ວັນພຸດ, ວັນທີ 04 ທັນວາ 2024
ພຣະອາຈານ ໄພວັນ ມອບປຶ້ມໃຫ້ກົມໃຫຍ່ການເມືອງກອງທັບ
ເວລາອອກຂ່າວ: 2023-06-08 16:19:52 | ຜູ້ຂຽນ : admin2 | ຈຳນວນຄົນເຂົ້າຊົມ: 787 | ຄວາມນິຍົມ: 
ວັນທີ 8 ມິຖຸນາ 2023 ນີ້, ພຣະອາຈານ ໄພວັນ ມາລາວົງ ກຳມະການຄະນະບໍລິຫານງານອົງ ການພຸດທະສາສະໜາສຳພັນ, ເຈົ້າອາວາດວັດໜອງບົວທອງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ພ້ອມຄະນະ ໄດ້ນຳເອົາປຶ້ມຈຳນວນ 105 ຫົວ ມາມອບໃຫ້ກົມໃຫຍ່ການເມືອງກອງທັບ ໂດຍການກ່າວຮັບຂອງສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ພ້ອມຄະນະ.
ສຳລັບປຶ້ມທີ່ມາມອບໃນຄັ້ງນີ້ປະກອບມີ: ປຶ້ມວັດທະນະທຳລາວຈຳນວນ 15 ຫົວ ມອບໃຫ້ຄະນະນຳກະຊວງປ້ອງກັນປະເທດ 6 ຫົວ, ປຶ້ມສາມກົກ 30 ຫົວ, ປຶ້ມນິທານສັງສິນໄຊຈຳນວນ 30 ຫົວ, ປຶ້ມຈາລຶກແຜ່ນດິນລາວຈຳນວນ 20 ຫົວ ແລະ ປຶ້ມຄົມຄຳຄວາມຄິດຈຳນວນ 10 ຫົວ ລວມມູນຄ່າທັງໝົດ 20 ລ້ານກີບ, ມອບໃຫ້ກົມໃຫຍ່ການເມືອງກອງທັບ ເພື່ອເປັນຊຸກຍູ້ໃຫ້ນາຍ ແລະ ພົນທະຫານຢູ່ໃນຖັນແຖວກອງທັບ ເວົ້າລວມເວົ້າສະເພາະ ພະນັກງານ-ນັກຮົບ ໃນອົງການກົມໃຫຍ່ການເມືອງກອງທັບ ໄດ້ສຶກສາຄົ້ນຄວ້າຮ່ຳຮຽນຕຳລາຕ່າງໆຂອງລາວ ໂດຍສະເພາະ ໃນຂົງເຂດວັດທະນະທຳລາວ ເພື່ອເປັນຄັງຄວາມຮູ້ສືບຕໍ່ໄປ.
ໂອກາດດັ່ງກ່າວ ສະຫາຍ ພົນຈັດຕະວາ ແປ້ນຄຳ ບຸດຈັນແພງ ກໍໄດ້ກ່າວຄວາມຂອບໃຈມາຍັງ ພຣະອາຈານ ໄພວັນ ມາລາວົງ ທີ່ໄດ້ນຳເອົາປຶ້ມຈຳນວນດັ່ງກ່າວມາມອບໃຫ້ໃນຄັ້ງນີ້ ພ້ອມທັງມອບໃບຈາລຶກບຸນຄຸນໃຫ້ແກ່ພຣະອາຈານ ໄພວັນ ມາລາວົງ ນຳອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
