POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ການເຄື່ອນໄຫວຂອງກົມກອງຕ່າງໆ
ເວລາອອກຂ່າວ: 2023-09-28 14:39:33 | ຜູ້ຂຽນ : admin1 | ຈຳນວນຄົນເຂົ້າຊົມ: 166 | ຄວາມນິຍົມ:

ກອງພັນໃຫຍ່ 605: ໄດ້ຈັດຕັ້ງພິທີເຄົາລົບທຸງຊາດ ພ້ອມທັງສະຫຼຸບວຽກງານຮອບດ້ານປະຈຳໄຕມາດ III ແລະ ວາງທິດທາງແຜນການ ປະຈຳໄຕມາດ IV ປີ 2023, ບົດສະຫຼຸບຕີລາຄາວຽກງານຮອບດ້ານ ປະຈຳໄຕມາດ III ເຊິ່ງຄະນະພັກ-ຄະນະບັນຊາໄດ້ເອົາໃຈໃສ່ນຳພາ-ຊີ້ນຳໃນຂົງເຂດວຽກງານຕາມພາ ລະບົດບາດຂອງກົມກອງ, ເຮັດສຳເລັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ຫັນເອົາພະນັກງານລົງກໍ່ສ້າງຮາກຖານການເມືອງ ສົມທົບແໜ້ນກັບອຳນາດການປົກຄອງທ້ອງຖິ່ນທີ່ກົມກອງຮັບຜິດຊອບເຄື່ອນໄຫວເຮັດວຽກປ້ອງກັນຊາດ-ປ້ອງກັນຄວາມສະຫງົບໃນຂົງເຂດກົມກອງຮັບຜິດຊອບເຮັດໃຫ້ສະພາບມີຄວາມສະຫງົບໂດຍພື້ນຖານ. ພ້ອມນັ້ນ, ໄດ້ເອົາໃຈໃສ່ອົບຮົມຮ່ຳຮຽນການເມືອງ, ອົບຮົມ-ຫັດແອບການທະຫານ, ວິຊາສະເພາະຂອງຕົນ ໃຫ້ມີຄວາມຊຳນານຮັບ ປະກັນເຮັດສຳເລັດໜ້າທີ່ການເມືອງຂອງຕົນ. ກອງບັນຊາການທະຫານເມືອງແບງ ແຂວງອຸດົມໄຊ: ໄດ້ເປີດກອງປະຊຸມສະຫຼຸບຖອດຖອນບົດຮຽນວຽກງານປ້ອງກັນຊາດ-ປ້ອງກັນຄວາມສະຫງົບ ປະ ຈຳ 6 ເດືອນຕົ້ນປີ, ເຊິ່ງໃນບົດສະຫຼຸບໄດ້ຍົກໃຫ້ເຫັນດ້ານດີຜົນງານ ໃນນີ້, ວຽກງານເຮັດໃຫ້ສະພາບມີຄວາມສະຫງົບ ຕິດພັນກັບວຽກງານປັບປຸງກໍ່ສ້າງກຳລັງໄດ້ອົບຮົມວຽກງານສຶກສາປ້ອງກັນຊາດໃຫ້ນັກຮຽນ ມສ ຈຳນວນ 5 ແຫ່ງ, ເປີດອົບ ຮົມ-ຫັດແອບໃຫ້ກຳລັງກອງຮ້ອຍກອງຫຼອນຈຳນວນ 1 ກອງຮ້ອຍ, ອົບຮົມ-ຫັດແອບສ້າງບ້ານປ້ອມໝັ້ນສູ້ຮົບໄດ້ 1 ບ້ານ, ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 1 ບ້ານມີ 145 ຄອບຄົວ, ເຄື່ອນໄຫວປ້ອງກັນວັນບຸນສຳຄັນຕ່າງໆ ສາມາດເຮັດໃຫ້ສະພາບພາຍໃນເມືອງມີຄວາມສະຫງົບປອດໄພ 100%, ນອກຈາກນີ້, ຍັງສຸມໃສ່ວຽກງານ ແກ້ໄຂຊີວິດການເປັນຢູ່ໄດ້ຍົກສູງຕໍ່ວຽກງານປູກຝັງ-ລ້ຽງສັດ ເປັນຕົ້ນແມ່ນໄດ້ລ້ຽງງົວ, ເປັດ, ໄກ່ ແລະ ອື່ນໆ ສາມາດ ສ້າງລາຍຮັບໄດ້ 84.194.000 ກີບ. ກອງຮ້ອຍທະຫານຊາຍແດນ 255 ແຂວງບໍລິຄຳໄຊ: ໄດ້ຈັດຕັ້ງຫວນຄືນມູນເຊື້ອ ວັນສ້າງຕັ້ງເຫຼົ່າຮົບທະຫານຊາຍແດນ ຄົບຮອບ 10 ປີ ເຊິ່ງໄດ້ຍົກໃຫ້ເຫັນເຖິງການປັບປຸງກໍ່ສ້າງກຳລັງທະຫານຊາຍແດນ ໃຫ້ມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ, ມີລະບຽບວິໃນ ແລະ ທັນສະໄໝ, ໃນການປົກປັກຮັກສາຄຸ້ມຄອງປ້ອງກັນຊາຍແດນ ໃຫ້ມີຄວາມສະຫງົບປອດໄພ, ເປັນລະບຽບຮຽບຮ້ອຍດີ ແລະ ມີຄວາມໝັ້ນຄົງ. ພະແນກສະຫະພັນແມ່ຍິງ ກອງພົນທີ 3: ສ່ອງແສງວຽກງານຮອບດ້ານ ປະຈຳໄຕມາດ 3 ເຊິ່ງໄດ້ໃຫ້ຮູ້ວ່າ ໃນໄລຍະຜ່ານມາ ຄະນະສະຫະພັນແມ່ຍິງແຕ່ ລະສະຫາຍຍົກສູງນ້ຳໃຈຮັບຜິດຊອບຕໍ່ພາລະບົດບາດ-ສິດໜ້າທີ່ໃນການຊີ້ນຳ-ນຳພາບັນດາໜ່ວຍສະຫະພັນແມ່ຍິງຢູ່ບັນດາກົມກອງຂອງຕົນ, ຕັ້ງໜ້າສຶກສາອົບຮົມແນວຄິດ-ການເມືອງຂອງສະມາຊິກສະຫະພັນແມ່ຍິງໃຫ້ມີຄວາມໜັກແໜ້ນ, ຫ້າວຫັນຕໍ່ໜ້າທີ່ວຽກງານເປັນເຈົ້າການໃນການປະຕິບັດບັນດາຂໍ້ກຳນົດ, ກົດລະບຽບຂອງກອງທັບ, ຂອງກົມກອງ ກໍຄືຂອງສູນກາງສະຫະພັນແມ່ຍິງລາວວາງອອກຢ່າງເຂັ້ມງວດ, ຮັບປະກັນໃນການປະຕິບັດໜ້າທີ່ວິຊາສະເພາະຂອງຕົນທີ່ພັກ-ລັດຂັ້ນເທິງ ກໍຄືກົມກອງການຈັດຕັ້ງມອບໝາຍໃຫ້. ກອງຮ້ອຍປ້ອງກັນທີ່ຕັ້ງ ກອງບັນຊາການທະຫານແຂວງຫຼວງພະບາງ: ຈັັັັດຕັ້ງກອງປະຊຸມສະຫຼຸບປະເມີນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023, ອີງຕາມບົດສະຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນໃຫ້ ຮູ້ວ່າ: ໜ່ວຍພັກກອງຮ້ອຍປ້ອງກັນທີ່ຕັ້ງແມ່ນໜ່ວຍພັກເອກະລາດ, ມີສະມາຊິກພັກ ທັງໝົດ 28 ສະຫາຍ, ຍິງ 6 ສະຫາຍ ຜ່ານມາ ຄະນະໜ່ວຍພັກໄດ້ເອົາໃຈໃສ່ຈັດຕັ້ງຜັນຂະຫຍາຍ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ສອດຫ້ອຍເຂົ້າໃສ່ 5 ເນື້ອໃນການນຳພາຂອງພັກ, ຕິດ ພັນກັບການກໍ່ສ້າງພັກ-ກໍ່ສ້າງພະນັກງານ ຖືເອົາຄຸນນະພາບເປັນກົກ ໂດຍລວມສະມາຊິກພັກມີຄວາມສາມັກຄີພາຍໃນເປັນປຶກແຜ່ນ, ຫ້າວຫັນເຮັດສຳເລັດໜ້າທີ່ການເມືອງຕາມພາລະບົດບາດທີ່ໄດ້ຮັບມອບໝາຍ. ຜ່ານການຕີລາຄາປະເມີນສະມາຊິກພັກແຂງໄດ້ 28 ສະຫາຍ ແລະ ປະເມີນເປັນໜ່ວຍພັກແຂງ ເພື່ອນຳສະເໜີຂັ້ນເທີງຢັ້ງຢືນ. ກອງບັນຊາການທະຫານເມືອງເງິນ ແຂວງໄຊຍະບູລີ: ໄດ້ເປີດຂະບວນການແຂ່ງຂັນ ຮັກຊາດ ແລະ ພັດທະນາ ປະຈຳປີ 2023, ໃນບົດສະຫຼຸບ ແລະ ທິດທາງແຜນການແຂ່ງຂັນຮັກຊາດ ແລະ ພັດທະນາ ປີ 2023-2025 ແລະ ຜ່ານຂໍ້ຕົກລົງຂອງທ່ານເຈົ້າເມືອງ ເມືອງເງິນ ວ່າດ້ວຍການຮັບຮອງແຜນການແຂ່ງຂັນຮັກຊາດ ແລະ ພັດທະນາຂອງກົມກອງ, ອີງຕາມມະຕິຕົກລົງຂອງຄະນະປະຈຳພັກແຂວງ ແຂວງໄຊຍະບູລີ ວ່າດ້ວຍການ ສືບຕໍ່ສ້າງຂະບວນການແຂ່ງຂັນຮັກຊາດແລະ ພັດທະນາໃນໄລຍະໃໝ່ ໃຫ້ມີບັນຍາກາດຟົດຟື້ນ ແລະ ບັນລຸໄດ້ຕາມຈຸດປະສົງຄາດໝາຍທີ່ວາງໄວ້, ເພື່ອແນໃສ່ສ້າງຂະບວນການຮອບດ້ານໃນທົ່ວກອງທັບ ແລະ ຂ່ຳນັບຮັບຕ້ອນວັນປະຫວັດສາດສຳຄັນຕ່າງໆ ຂອງຊາດ, ຂອງພັກ ທັງເປັນການປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອພິລາດອາດຫານຂອງກອງທັບໃຫ້ໜັກແໜ້ນເຂັ້ມແຂງ ຖືເອົາບັ້ນແຂ່ງຂັນເປັນຂະບວນການປັບປຸງກໍ່ສ້າງກົມກອງໃຫ້ການເປັນກົມກອງຕົວແບບ ຕິດພັນກັບຂະບວນການ ສ້າງໜ່ວຍພັກໃຫ້ປອດໃສ ເຂັ້ມແຂງ ໜັກແໜ້ນ, ຂະບວນການກໍ່ສ້າງກອງປອດໃສ ປອດໄພ ປອດຄະດີ ການກໍ່ສ້າງນັກຮົບ-ກົມກອງວັດທະນະທຳ. ການເປີດຂະບວນການແຂ່ງຂັນຮັກຊາດ ແລະ ພັດທະນາໃນຄັ້ງນີ້, ເພື່ອເປັນການສ້າງຂະບວນການ, ສ້າງຜົນງານໃຫ້ມີບັນຍາກາດຟົດຟື້ນຢູ່ໃນກົມກອງ.

news to day and hot news