ວັນຈັນ, ວັນທີ 14 ຕຸລາ 2024
ມອບ-ຮັບໂຄງການກໍ່ສ້າງເຮືອນເກັບມ້ຽນເອກະສານ ແລະ ຫ້ອງສະໝຸດ ກອງບັນຊາການທະຫານແຂວງວຽງຈັນ
ເວລາອອກຂ່າວ: 2023-09-28 14:35:03 | ຜູ້ຂຽນ : admin1 | ຈຳນວນຄົນເຂົ້າຊົມ: 178 | ຄວາມນິຍົມ: 
ໂຄງການກໍ່ສ້າງເຮືອນເກັບມ້ຽນເອກະສານ, ຫໍສະໝຸດ ແລະ ເດີ່ນກິລາຮົ່ມເປຕັງ ໄດ້ເລີ່ມລົງມືກໍ່ສ້າງມາແຕ່ວັນທີ 1 ມິຖຸນາ 2020 ຮອດວັນທີ 22 ກັນຍາ
2023 ສຳເລັດຕາມແຜນການ 100% ແລະ ໄດ້ ມອບ-ຮັບນຳໃຊ້ຢ່າງເປັນທາງການ, ໂດຍການເປັນປະທານຂອງ ສະຫາຍ ພັນເອກ ບຸນຜອງ ບຸດທະວົງ ກໍາມະການຄະນະປະຈຳພັກແຂວງ, ຮອງເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງວຽງຈັນ, ມີສະຫາຍ ແກ້ວດວງສີ ວົງທອງຈິດ
ປະທານບໍລິສັດ ດາວຈະເລີນກໍ່ ສ້າງ ຄົບວົງຈອນ, ມີ ຄະນະພັກ-ຄະນະບັນຊາ ອົງການ 5 ຫ້ອງ, ບັນດາຄະນະອະນຸກຳມະການ ແລະ ພະແນກການທີ່ກ່ຽວຂ້ອງເຂົ້າຮ່ວມ.
ໂຄງການກໍ່ສ້າງເຮືອນເກັບມ້ຽນເອກະສານ ແລະ ຫໍສະໝຸດເປັນອາຄານຊັ້ນດຽວ ຝາກໍ່ດ້ວຍດິນຈີ່, ຫຼັງຄາເຮັດດ້ວຍເບຕົງເສີມຫຼັກ, ມຸງດ້ວຍກະເບື້ອງ, ພື້ນປູດ້ວຍກະໂລ, ມີລະບົບໄຟຟ້າ, ຕູ້ໃສ່ເອກະສານ ແລະ ຕູ້ສອງໜ້າໃສ່ວາລະສານ. ທຶນໃນການກໍ່ສ້າງໂດຍແມ່ນຂອງກົມກອງ ລວມມູນຄ່າການກໍ່ສ້າງທັງໝົດ 2.260.013.563 ກີບ, ໂດຍໄດ້ມອບໃຫ້ບໍລິສັດ ດາວຈະເລີນກໍ່ສ້າງ ຄົບວົງຈອນ ເປັນຜູ້ຮັບເໝົາກໍ່ສ້າງ ແລະ ໂຄງການກໍ່ສ້າງເດີ່ນກິລາຮົ່ມເປຕັງ ມູນຄ່າ 408.190.000 ກີບ.
ຈາກນັ້ນ, ໄດ້ເຊັນບົດບັນທຶກການມອບ-ຮັບ 2 ໂຄງການດັ່ງກ່າວ, ລະຫວ່າງກອງບັນຊາການທະຫານແຂວງວຽງຈັນ ກັບບໍລັດສັດ ດາວຈະເລີນ ກໍ່ສ້າງ
ຄົບວົງຈອນ ໂດຍແມ່ນສະ ຫາຍ ພັນເອກ ບຸນຜອງ ບຸດທະວົງ ແລະ ສະຫາຍ ແກ້ວດວງສີ ວົງທອງຈິດ.
ໂດຍ: ຈັນທະຈອນ ສີສະເກດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
