POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ຕຸລາ 2024

ຫ້ອງພະລາທິການທະຫານແຂວງຄຳມ່ວນ ທາບທາມບຸກຄະລາກອນ ເຂົ້າໃນໂຄງປະກອບຄະນະພັກຮາກຖານ ຄັ້ງທີ່ II
ເວລາອອກຂ່າວ: 2023-10-12 13:14:04 | ຜູ້ຂຽນ : admin2 | ຈຳນວນຄົນເຂົ້າຊົມ: 1312 | ຄວາມນິຍົມ:

ກອງປະຊຸມ ທາບທາມບຸກຄະລາກອນເຂົ້າໃນໂຄງປະກອບຄະນະພັກຮາກຖານ ຄັ້ງທີ່ II ຂອງຫ້ອງພະລາທິການ ທະຫານແຂວງຄຳມ່ວນ ໄດ້ຈັດຂື້ນໃນວັນທີ່ 11 ຕຸລາ 2023 ທີ່ຜ່ານມາ ຢູ່ທີ່ສະໂມສອນກອງບັນຊາການທະຫານແຂວງ, ໂດຍການເປັນປະທານຂອງສະຫາຍ ພົນຈັດຕະວາ ສົມແຄນ ອັບປະສອນ ກຳມະການຄະນະປະຈຳພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງຄຳມ່ວນ, ມີຄະນະພັກ - ຄະນະບັນຊາ, ເລຂາ - ຮອງເລຂາຄະນະພັກຮາກຖານ ຕະຫຼອດຮອດຄະນະໜ່ວຍພັກ ແລະ ສະມາຊິກພັກພາຍໃນກົມກອງເຂົ້າຮ່ວມ. ໂອກາດທີ່ເປີດກອງປະຊຸມຄັ້ງນີ້ ສະຫາຍ ພັນເອກ ລຳມະນີ ທຳມະວົງ ຄະນະພັກກອງບັນຊາການເລຂາຄະນະພັກຮາກຖານ ຫົວໜ້າຫ້ອງພະລາທິການທະຫານແຂວງຄຳມ່ວນ ໄດ້ຂື້ນຜ່ານບົດລາຍງານການເມືອງທັງສອງພາກ ຈາກນັ້ນ ສະຫາຍ ພັນໂທ ວັນດີ ເຮືອງສີສຸກ ຮອງເລຂາຄະນະພັກຮາກຖານ ຮອງຫົວໜ້າຫ້ອງພະລາທິການທະການແຂວງ ກໍ່ໄດ້ຂື້ນຜ່ານບົດສຳຫຼວດການຈັດຕັ້ງນຳພາຂອງຄະນະພັກ ໃນໄລຍະ 5 ປີຜ່ານມາ, ເຊິ່ງຄະນະພັກຮາກຖານຫ້ອງພະລາທິການ ໄດ້ເປັນເຈົ້າການນຳພາ-ບັນຊາ ສະມາຊິກພັກພາຍໃນກົມກອງຂອງຕົນ ໂດຍຖືເອົາວຽກງານການສຶກສາອົບຮົມການເມືອງແນວຄິດ, ການດຳເນີນຊີວິດການເມືອງຕຳນິກໍ່ສ້າງເຊິ່ງກັນ ແລະ ກັນຢ່າງເປັນປົກກະຕິ ເຮັດໃຫ້ພະນັກງານສະມາຊິກພັກມີແນວຄິດໜັກແໜ້ນອຸ່ນອຽນທຸ່ນທ່ຽງຕໍ່ໜ້າທີວຽກງານ ກໍ່ສ້າງໜ່ວຍພັກ ແລະ ສະມາຊິກພັກ ຕາມ 5 ຫຼັກການ 3 ທິດນໍາໃນການກໍ່ສ້າງພັກ, ຖືເອົາຄຸນນະພາບເປັນບັນຫາຕົ້ນຕໍ, ປະລິມານເປັນບັນຫາສໍາຄັນ, ຄຽງຄູກັບການປະຕິບັດໜ້າທີວິຊາສະເພາະໄດ້ເປັນຢ່າງດີ, ກອງປະຊຸມຍັງໄດ້ຜ່ານມາດຖານເງື່ອນໄຂຜູ້ທີ່ສະໝັກເຂົ້າໃນໂຄງປະກອບຂອງຄະນະພັກຮາກຖານຊຸດໃໝ່ ທັງນີ້ກໍ່ເພື່ອແນໃສ່ເຮັດໃຫ້ການດຳເນີນກອງປະຊຸມໃຫຍ່ ຄັ້ງທີ່ X ຂອງຄະນະພັກຮາກຖານຫ້ອງພະລາທິການ ແລະ ອານຸກຳມະການກະກຽມບັນດາເນື້ອໃນແຕ່ລະຮອບ ແລະ ດຳເນີນຖືກຕ້ອງ ຄົບຖ້ວນ ພ້ອມທັງສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ດັ່ງກ່າວໃຫ້ມີບັນຍາກາດຟົດຟື້ນ ທັງເປັນການກຳນົດວັນ ເວລາ ໃນການດຳເນີນການທາບທາມແຕ່ລະຮອບ ແລະ ດຳເນີນກອງປະຊຸມໃຫຍ່ຢ່າງເປັນທາງການຕາມກຳນົດເວລາ, ໂອກາດນີ້ ສະຫາຍ ພົນຈັດຕະວາ ສົມແຄນ ອັບປະສອນ ກໍ່ໄດ້ມີຄຳເຫັນຊີ້ນຳ ແລະ ເນັ້ນໜັກໃຫ້ຄະນະພັກ - ຄະນະບັນຊາ ພະນັກງານສະມາຊິກພັກທີ່ເຂົ້າຮ່ວມ ຈົ່ງປະຕິບັດຕາມຫຼັກການຂອງພັກ ທາບທາມເອົາຄະນະພັກຮາກຖານຕາມ 5 ມາດຖານເງື່ອນໄຂຂອງພັກ ເພື່ອເປັນເອກະພາບພາຍໃນ ແລະ ຖືກຕ້ອງຕາມບາດກ້າວດຳເນີນກອງປະຊຸມໃຫຍ່.ຈາກນັ້ນ ບັນດາພະນັກງານ - ສະມາຊິກພັກແຕ່ລະສະຫາຍ ກໍ່ໄດ້ໃຊ້ສິດປະຊາທິປະໄຕຂອງຕົນ ລົງຄະແນນສຽງປ່ອນບັດທາບທາມເອົາບຸກຄະລາກອນເຂົ້າໃນໂຄງປະກອບຄະນະພັກຮາກຖານຊຸດໃໝ່ ຢ່າງຖືກຕ້ອງຕາມລະບຽບຫຼັກການຂອງພັກປະຊາຊົນ ປະຕິວັດລາວ. ໂດຍ : ຄູນມີ ພົມວິໄລ

news to day and hot news