວັນທີ 06 ທັນວາ 2024
ສະຫາຍຫົວໜ້າກົມກໍ່ສ້າງຮາກຖານການເມືອງກອງທັບ ລົງຢ້ຽມຢາມກອງພັນໃຫຍ່ 642
ເວລາອອກຂ່າວ: 2023-06-08 15:21:52 | ຜູ້ຂຽນ : admin2 | ຈຳນວນຄົນເຂົ້າຊົມ: 950 | ຄວາມນິຍົມ: 
ໃນວັນທີ 7 ມິຖຸນາ 2023 ສະຫາຍ ພົນຈັດຕະວາ ບົວໄລ ພົມມະວົງ ຄະນະພັກກົມໃຫຍ່ການເມືອງກອງທັບ ຫົວໜ້າກົມກໍ່ສ້າງຮາກຖານການເມືອງກອງທັບ ລົງເຄື່ອນໄຫວຢ້ຽມຢາມ ແລະ ໂອ້ລົມ ພະນັກງານຫຼັກແຫຼ່ງຢູ່ກອງພັນໃຫຍ່ 642 ໂດຍໃຫ້ການຕ້ອນຮັບຂອງ ສະຫາຍ ພັນເອກ ຄໍາໃສ ແພງຄູນ ເລຂາຄະນະພັກ ຫົວໜ້າການເມືອງກອງພັນໃຫຍ່ ພ້ອມດ້ວຍຄະນະພັກ-ຄະນະບັນຊາ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.
ໂອກາດນີ້ ສະຫາຍຫົວໜ້າກົມກໍ່ສ້າງຮາກຖານການເມືອງກອງທັບ ໄດ້ພົບປະໂອ້ລົມພະນັກງານຫຼັກແຫຼ່ງ ພ້ອມທັງສະແດງຄວາມຍ້ອງຍໍຊົມເຊີຍ ຜົນງານໄຊຊະນະທີ່ກອງພັນໃຫຍ່ 642 ຍາດມາໄດ້ ແລະ ເນັ້ນໜັກຫຼາຍບັນຫາທີ່ສໍາຄັນ ໃຫ້ຄະນະພັກ-ຄະນະບັນຊາ ພະນັກງານຫຼັກແຫຼ່ງ ຈົ່ງຍົກສູງສະຕິຄວາມເປັນເຈົ້າການຕໍ່ໜ້າທີ່ວຽກງານການເມືອງຂອງຕົນ, ຊີ້ນຳ-ນຳພາ ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ໃຫ້ມີແນວຄິດອຸ່ນອຽນທຸ່ນທ່ຽງ ມີແນວຄິດການເມືອງໜັກແໜ້ນ ເຂົ້າໃຈເຊື່ອມຊຶມຕໍ່ແນວທາງການນຳພາຂອງພັກ-ລັດ ປະກອບສ່ວນຈັດຕັ້ງປະຕິບັດມະຕິຕ່າງໆ ຂອງພັກຂອງກອງທັບ ມີແບບແຜນວິທີເຮັດວຽກທີ່ໂປ່ງໃສ ແລະ ຂາວສະອາດ, ສຶບຕໍ່ນຳພາພະນັກງານລົງກໍ່ສ້າງຮາກຖານການເມືອງຢູ່ບັນດາໝູ່ບ້ານແບບມູນເຊື້ອ, ສ້າງຄວາມສາມັກຄີກັບພໍ່ແມ່ປະຊາຊົນ, ຊ່ວຍເຫຼືອປະຊາຊົນປ້ອງກັນຄວາມສະຫງົບ, ຊ່ວຍເຫຼືອປະຊາຊົນຂະຫຍາຍເສດຖະກິດແກ້ໄຂຄວາມທຸກຍາກ ກ້າວໄປເຖິງການແຮກສ່ຽວລະຫວ່າງກົມກອງກັບບ້ານ; ລົງກໍ່ສ້າງຮາກຖານການເມືອງຕາມ 4 ເນື້ອໃນ 4 ຄາດໝາຍ: ວຽກງານການເມືອງ-ແນວຄິດ, ວຽກງານ ປກຊ-ປກສ, ວຽກງານເສດຖະກິດ ແລະ ວຽກງານປັບປຸງລະບົບການເມືອງ ( ວັດທະນະທຳສັງຄົມ ), ຢາກເຮັດໄດ້ແນວນັ້ນພວກສະຫາຍຕ້ອງໄດ້ຜ່ານການສຶກສາອົບຮົມວຽກງານກໍ່ສ້າງງຮາກຖານການເມືອງ ກຳແໜ້ນແນວທາງການປ່ຽນແປງໃໝ່ຂອງພັກ ລະບຽບກົດໝາຍຂອງລັດ, ບັນດາຂໍ້ກໍານົດກົດລະບຽບຂອງກອງທັບໃຫ້ເຂັ້ມງວດ, ຕ້ານ ແລະ ສະກັດກັ້ນປະກົດການຫຍໍ້ທໍ້ ທີ່ອາດຈະເກີດຂຶ້ນ ເຮັດໃຫ້ສະພາບກົມກອງມີຄວາມສະຫງົບ, ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງກອງທັບ, ມູນເຊື້ອຂອງກົມກອງ ຕັ້ງໜ້າປະກອບສ່ວນເຂົ້າໃນຂະບວນການສ້າງສາພັດທະນາກົມກອງ ໃຫ້ມີໂສມໜ້າອັນໃໝ່ຂື້ນເປັນກ້າວໆ. ສິ່ງທ້າທາຍທີ່ຈະກະທົບຕໍ່ໜ້າວຽກງານກໍ່ສ້າງຮາກຖານການເມືອງໃນຕໍ່ໜ້າໄດ້ແກ່ ບັນຫາສາກົນ, ສະພາບກຸ່ມຄົນບໍ່ຫວັງດີທີ່ຫວັງມ້າງເພພວກເຮົາຢ່າງຮອບດ້ານ, ສະພາບປະກົດການຫຍໍ້ທໍ້ທີ່ເກີດຂື້ນໃນສັງຄົມ, ບັນຫາຢາເສບຕິດ, ຂີ້ລັກງັດແງະປຸ້ນຈີ້ຊິງຊັບ, ອາລະວາດຕີກັນ, ບັນຫາເສດຖະກິດພົບຄວາມຫຍຸ້ງຍາກ ໄພພິບັດທາງທຳມະຊາດ ແລະ ບັນຫາອື່ນໆ, ຈະສົ່ງຜົນກະທົບບໍ່ໜ້ອຍຕໍ່ກັບການຈັດຕັ້ງປະຕິບັດວຽກງານ ທີ່ໄດ້ກ່າວມານັ້ນ ຈື່ງຮຽກຮ້ອງໃຫ້ບັນດາສະຫາຍສູ້ຊົນຜ່ານຜ່າ, ຕ້ອງປັບປຸງແບບແຜນວິທີເຮັດວຽກ, ສ້າງຄວາມເປັນເອກະພາບພາຍໃນ ສາມັກຄີພາຍໃນໃຫ້ແໜ້ນແຟ້ນ ພ້ອມກັນຕັດສີນໃຈຜ່ານຜ່າຄວາມຫຍຸ້ງຍາກເພື່ອເຮັດສໍາເລັດໜ້າທີ່ການເມືອງທີ່ພັກ-ລັດມອບໝາຍໃຫ້ດ້ວຍຜົນສໍາເລັດສູງ.
ໂດຍ: ແຟນຕ່າ ໄຊຍະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
