POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ທະຫານແຂວງຈໍາປາສັກ ປະກາດການຈັດຕັ້ງຂັ້ນຮອງກອງບັນຊາການ ແລະ ຫົວໜ້າຫ້ອງ, ຮອງຫ້ອງທີ່ຂຶ້ນກັບ
ເວລາອອກຂ່າວ: 2023-06-08 15:41:42 | ຜູ້ຂຽນ : admin2 | ຈຳນວນຄົນເຂົ້າຊົມ: 1044 | ຄວາມນິຍົມ:

ໃນວັນທີ 7 ມິຖຸນາ 2023 ນີ້, ຢູ່ກອງບັນຊາການທະຫານແຂວງ ຈໍາປາສັກ, ໄດ້ມີພິທີປະກາດການຈັດຕັ້ງຂັ້ນຮອງກອງບັນຊາການ ແລະ ຫົວໜ້າຫ້ອງ, ຮອງຫ້ອງທີ່ຂຶ້ນກັບກອງບັນຊາການທະຫານແຂວງຈໍາປາສັກ, ໂດຍການເປັນປະທານຂອງ ສະຫາຍ ພົນຈັດຕະວາ ພູມີ ດາລາເພັດ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີ ສະຫາຍ ພົນຈັດຕະວາ ບຸນຍົງ ວົງພົມ ຄະນະພັກກົມໃຫຍ່ພະລາທິການກອງທັບ ຫົວໜ້າກົມຂົນສົ່ງ, ສະຫາຍ ພົນຈັດຕະວາ ສຸໄກ ພິມມະສານ ຄະນະປະຈໍາພັກແຂວງ ຮອງປະທານ, ຜູ້ປະຈໍາການຄະນະກໍາມະການ ປກຊ-ປກສ ຂັ້ນແຂວງ, ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ, ມີຮອງກົມພະນັກງານ ກົມໃຫຍ່ການເມືອງກອງທັບ, ມີບັນດາແຂກທີ່ຖືກເຊື້ອເຊີນມາຈາກກໍາລັງຫຼວງ-ກໍາລັງທ້ອງຖິ່ນ, ພະແນກການ, ຫ້ອງການ, ກົມກອງອ້ອມຂ້າງແຂວງ ຕະຫຼອດຮອດນາຍທະຫານ ແລະ ພະນັກງານ-ຫຼັກແຫຼ່ງຂອງກອງບັນຊາການທະຫານແຂວງຈໍາປາສັກ ເຂົ້າຮ່ວມ. ສະຫາຍ ພັນເອກ ໂສພາວັນ ທໍາມະເທວາ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮອງຫົວໜ້າການເມືອງ ກອງບັນຊາການທະຫານແຂວງຈໍາປາສັກ, ໂດຍອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກທີ II ໝວດທີ 4 ມາດຕາທີ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ ແລະ ອີງຕາມທິດທາງກ່ຽວກັບການບູລະນະກົງຈັກການຈັດຕັ້ງຂັ້ນນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ-ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ໃນການປົກປັກຮັກສາ ແລະ ສ້າງສາພັດທະນາປະເທດຊາດ, ໃນນັ້ນກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ສິດປະເສີດ ນວນມະນີວົງ ເປັນຮອງຫົວໜ້າການເມືອງ ກອງບັນຊາການ ແລະ ທັງເປັນຫົວໜ້າຫ້ອງການເມືອງ ກອງບັນຊາການທະຫານທະຫານແຂວງຈໍາປາສັກ, ແຕ່ງຕັ້ງຫົວໜ້າ ແລະ ບັນດາຮອງຫົວໜ້າຫ້ອງ ກອງບັນຊາການທະຫານແຂວງ ຄື: ສະຫາຍ ພັນໂທ ບົວໄຂ ພົມພັນ ເປັນຫົວໜ້າຫ້ອງການ ແລະ ບໍລິຫານ, ສະຫາຍ ພັນໂທ ວິໄລສັກ ກິ່ງແກ້ວ ເປັນຮອງຫົວໜ້າຫ້ອງການເມືອງ ແລະ ສະຫາຍ ພັນໂທ ອຸດົມໄຊ ພົມມະຈັນ ເປັນຮອງຫົວໜ້າຫ້ອງການ ແລະ ບໍລິຫານກອງບັນຊາການທະຫານແຂວງ ຈໍາປາສັກ, ຕົກລົງແຕ່ຕັ້ງ, ສະຫາຍ ພັນໂທ ສົມເພັງ ອ້ວນວິໄລ ເປັນຮອງຫົວໜ້າຫ້ອງພະລາທິການ ກອງບັນຊາການທະຫານແຂວງ, ແຕ່ງຕັ້ງຫົວໜ້າ ແລະ ຮອງຫົວໜ້າພະແນກຂົນສົ່ງ ຂອງກອງບັນຊາການທະຫານແຂວງຄື: ສະຫາຍ ພັນຕີ ທຸນນະສັກ ໄຊປັນຍາ ເປັນຫົວໜ້າພະແນກ, ສະຫາຍ ຮ້ອຍເອກ ດວງດາວ ສາມີໄຊ ເປັນຮອງຫົວໜ້າພະແນກຂົນສົ່ງ ທະຫານແຂວງ. ກະຊວງປ້ອງກັນປະເທດຕົກລົງອະນຸຍາດໃຫ້ນາຍທະຫານຢູ່ກອງບັນຊາການທະຫານແຂວງຈໍາປາສັກ ພັກການເພື່ອກຽມຮັບເບ້ຍບໍານານຈໍານວນ 2 ສະຫາຍ ຄື: ສະຫາຍ ພັນໂທ ພູວຽງ ບຸດດາລາ ຫົວໜ້າຫ້ອງການ ກໍ່ສ້າງຮາກຖານການເມືອງແຂວງຈໍາປາສັກ ແລະ ສະຫາຍ ພັນໂທ ວິໄຊ ວໍລະວົງ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຈໍາປາສັກ ພັກການເພື່ອກຽມຮັບເບ້ຍບໍານານ. ຈາກນັ້ນ ສະຫາຍ ພອນໄຊ ເກດມາລາ ຮອງຫົວໜ້າຄະນະຈັດຕັ້ງແຂວງ ຈໍາປາສັກ, ຂຶ້ນຜ່ານຂໍ້ຕົກລົງຂອງແຂວງຈໍາປາສັກ, ວ່າດ້ວຍການແຕ່ງຕັ້ງພະນັກງານເຮັດໜ້າທີ່ເປັນຮັກສາການ ຫົວໜ້າຫ້ອງການ ປກຊ-ປກສ ແຂວງຈໍາປາສັກ, ໃນນັ້ນໄດ້ແຕ່ຕັ້ງ, ສະຫາຍ ພັນໂທ ພູເວີນ ສູນນີວົງ ເຮັດໜ້າທີ່ເປັນຮັກສາການ ຫົວໜ້າຫ້ອງການ ປກຊ-ປກສ ແຂວງ, ນອກນັ້ນ,ຍັງໄດ້ຜ່ານຂໍ້ຕົກລົງຂອງແຂວງຕື່ມອີກ ກ່ຽວກັບການຍົກຍ້າຍ ແລະ ແຕ່ງຕັ້ງຫົວໜ້າຫ້ອງການກໍ່ສ້າງຮາກຖານການເມືອງ ແຂວງຈໍາປາສັກຄື: ສະຫາຍ ພັນເອກ ສີໄຄ ທິບພະຈັກ ຮອງຫົວໜ້າການເມືອງ ແລະ ທັງເປັນຫົວໜ້າຫ້ອງການເມືອງ ກອງບັນຊາການທະຫານແຂວງ ມາປະຈໍາການຢູ່ຫ້ອງການກໍ່ສ້າງຮາກຖານການເມືອງແຂວງຈໍາປາສັກ. ໂອກາດນີ້ ສະຫາຍ ພົນຈັດຕະວາ ພູມີ ດາລາເພັດ, ໄດ້ມີຄໍາເຫັນໂອ້ລົມ ແລະ ເນັ້ນໜັກຫຼາຍບັນຫາຕໍ່ບັນດາສະຫາຍທີ່ໄດ້ຮັບໜ້າທີ່ໃໝ່ໃນຄັ້ງນີ້, ເປັນຕົ້ນແມ່ນການເອົາໃຈໃສ່ນໍາພາ-ຊີ້ນໍາກົມກອງຂອງຕົນ ສືບຕໍ່ເຮັດວຽກງານສືກສາອົບຮົມການເມືອງນໍາພາແນວຄິດໃຫ້ແກ່ພະນັກງານ-ນັກຮົບຢ່າງເປັນປົກກະຕິ ແລະ ຕໍ່ເນື່ອງ, ຍົກສູງພາລະບົດບາດມີຄວາມຮັບຜິດຊອບຕໍ່ໜ້າທີ່ການເມືອງໃຫ້ມີຜົນສໍາເລັດ, ມີຄວາມສາມັກຄີພາຍໃນອັນແໜ້ນແຟ້ນປະຕິບັດລະບອບລວມສູນປະຊາທິປະໄຕໃນແບບແຜນການນໍາພາ-ບັນຊາ ເຮັດວຽກເປັນໝູ່ຄະນະສາມາດແບ່ງງານໃຫ້ບຸກຄົນຮັບຜິດຊອບໄດ້ຢ່າງຖືກຕ້ອງ ແລະ ເໝາະສົມ, ຕັ້ງໜ້າເຝີກຜົນຫຼໍ່ຫຼອມຕົນເອງຢ່າງຮອບດ້ານ ມີຄຸນທາດການເມືອງໜັກແໜ້ນ-ເຂັ້ມແຂງ, ຄຸນສົມບັດສິນທໍາປະຕິວັດ ດຸໝັ່ນຄົ້ນຄວ້າຊອກຮູ້ຮໍ່າຮຽນດ້ວຍຕົນເອງ ແລະ ນໍາໝູ່ເພື່ອນ ເພື່ອພັດທະນາຕົນເອງໃຫ້ການເປັນບຸກຄົນທີ່ດີ່ເດັ່ນຂອງກົມກອງກໍ່ຄືຂອງກອງທັບ, ນອກນັ້ນກໍ່ຕ້ອງໄດ້ເປັນເຈົ້າການ ນໍາພາກົມກອງສ້າງແຫຼ່ງລາຍຮັບດ້ວຍການຖືເອົາວຽກງານປູກຝັງລ້ຽງສັດ 04 ປູກ 04 ລ້ຽງຕາມທິດນໍາເຜີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ທີ່ຄະນະພັກກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ. ຂ່າວ-ພາບ: ວິໄລພອນ ວົງວິສອນ

news to day and hot news