ວັນຈັນ, ວັນທີ 14 ຕຸລາ 2024
ຫົວໜ້າກົມຄຸ້ມຄອງລົມລົດ-ເຮືອ ມອບອຸປະກອນສ້ອມແປງເຕັກນິກລົດ ໃຫ້ກອງພັນໃຫຍ່ 497
ເວລາອອກຂ່າວ: 2023-09-28 11:36:37 | ຜູ້ຂຽນ : admin2 | ຈຳນວນຄົນເຂົ້າຊົມ: 620 | ຄວາມນິຍົມ: 
ໃນວັນທີ 26 ກັນຍາ 2023 ທີ່ຜ່ານມານີ້, ກອງພັນໃຫຍ່ 497 ໄດ້ຮັບເຄື່ອງມື ແລະ ອຸປະກອນສ້ອມແປງພາຫະນະເຕັກນິກ(ລົດ), ໂດຍການກ່າວມອບຂອງສະຫາຍ ພົນຈັດຕະວາ ຄໍາແປງ ບົວລະບັດ ກໍາມະການຄະນະພັກກົມໃຫຍ່ ຫົວໜ້າກົມຄຸ້ມຄອງລົດ-ເຮືອກົມໃຫຍ່ເຕັກນິກກອງທັບ ຄະນະກວດກາຕີລາຫຍຸບລົດຂັ້ນ 5 ຂອງກະຊວງປ້ອງກັນປະເທດ ແລະ ກ່າວຮັບໂດຍ ສະຫາຍ ພັນເອກ ຄໍາສຸກ ໄຊມວນສິນເລຂາຄະນະພັກຫົວໜ້າການທະຫານກອງພັນໃຫຍ່ 497, ມີສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານ ກຳມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເຕັກນິກກອງທັບ, ມີຄະນະພັກ - ຄະນະບັນຊາ ແລະ ພາກສ່ວນທີ່ກ່ຽວຂ້ອງທັງສອງຝາຍເຂົ້າຮ່ວມເປັນສັກຂີ່ພະຍານ.
ເຄື່ອງທີ່ນໍາມາມອບໃນຄັ້ງນີ້ປະກອບມີ: 38 ລາຍການ, ລວມມູນຄ່າທັງໝົດ 40.770. 000 ກີບ. ທັງນີ້ກໍ່ເພື່ອຮັບປະກັນທາງດ້ານອຸປະກອນເຄື່ອງມືສ້ອມແປງໃຫ້ກົມກອງ ມີສະດວກສະບາຍໃນການສ້ອມແປງ ມີປະສິດທິພາບສູງ ແລະ ທັນສະໄໝ ຮັບປະກັນໃຫ້ແກ່ການຝຶກແອບຮໍ່າຮຽນ, ກໍ່ຄືການກຽມພ້ອມສູ້ຮົບ ທ່ວງທັນຕາມກໍານົດເວລາ.
ໂດຍ: ເປີ້ນ ແສງຄໍາມີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
