ວັນສຸກ, ວັນທີ 06 ທັນວາ 2024
ກອງພັນໃຫຍ່ 645 ເປີດກອງປະຊຸມ ສ່ອງແສງວຽກງານຮອບດ້ານ ປະຈຳໄຕມາດ II ເຂດພາກໃຕ້
ເວລາອອກຂ່າວ: 2023-06-09 10:32:12 | ຜູ້ຂຽນ : admin2 | ຈຳນວນຄົນເຂົ້າຊົມ: 889 | ຄວາມນິຍົມ: 
ວັນທີ 7 ມິຖຸນາ 2023, ກອງພັນໃຫຍ່ 645 ໄດ້ເປັນເຈົ້າພາບ ເປີດກອງປະຊຸມ ສ່ອງແສງວຽກງານຮອບດ້ານ ປະຈຳໄຕມາດ II ແລະ ວາງທິດທາງແຜນການປະຈຳໄຕມາດ III ປີ 2023 ໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ, ມີຄະນະພັກ-ຄະນະບັນຊາກອງພັນໃຫຍ່ 645, ກອງພົນທີ 5, ກອງບັນຊາການທະຫານແຂວງຈຳປາສັກ, ກອງບັນຊາການທະຫານແຂວງອັດຕະປື, ກອງບັນຊາການທະຫານແຂວງສາລະວັນ, ກອງບັນຊາການທະຫານແຂວງເຊກອງ, ໂຮງຮຽນກໍ່ສ້າງນາຍສິບເລກ 2 ວຽກໄຊ, ໄອຍະການທະຫານພາກໃຕ້, ສານທະຫານພາກໃຕ້, ໂຮງງານປະສານເຫຼົ່າພາກໃຕ້, ໂຮງໝໍບໍລິເວນ 106 ແລະ ບໍລິສັດລັດກໍ່ສ້າງຂົວ-ທາງຄົບວົງຈອນ ເຂົ້າຮ່ວມ.
ກອງປະຊຸມດັ່ງກ່າວ ຄະນະພັກ-ຄະນະບັນຊາແຕ່ລະກົມກອງໄດ້ຜັດປ່ຽນກັນລາຍງານສະພາບຮອບດ້ານທີ່ພົ້ນເດັ່ນໃນການປະຕິບັດວຽກງານຂອງຕົນ ໃນໄລຍະ 3 ເດືອນຜ່ານມາ. ເຊີ່ງມີທັງດ້ານດີຕັ້ງໜ້າ, ດ້ານອ່ອນຄົງຄ້າງ ແລະ ບົດຮຽນທີ່ຖອດຖອນໄດ້ເພື່ອນຳໄປປັບປຸງແກ້ໄຂ ໃນການຈັດຕັ້ງປະຕິບັດໜ້າທີ່ວຽກງານຂອງກົມກອງໃນຕໍ່ໜ້າໃຫ້ດີຂຶ້ນກວ່າເກົ່າ.
ໃນຕອນທ້າຍກອງປະຊຸມ ສະຫາຍ ພົນຕີ ຈັນທອງ ສອນຕະອາດ ໄດ້ຕີລາຄາສູງ ແລະ ກ່າວຍ້ອງຍໍຊົມເຊີຍ ຕໍ່ຜົນສຳເລັດໃນການປະຕິບັດໜ້າທີ່ຂອງບັນດາກົມກອງ ກຳລັງຫຼວງ ແລະ ກຳລັງທ້ອງຖິ່ນ ທີ່ຍາດມາໄດ້ຕະຫຼອດໄລຍະ 3 ເດືອນຜ່ານມາ. ພ້ອມທັງຮຽກຮ້ອງໃຫ້ແຕ່ລະພາກສວ່ນ ກົມກອງກຳລັງຫຼວງ, ກຳລັງທ້ອງຖິ່ນ ຈົ່ງໄດ້ນຳເອົາ ເນື້ອໃນຈິດໃຈທີ່ໄດ້ເປັນເອກະພາບໃນກອງປະຊຸມ ຄັ້ງນີ້ນຳໄປຈັດຕັ້ງຜັນຂະຫຍາຍຢູ່ກົມກອງຂອງຕົນໃຫ້ເກີດດອກອອກຜົນຢ່າງຈົບງາມ.
ໂດຍ: ມະນັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
