ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ກອງພັນ​ທະຫານ​ຮາບ 409 ວີລະ​ຊົນ
ເວລາອອກຂ່າວ: 2023-06-15 08:58:22 | ຜູ້ຂຽນ : admin1 | ຈຳນວນຄົນເຂົ້າຊົມ: 239842219 | ຄວາມນິຍົມ:



ກອງພັນ 409 ເປັນ​ກອງພັນ​ທະຫານ​ຮາບ​ຂຶ້ນ​ກັບ​ກອງ​ພົນ​ທີ 2, ມີ​ພາລະ​ບົດບາດ​ເປັນ​ກຳລັງ​ເຄື່ອນ​ທີ່​ໄວ​ຂອງ​ກອງ​ພົນ, ເຮັດ​ໜ້າທີ່​ກຽມພ້ອມ​ສູ້​ຮົບ​ຕອບ​ຕ້ານ​ທຸກ​ກົນອຸບາຍ​ຂອງ​ກຸ່ມ​ຄົນ​ບໍ່​ຫວັງ​ດີ ແລະ ກອບ​ກູ້​ໄພພິບັດ​ທີ່​ອາດ​ຈະ​ເກີດ​ຂຶ້ນ, ທັງ​ເຮັດ​ໜ້າທີ່​ກໍ່ສ້າງ​ຮາກ​ຖານ​ການເມືອງ ຕາມ​ການ​ມອບ​ໝາຍ​ຈາກ​ຂັ້ນ​ເທິງ​ເພື່ອ​ເຮັດ​ໃຫ້​ທ້ອງຖິ່ນ​ມີ​ຄວາມ​ສະຫງົບ​ປອດ​ໄພ, ກອງພັນ​ດັ່ງກ່າວ​ແມ່ນ​ກົມ​ກອງ​ໜຶ່ງ​ທີ່​ມີ​ບົດບາດ​ສຳຄັນ​ໃນ​ພາລະ​ກຳ​ປະຫວັດສາດ​ແຫ່ງ​ການ​ປະຕິວັດ​ຕໍ່ສູ້​ປົດ​ປ່ອຍ​ຊາດ ກໍ​ຄືໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະ​ນາ​ປະເທດ​ຊາດ​ໃນ​ປັດຈຸບັນ. ອີງ​ຕາມ​ຄວາມ​ຮຽກຮ້ອງ​ຕ້ອງ ການ​ເພື່ອ​ສ້າງ​ກຳລັງ​ປະກອບ​ອາວຸດ ລຸກ​ຮື​ຂຶ້ນ​ຕໍ່ສູ້​ຕ້ານ​ກັບ​ຈັກ ກະພັດ​ລ່າ​ເມືອງ​ຂຶ້ນ​ແບບ​ໃໝ່​ຜູ້​ຮຸກ​ຮານ, ກອງພັນ​ທະຫານ​ຮາບ 409 ໄດ້​ຮັບ​ການ​ສ້າງຕັ້ງ​ຂຶ້ນ​ໃນ​ວັນ​ທີ 15 ມິຖຸນາ 1961 ຢູ່​ເມືອງ​ລອງ ແຂວງ​ຫຼວງ​ນ້ຳ​ທາ, ເຊິ່ງ​ໄດ້​ທ້ອນໂຮມ​ເອົາ​ບັນດາ​ກອງຮ້ອຍ​ເອກະລາດ ຂອງ​ກຳລັງ​ທ້ອງຖິ່ນ​ເຂດ​ແຂວງ​ພາກ​ເໜືອ​ເຂົ້າ​ມາ​ເປັນ​ກຳລັງ​ຂອງ​ກົມ​ກອງ, ໂຄງ​ປະກອບ​ການຈັດຕັ້ງ​ໃນ​ເບື້ອງ​ຕົ້ນ​ປະກອບ​ມີ 2 ກອງຮ້ອຍ​ທະຫານ​ຮາບ, 1 ກອງຮ້ອຍ​ຕີ​ພິເສດ, 1 ກອງ​ກຳລັງ​ໄຟ​ແບກ​ຫາບ, 1 ໝວດ​ສື່ສານ, 1 ໝູ່​ສືບ​ຂ່າວ, 1 ໝູ່​ເຄ​ມີ, 1 ໝູ່​ຜ່າຕັດ, ມີ​ຈຳນວນ​ພົນ​ທັງ​ໝົດ 400 ສະຫາຍ, ນັບ​ແຕ່​ມື້​ໄດ້​ຮັບ​ການ​ສ້າງຕັ້ງ​ຂຶ້ນ ກົມ​ກອງ​ກໍ​ໄດ້​ຄຽງ​ບ່າ​ຄຽງ​ໄຫຼ່​ກັບ​ບັນດາ​ກົມ​ກອງ​ເພື່ອນ​ປະກອບສ່ວນ​ຢ່າງ​ຕັ້ງໜ້າ ເຂົ້າ​ໃນ​ພາລະກິດ​ປະຕິວັດ​ທີ່​ລະ​ອິດ​ລະ​ອ້ຽວ, ຂ້ຽວ ຂາດ ແລະ ເຕັມ​ໄປ​ດ້ວຍ​ຄວາມ​ເສຍສະຫຼະ​ເລືອດ​ເນື້ອ​ຂອງ​ພະ ນັກງານ-ນັກຮົບ ໃນ​ແຕ່​ລະໄລ ຍະ​ຂອງ​ການ​ປະຕິວັດ, ກົມ​ກອງ​ ໄດ້​ເຂົ້າ​ຮ່ວມ​ເຄື່ອນ​ໄຫວ​ສູ້​ຮົບ​ຢູ່​ບັນດາ​ແຂວງ​ພາກ​ເໜືອ ​ຂອງ​ລາວ​ເຊັ່ນ: ແຂວງ​ຫຼວງ​ພະ​ບາງ, ອຸດົມ​ໄຊ ແລະ ແຂວງ​ຫຼວງ​ນ້ຳ​ທາ ໄລຍະ​ນີ້ແມ່ນ​ໄລຍະຕໍ່ສູ້​ປົດ​ປ່ອຍປະ​ເທດຊາດອອກ​ຈາກ ການ​ປົກຄອງ​ຂອງ​ລັດຖະບານ​ຫຸ່ນ​ວຽງ​ຈັນ ເຊິ່ງ​ເປັນ​ລູກແຫຼ້ງ​ຕີນ​ມື​ຂອງ​ພວກ​ຈັກກະພັດ​ອາ ເມຣິກາ, ກອງພັນ​ໄດ້​ເຂົ້າ​ຮ່ວມ​ຫຼາຍ​ບັ້ນ​ຮົບ, ບັ້ນ​ຕີ​ທີ່​ສຳຄັນ, ມີ​ຄວາມ​ໝາຍ​ຕັດສິນ​ທາງດ້ານ​ ຍຸດທະວິທີ-ຍຸດ​ທະ​ບັ້ນ​ຮົບ ເປັນ ຕົ້ນ​ແມ່ນ​​ເຂົ້າຮ່ວມບັ້ນ​ຮົບ ​ຕໍ່ສູ້​ຈັ້ງ​ທ່າ​ຢູ່​ປ້ອມ​ກິ່ວຂວາງ ເມືອງ​ງອຍ ​ແຂວງ​ຫຼວງ​ພະ​ບາງ ຄັ້ງ​ວັນທີ 3-4 ຕຸລາ1966 ສາມາດ​ປັດ​ເຂ່ຍ​ສັດຕູ​ອອກ​ຈາກ​ວົງ​ສູ້ຮົບ​ໄດ້ 135 ຄົນ, ຂ້າ​ຕາຍ 37 ຄົນ, ບາດເຈັບ 67 ຄົນ, ຈັບ ​ໄດ້ 12 ຄົນ, ຢຶດ​ອາວຸດ​ປືນ​ຊະ ນິດ​ຕ່າງໆ​ໄດ້ 200 ກະບອກ, ໂທລະເລກ 1 ໜ່ວຍ, ໂຟ​ນີ 5 ໜ່ວຍ, ເຄື່ອງ​ສັນຍານ​ຍົນ 2 ຊຸດ, ງ້າວ 2 ດວງ ແລະ ເຄື່ອງ​ວັດຖຸ​ອຸປະກອນ​ຕ່າງໆ​ປະມານ 3 ໂຕນ ແລະ ເຂົ້າ​ຮ່ວມ​ອີກ​ຫຼາຍ​ບັ້ນ​ຮົບ-ບັ້ນ​ຕີ​ທີ່​ສຳຄັນ​ສາມາດ​ຍາດ​ໄດ້​ໄຊຊະນະ​ເປັນ​ກ້າວໆ​ມາ, ຈົນ​ກ້າວ​ໄປ​ສູ່​ການ​ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມບູນ​ໃນ​ປີ 1975. ພາຍຫຼັງ​ປະເທດ​ຊາດ​ໄດ້​ຮັບ​ການ​ປົດ​ປ່ອຍ​ຢ່າງ​ສົມບູນ, ຢູ່​ບາງ​ທ້ອງຖິ່ນ​ຍັງ​ມີ​ລູກແຫຼ້ງ​ຕີນ​ມື​ຂອງ​ພວກ​ເຂົາ​ທີ່​ຫຼົງ​ເຫຼືອ​ຢູ່​ເຄື່ອນ​ໄຫວ​ຕໍ່ຕ້ານ, ກໍ່​ຄວາມ​ບໍ່​ສະຫງົບ, ສະນັ້ນ, ກອງພັນ 409 ຈຶ່ງ​ໄດ້​ຮັບ​ມອບ​ໝາຍ ໃຫ້​ສືບຕໍ່​ເຮັດ​ໜ້າທີ່​ລົງ​ກໍ່ສ້າງ​ຮາກ​ຖານ ແລະ ເຄື່ອນ​ໄຫວ​ສູ້​ຮົບ​ກວາດ​ລ້າງ​ພວກ​ປະຕິ​ການ​ພັດ​ຖິ່ນ​ຢູ່​ຂອບ​ເຂດ​ສາລາ​ພູ​ຄູນ, ພູ​ກອງ​ເຂົ້າ, ນ້ຳ​ຈັດ, ພູ​ລາວ​ພໍ້ ເມືອງ​ຊຽງ​ເງິນ ແຂວງ​ຫຼວງ​ພະ​ບາງ ແລະ ຢູ່​ຜາ​ສິ່ງ​ແປນ, ປາກ​ຕຸງ, ປາກ​ຮາງ. ຕົ້ນ​ປີ 1979 ກົມ​ກອງ ໄດ້​ກັບ​ຄືນ​ມາ​ປັບປຸງ​ກຳລັງ​ຢູ່​ບ້ານ​ນາ​ພັນ​ຫຼວງ ເມືອງ ແລະ ແຂວງ ຫຼວງ​ພະ​ບາງ, ອີງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ສະ ພາບ​ການ ເພື່ອ​ປັບປຸງ​ກຳລັງ​ຫຼວງ​ໃຫ້​ມີ​ຄວາມ​ເຕີບ​ໃຫຍ່-ເຂັ້ມແຂງ, ກອງພັນ 409 ໄດ້​ຖືກ​ປະກາດ​ໃຫ້​ຂຶ້ນ​ກັບ​ກອງພັນ​ໃຫຍ່ 205 ປະກອບ​ມີ​ກອງພັນ​ນ້ອຍ​ຄື: ກອງພັນ 409, ກອງພັນ 406, ກອງພັນ 404, ຢູ່​ພາຍ​ໃຕ້​ການ​ຊີ້​ນຳ​ຂອງ​ສູນ​ກາງ​ກອງ​ບັນຊາ​ການ​ເຂດ​ເໜືອ, ຫຼັງ​ຈາກ​ນັ້ນ, ກອງພັນ 409 ໄດ້​ຍົກຍ້າຍ​ກຳລັງ​ຂ້າມ​ຂອງ​ໄປ​ແຂວງໄຊ​ຍະ​ບູ​ລີ, ກົມ​ກອງ​ໄດ້​ຕັ້ງ​ທັບ​ຢູ່​ປາກ​ນ້ຳ​ຕວນ ເມືອງ ແລະ ແຂວງ​ໄຊ​ຍະ​ບູ​ລີ. ປີ 1981 ໂດຍ​ຕອບ​ສະໜອງ​ຕາມ​ໜ້າທີ່​ການເມືອງຂອງພັກ, ເພື່ອ​ສ້າງ​ໃຫ້​ກອງທັບ​ມີ​ການ​ເຕີບ​ໃຫຍ່​ເຂັ້ມແຂງ ແລະ ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ, ກອງ​ພົນ​ທີ 2 ໄດ້​ປະກາດ​ສ້າງຕັ້ງ​ຂຶ້ນ ໃນ​ນັ້ນ, ກອງພັນ 409 ກໍ​ແມ່ນ​ກົມ​ກອງ​ໜຶ່ງ​ທີ່​ໃຫ້​ຂຶ້ນ​ກັບ​ກອງ​ພົນ, ໄລຍະ​ປີ 1982-1983 ໂດຍ​ໄດ້​ຮັບ​ການ​ມອບ​ໝາຍ​ຈາກຄະນະພັກ- ຄະນະ​ບັນຊາ​ກອງ​ພົນ​ທີ 2 ໃຫ້​ກອງພັນ 409 ອອກ​ເຄື່ອນໄຫວ ​ສູ້​ຮົບ, ໃນ​ນີ້ ໄດ້​ເຂົ້າ​ຮ່ວມ​ບັ້ນຮົບ​ ນ້ຳ​ລອບ ກວາດ​ລ້າງ​ພວກ​ປະຕິ​ການ​ພັດ​ຖິ່ນ, ຕີ​ສັດຕູ 1 ຄັ້ງ, ດັບສູນສັດຕູ​ 32 ຄົນ, ບາດເຈັບ 56 ຄົນ, ຍຶດ​ປືນ​ໄດ້ 38 ກະບອກ, ດາບ 30 ດວງ, ຈັກ​ຫຍິບ 10 ເຄື່ອງ, ພິມ​ດີດ 2 ໜ່ວຍ, ເທັບ ແລະ ວິທະຍຸ 32 ໜ່ວຍ, ກ້ອງ ຖ່າຍຮູບ 5 ໜ່ວຍ ແລະ ສັດລ້ຽງ​ຈຳນວນ​ໜຶ່ງ, ເຂົ້າ​ຮ່ວມ​ບັ້ນ​ຮົບ 3 ໝູ່​ບ້ານ (ເມືອງ​ທົ່ງ) ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ​ໃນ​ປີ 1984-1985, ຕີ​ສັດຕູ​ທັງ​ໝົດ 20 ຄັ້ງ, ດັບສູນ​ສັດຕູ​ 30 ຄົນ, ບາດເຈັບ 20 ຄົນ, ເຂົ້າ​ຮ່ວມ​ບັ້ນ​ຮົບ​ຕອບ​ຕ້ານ​ການ​ບຽດ​ຍຶດ​ດິນແດນ​ຂອງ​ພວກ​ປະຕິ​ການ ຢູ່​ຕາແສງ ນາ​ບໍ່​ນ້ອຍ ເມືອງ​ບໍ່​ແຕນ ແຂວງ​ໄຊ​ຍະ​ບູ​ລີ, ຕີ​ສັດຕູ 100 ຄັ້ງ, ດັບສູນ​ສັດຕູ​ປະມານ 400 ກວ່າ​ຄົນ, ບາດເຈັບ 1.000 ກວ່າ​ບັກ, ຍຶດ​ປືນ​ທຸກ​ຊະນິດຕ່າງໆ​ໄດ້ 98 ກະບອກ ແລະ ຍຶດ​ລູກປືນ​ໄດ້​ ຈຳນວນ​ຫຼາຍ. ໃນ​ໄລຍະ​ນີ້, ກອງ ພັນ​ໄດ້​ເຄື່ອນ​ຍ້າຍ​ມາ​ຕັ້ງ​ທັບ​ຢູ່​ບ້ານດອນ (ເມືອງ​ທົ່ງ) ເມືອງ​ປາກລາຍ. ຫຼັງ​ຈາກ​ນັ້ນ, ກໍ​ໄດ້​ຍົກຍ້າຍ​ມາ​ຕັ້ງ​ທັບ​ຢູ່ ບ້ານ​ບໍ່​ສານ ເມືອງ​ບໍ່​ແຕນ. ປີ 1989 ກອງພັນ​ໄດ້​ຍົກ ຍ້າຍ​ຈາກ​ບ້ານ​ບໍ່​ສ້ານ ເມືອງ​ບໍ່​ແຕນ ໄປ​ຕັ້ງ​ທັບ​ຢູ່​ບ້ານ​ສຸວັນນະ​ພູມ ເມືອງ​ປາກ​ລາຍ, ມາ​ຮອດ​ປີ 1995 ກອງພັນ​ໄດ້​ຍົກຍ້າຍ​ມາ​ຕັ້ງ​ຢູ່​ບ້ານ​ໂພນ​ໄຊ ເມືອງ​ໄຊ​ຍະ​ບູ​ລີ ຈົນ​ເຖິງ​ປັດຈຸບັນ, ໄລຍະ​ແຕ່​ປີ1991-2002 ກອງພັນ​ໄດ້​ຮັບ​ມອບ​ໝາຍ​ໜ້າທີ່​ໃຫ້​ເຄື່ອນ​ໄຫວ​ກວາດ​ລ້າງ​ພວກ​ປຸ້ນ ຢູ່​ຂອບ​ເຂດ​ເມືອງ​ກາສີ, ເມືອງ​ເຟືອງ, ເມືອງ​ຊະນະ​ຄາມ​ແຂວງ​ວຽງ​ຈັນ ໄດ້​ສູ້​ຮົບ​ກັບ​ສັດຕູ​ຫຼາຍ​ຄັ້ງ ແລະ ດັບ ສູນ​ສັດຕູ​ໄດ້ຫຼາຍ​ຄົນ. ໃນ​ປີ 2002 ກອງພັນ ໄດ້​ຮັບ​ຄຳ​ສັ່ງ​ໃຫ້​ຖອນ​ກຳລັງ​ອອກ​ຈາກ ບັ້ນ​ຮົບ​ກວາດ​ລ້າງ​ພວກ​ປຸ້ນ ຢູ່​ນາ​ມອນ ເມືອງ​ກາສີ, ກັບ​ຄືນ​ສູ່​ທີ່​ຕັ້ງ​ເດີມ ບ້ານ​ໂພນ​ໄຊ ເມືອງ​ໄຊ​ຍະ​ບູ​ລີ, ນັບ​ແຕ່​ນັ້ນ​ເປັນຕົ້ນ​ມາ, ຄະນະ​ພັກ-ຄະນະ​ບັນຊາ​ກໍ​ໄດ້​ເອົາໃຈໃສ່​ປັບປຸງ​ກໍ່ສ້າງ​ກຳລັງ, ສັບ​ຊ້ອນ​ການຈັດຕັ້ງ​ຂັ້ນ​ຕ່າງໆ ເພື່ອ​ໃຫ້​ແທດເໝາະ​ກັບ​ສະພາບ​ຄວາມ​ເປັນ​ຈິງ​ຂອງກົມ​ກອງໂດຍ​ ສະເພາະ​ແມ່ນ​ເອົາໃຈໃສ່​ປັບ ປຸງ​ພື້ນຖານ​ໂຄງ​ລ່າງ​ຄ້າຍ​ຄູ, ທີ່ ຢູ່​ອາໄສ, ບ່ອນ​ທຳ​ການ​ເພີ່ມ​ພູນ​ຜະລິດຜົນ​ຂອງ​ກົມ​ກອງ ເພື່ອ​ຮັບ ປະກັນ​ໃຫ້​ແກ່​ຊີວິດ​ການ​ເປັນຢູ່​ ຂອງ​ພະນັກງານ-ນັກຮົບ, ທັງ​ໄດ້​ເອົາໃຈໃສ່​ສຶກ​ສາ​ອົບຮົມ​ໃຫ້​ພະນັກງານ-ນັກຮົບ​ມີ​ຄວາມ​ໜັກ ​ແໜ້ນ​ທາງ​ດ້ານ​ການເມືອງ-ແນວ ​ຄິດ, ເຂັ້ມແຂງ​ທາງ​ດ້ານການ ຈັດຕັ້ງ, ສືບຕໍ່​ປະຕິບັດ​ຕາມ​ພາລະ ​ບົດບາດ​ໜ້າທີ່​ການເມືອງ​ຂອງ​ ກົມ​ກອງ​ທີ່​ພັກ-ລັດ ແລະ ການຈັດ ຕັ້ງ​ຂັ້ນ​ເທິງ​ມອບ​ໝາຍ​ໃຫ້ ໄດ້​ຮັບ​ຜົນສຳເລັດ​ຕະຫຼອດ​ມາ. ຜ່ານ​ການເຄື່ອນໄຫວ​ສູ້​ຮົບ​ໃນ​ໄລຍະ​ຕໍ່ສູ້​ປົດ​ປ່ອຍ​ຊາດ ກໍ​ຄືການ​ປະກອບສ່ວນ​ເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດ ທະນາ​ປະເທດ​ຊາດ​ຕະຫຼອດໄລ ຍະ 62 ປີຜ່ານມາ ຂອງ​ກອງພັນ 409, ສາມາດ​ສ້າງ​ໄດ້ຜົນ​ງານ​ຄື​ດັ່ງນີ້: ໄດ້​ເຄື່ອນ​ໄຫວ​ສູ້​ຮົບ​ທັງ​ນ້ອຍ ແລະ ໃຫຍ່​ຈຳ​ນວຍ 25.815 ຄັ້ງ, ດັບສູນສັດຕູ​ 47.861 ຄົນ, ປັດ​ເຂ່ຍ​ສັດຕູ​ອອກ​ຈາກ​ວົງ​ສູ້​ຮົບ 19.486 ຄົນ, ຈັບ​ສະ​ເລີຍ​ເສິກ​ໄດ້ 35 ຄົນ, ສັດຕູ​ໄດ້​ຮັບ​ບາດເຈັບ 9.486 ຄົນ, ຍຶດ​ອາວຸດ​ຊະນິດ​ຕ່າງໆ​ໄດ້ 12.865 ກະບອກ, ທຳລາຍ​ລົດ​ຊະນິດ​ຕ່າງໆ​ໄດ້ 48 ຄັນ, ຍິງ​ຍົນ​ຕົກ 3 ລຳ ແລະ ຍຶດ​ເຄື່ອງ​ສິນ​ເສິກ​ໄດ້​ຈຳນວນ​ໜຶ່ງ. ຕະຫຼອດ​ໄລຍະ​ເວລາ 62 ປີຜ່ານມາ ກົມ​ກອງ​ທັງ​ເຮັດ​ໜ້າທີ່​ສູ້​ຮົບ ທັງ​ປັບປຸງ​ກໍ່ສ້າງ​ກຳລັງ​ທາງ​ດ້ານ​ການຈັດຕັ້ງ​ໃຫ້​ມີ​ຄວາມ​ໜັກ​ແໜ້ນ​ເຂັ້ມແຂງ, ກົມ​ກອງ​ໄດ້​ຜ່ານ​ຜ່າ​ອຸປະສັກ, ຄວາມ​ຫຍຸ້ງ ຍາກ​ນາ ນາປະການ ທີ່​ເຕັມ​ໄປ​ດ້ວຍ​ຄວາມ​ເສຍສະຫຼະ​ອັນ​ສູງ​ສົ່ງ ຂອງ​ບັນດາ​ສະຫາຍ​ພະນັກງານ-ນັກຮົບ, ທີ່​ຕັ້ງ​ຂອງ​ກົມ​ກອງ​ບໍ່​ຄົງ​ທີ່​ມີ​ການ​ເຄື່ອນ​ຍ້າຍ​ໄປ​ມາ ເພື່ອ​ໃຫ້​ແທດເໝາະ​ກັບ​ສະພາບ​ການ​ໃນ​ແຕ່​ລະ​ໄລຍະ​ຂອງ​ການ​ປະຕິວັດ, ແຕ່​ຄະນະພັກ-ຄະນະ​ບັນຊາ​ແຕ່​ລະ​ຮຸ່ນ ກໍ​ໄດ້​ນຳພາ​ເຮັດ​ສຳເລັດ​ໜ້າທີ່​ການເມືອງ​ຂອງ​ຕົນ ແລະ ຍາດ​ໄດ້ຜົນ​ງານ, ໄຊຊະນະ​ອັນ​ໃຫຍ່​ຫຼວງ​ປະກອບສ່ວນ​ເຂົ້າ​ໃນ​ໄຊຊະນະ​ລວມ​ຂອງ​ຊາດ. ເພື່ອ​ຕອບ​ສະໜອງ​ຜົນງານ​ຄຸນງາມຄວາມດີ​ຂອງ​ກົມ​ກອງ ກໍ​ຄືພະນັກງານ-ນັກຮົບ​ກອງພັນ 409 ທີ່​ສ້າງ​ມາ​ໄດ້​ໃນ​ໄລຍະຜ່ານ ​ມາ, ປະເທດ​ຊາດ​ໄດ້​ມອບ​ນາມ ມະຍົດ​ຕ່າງໆ​ໃຫ້​ບຸກຄົນ ແລະ ລວມ​ໝູ່​ຄື: ກອງພັນ 409 ໄດ້​ຮັບ​ນາມມະຍົດ​ເປັນ​ກົມ​ກອງ​ວີລະ​ຊົນ 2 ຄັ້ງ​ຄື: ຄັ້ງ​ທີ I ໃນ​ປີ 1979 ໄລຍະ​ຕໍ່ສູ້​ປົດ​ປ່ອຍ​ຊາດ​ຕ້ານ​ຈັກ ກະພັດ​ຜູ້​ຮຸກ​ຮານ ແລະ ຄັ້ງ​ທີ II ໃນ​ປີ 1988 ໄລຍະ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ, ບັ້ນ​ຮົບ​ຕອບ​ຕ້ານ​ການ​ບຸກ​ຕີ​ບຽດ​ຍຶດ​ຂອງ​ພວກ​ປະຕິ​ການ​ຢູ່​ຕາແສງ​ນາ​ບໍ່​ນ້ອຍ​ ເມືອງ​ບໍ່​ແຕນ, ພະນັກງານ-ນັກຮົບ ໄດ້​ຮັບ​ຫຼຽນ​ໄຊ​ອິດສະຫຼະ​ ຊັ້ນ I, II, III ຈຳນວນ 17 ໜ່ວຍ, ຫຼຽນ​ໄຊ​ແຮງ​ງານ​ຊັ້ນ I, II, III ຈຳນວນ 27 ໜ່ວຍ, ຫຼຽນ​ໄຊ​ພິລະ​ອາດ​ຫານ​ ຊັ້ນ I, II, III ຈຳນວນ 46 ໜ່ວຍ, ຫຼຽນ​ກາ​ຕໍ່ຕ້ານ​ອາເມຣິກາ 10 ໜ່ວຍ, ຫຼຽນ​ກາ 46 ໜ່ວຍ ແລະ ຍັງ​ມີ​ ອີກ​ຫຼາຍ​ສະຫາຍ​ໄດ້​ຮັບ​ການ​ຍ້ອງ ຍໍ​ປະເພດ​ຕ່າງໆ​ຢ່າງ​ສົມ​ກຽດ. ຮຽບ​ຮຽງ​ໂດຍ: ນ. ຍ້ອມ​ເພັດ ວິໄລ​ພັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ