ກອງພັນໃຫຍ່ 645 ເປີດກອງປະຊຸມທາບທາມບຸຄະລາກອນຮອບທີ II
ເວລາອອກຂ່າວ: 2019-04-03 09:43:37 | ຜູ້ຂຽນ : admin3 | ຈຳນວນຄົນເຂົ້າຊົມ: 32 | ຄວາມນິຍົມ:
ໃນວັນທີ 28 ມີນາ 2019 ຜ່ານມານີ້ ກອງພັນໃຫຍ່ 645 ໄດ້ເປີດກອງປະຊຸມທາບທາມບຸຄະລາກອນ ເຂົ້າໃນອົງຄະນະພັກຊຸດໃໝ່ຮອບທີ II ພາຍໃຕ້ການເປັນປະທານຂອງ ສະຫາຍ ພັນໂທ ຄຳຜາຍ ເຄນນະຄອນ ຄະນະພັກ ຫົວໜ້າພະແນກການເມືອງ ກອງພັນໃຫຍ່ 645 ຜູ້ຊີ້ນຳອະນຸກຳມະການ ທາບທາມບຸຄະລາກອນ, ມີຄະນະພັກກອງພັນໃຫຍ່ 645, ຄະນະພັກຮາກຖານ ຄະນະໜ່ວຍພັກ ພ້ອມດ້ວຍຜູ້ແທນສົມບູນ ແລະ ສຳຮອງເຂົ້າຮ່ວມ.
ໃນກອງປະຊຸມໄດ້ຮັບຟັງການຜ່ານມາດຖານເງື່ອນໄຂຂອງຜູ້ ສະໝັກຮັບເລືອກຕັ້ງເຂົ້າໃນອົງ ຄະນະພັກກອງພັນໃຫຍ່ 645 ສະ
ໄໝທີ VI ຕາມ 5 ມາດຖານເງື່ອນໄຂ ຈາກ ສະຫາຍ ພັນຕີ
ບຸນສວ່ນ ອຸນທານົນ ຫົວໜ້າຂະ ແໜງຈັດຕັ້ງພັກກອງພັນໃຫຍ່ 645 ຈາກນັ້ນ ສະຫາຍ ພັນໂທ
ຄຳຜາຍ ເຄນນະຄອນ ກໍໄດ້ຊີ້
ນຳພ້ອມທັງມີຄຳເຫັນໃຫ້ຜູ້ແທນ
ສົມບູນ ແລະ ສຳຮອງ ເຂົ້າໃຈຢ່າງເລີກເຊິ່ງກ່ຽວກັບເປົ້າໝາຍ ຜູ້ທີ່ຈະສະໝັກຮັບເລືອກຕັ້ງເຂົ້າໃນອົງຄະນະພັກກອງພັນໃຫຍ່ 645 ສະໄໝທີ VI ເຊິ່ງໃນນັ້ນສິ່ງສຳຄັນຕ້ອງເປັນຜູ້ທີ່ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິບັດ, ມີຄວາມຈົ່ງຮັກພັກດີຕໍ່ພັກຕໍ່ປະ
ເທດຊາດ, ຕໍ່ປະຊາຊົນ, ມີຄວາມຮູ້ຄວາມສາມາດທີ່ແນ່ນອນ, ມີ
ແບບແຜນການດຳລົງຊີວິດທີ່
ປອດໃສ, ຂາວສະອາດ, ມີແບບ
ແຜນວິທີເຮັດວຽກທີ່ມີວິທະຍາ
ສາດ, ມີຫົວຄິດປະດິດສ້າງ, ກ້າເຮັດກ້າທຳ, ກ້າຮັບຜິດຊອບ ແລະ ມີສຸຂະພາບແຂງແຮງດີສາ
ມາດເຮັດສຳເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ.
ໂອກາດດັ່ງກ່າວບັນດາສະຫາຍຜູ້ແທນສົມບູນ ແລະ ສຳຮອງກໍ
ໄດ້ພ້ອມກັນໃຊ້ສິດຂອງຕົນປ່ອຍ
ບັດຄັດເລືອກເອົາຜູ້ທີ່ມີມາດຖານເງື່ອນໄຂຄົບຖ້ວນຕາມ 5 ມາດ
ຖານຂອງພັກ ເພື່ອສະໝັກເຂົ້າໃນຄະນະພັກຊຸດໃໝ່ດ້ວຍຄວາມຮັບຜິດຊອບສູງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ