ກອງທັບປະຊາຊົນລາວ
 
ວັນຈັນ, ວັນທີ 22 ກໍລະກົດ 2024

  

ຮອງປະທານກຳມາທິການປ້ອງກັນຊາດ ສະພາແຫ່ງຊາດ ເຮັດວຽກຢູ່ກອງບັນຊາການທະຫານແຂວງຫຼວງພະບາງ.
ເວລາອອກຂ່າວ: 2023-09-28 11:50:24 | ຜູ້ຂຽນ : admin2 | ຈຳນວນຄົນເຂົ້າຊົມ: 741 | ຄວາມນິຍົມ:



ໃນຕອນເຊົ້າວັນທີ 26 ກັນຍາ 2023 ທີ່ຜ່ານມານີ້, ທ່ານ ພົນຈັດຕະວາ ສົມວັນ ທໍາມາໄຊ ຮອງປະທານກໍາມາທິການ ປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ກອງບັນຊາການທະຫານແຂວງຫຼວງພະບາງ, ໂດຍມີ ສະຫາຍ ພັນເອກ ສີວິໄຊ ເພັງສັນຕິສຸກ ຫົວໜ້າການເມືອງກອງບັນຊາການທະຫານແຂວງຫຼວງພະບາງ, ມີຄະນະພັກ-ຄະນະບັນຊາ, ອົງການ 6 ຫ້ອງ, ຕະຫຼອດຮອດພະນັກງານຫຼັກແຫຼ່ງ ທົ່ວທະຫານແຂວງເຂົ້າຮ່ວມ. ໃນພິທີ ສະຫາຍ ພັນເອກ ສີວິໄຊ ເພັງສັນຕິສຸກ ຫົວໜ້າການເມືອງກອງບັນຊາການທະຫານແຂວງ ໄດ້ຂຶ້ນລາຍງານໂດຍຫຍໍ້ ກ່ຽວກັບສະພາບ ແລະ ການເຄື່ອນໄຫວປະຕິບັດໜ້າທີ່ວຽກງານ ທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ດ້ວຍຄວາມຮັບຜິດຊອບສູງ, ໂດຍລວມແລ້ວພະນັກງານ-ນັກຮົບ ພາຍໃນກົມກອງແມ່ນມີຄຸນທາດການເມືອງທີ່ໜັກແໜ້ນ, ມີເຂັ້ມແຂງທາງດ້ານການຈັດຕັ້ງ, ຊີວິດການເປັນຢູ່ຂອງພະນັກງານ - ນັກຮົບ ແລະ ພື້ນຖານໂຄງລ່າງ ໄດ້ຮັບການພັດທະນາດີຂື້ນຢ່າງຕໍ່ເນື່ອງ, ຕິດພັນກັບວຽກງານການພົວພັນຮ່ວມມືກັບຕ່າງປະເທດ ໂດຍໄດ້ປະຕິບັດຢ່າງສອດຄ່ອງຕາມແນວທາງຂອງພັກ, ນອກຈາກນີ້ ຄະນະພັກ-ຄະນະບັນຊາຍັງໄດ້ເອົາໃຈໃສ່ຕ້ານ ແລະ ສະກັດກັ້ນ ບັນດາປະກົດການຫຍໍ້ທໍ້ຕ່າງໆ ທີ່ຈະກໍ່ໃຫ້ເກີດຄວາມບໍ່ສະຫງົບຢ່າງຕັ້ງໜ້າ, ໂດຍລວມແລ້ວຂອບເຂດຮັບຜິດຊອບແມ່ນມີຄວາມເປັນລະບຽບຮຽບຮ້ອຍ ແລະ ສະຫງົບປອດໄພ. ຈາກນັ້ນ ສະຫາຍ ພົນຈັດຕະວາ ສົມວັນ ທໍາມາໄຊ ຮອງປະທານກຳມາທິການ ປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ໄດ້ກ່າວສະແດງຄວາມຍ້ອງຍໍຊົມເຊີຍຜົນງານ ແລະ ໄຊຊະນະທີ່ຄະນະພັກ - ຄະນະບັນຊາ ແລະ ພະນັກງານ - ນັກຮົບ ກອງບັນຊາການທະຫານແຂວງຫຼວງພະບາງ ຍາດມາໄດ້ໃນໄລຍະຜ່ານມາ, ພ້ອມທັງຊີ້ນຳໃຫ້ຄະນະພັກແຕ່ລະຂັ້ນເອົາໃຈໃສ່ ຍົກສູງບົດບາດຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ເອົາໃຈໃສ່ຈັດຕັ້ງຜັນຂະຫຍາຍ 4 ເນື້ອໃນ 4 ຄາດໝາຍຂອງພັກໃຫ້ເລິກເຊິ່ງ, ປະສານສົມທົບກັບອໍານາດການປົກຄອງທ້ອງຖິ່ນທີ່ກົມກອງຕັ້ງທັບ, ເກັບກໍາສະພາບເພື່ອຕ້ານ ແລະ ສະກັດກັ້ນບັນດາປະກົດການຫຍໍ້ທໍ້ທີ່ອາດຈະເກີດຂຶ້ນ, ພ້ອມກັນນີ້ຕ້ອງໄດ້ຊຸກຍູ້ວຽກງານຂະບວນການປູກຝັງລ້ຽງສັດ ຕາມທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ເພື່ອປັບປຸງກໍ່ສ້າງກົມກອງໃຫ້ມີລະບຽບແບບແຜນທັນສະໄໝ. ຂ່າວ: ບຸນເພັງ ວົງແກ້ວມະນີ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ