ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ປີ​ທ່ອງ​ທ່ຽວ​ລາວ 2024 ຈະ​ເປີດ​ຂຶ້ນ​ຢ່າງ​ເປັນ​ທາງ​ການ ​ໃນ​ທ້າຍ​ເດືອນ​ພະຈິກ​ນີ້
ເວລາອອກຂ່າວ: 2023-11-15 09:11:39 | ຜູ້ຂຽນ : admin3 | ຈຳນວນຄົນເຂົ້າຊົມ: 409 | ຄວາມນິຍົມ:



ກະຊວງ​ຖະແຫຼງ​ຂ່າວ, ວັດ ທະນະທຳ ແລະ ທ່ອງ​ທ່ຽວ (ຖວ​​ທ) ໄດ້​ຈັດ​ພິທີ​ຖະແຫຼງ​ຂ່າວ​ ກ່ຽວ​ກັບ​ການ​ກະກຽມ​ຄວາມ​ພ້ອມ​ຈັດ​ປີ​ທ່ອງ​ທ່ຽວ​ລາວ 2024 ​ໃນ​ວັນ​ທີ 13 ພະຈິກ​ນີ້, ທີ່​ໂຮງ​​ແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ, ໂດຍ​ການ​ຖະແຫຼງ​ຂ່າວ​ຂອງ ທ່ານ ນາງ ສວນ​ສະຫວັນ ວິ​ຍະ​ເກດ ລັດຖະມົນຕີກະຊວງ ຖວ​​ທ, ມີ​ບັນດາ​ທ່ານຮອງ​ລັດຖະມົນຕີກະ ຊວງ ຖວ​​ທ, ມີຜູ້ຕາງໜ້າ​ສະ ຖານທູດ​ຕ່າງປະເທດ ​ປະຈຳ​ລາວ ແລະ ບັນດາ​ອົງ​ການຈັດຕັ້ງ​ສາ ກົນ​ປະຈຳ​ລາວ ພ້ອມ​ດ້ວຍ​ສື່​ມວນ​ ຊົນ​ຈາກ​ພາກສ່ວນ​ຕ່າງໆ ​ເຂົ້າ​ ຮ່ວມ. ທ່ານ ນາງ ສວນ​ສະຫວັນ ວິ​ຍະ​ເກດ ກ່າວ​ວ່າ: ​ສປປ ລາວ ເຄີຍ​ຈັດ​ປີ​ທ່ອງ​ທ່ຽວ​ລາວ ມາ​ແລ້ວ 3 ຄັ້ງ ຄື: ຄັ້ງ​ທີ 1 ປີ 1999-2000, ຄັ້ງ​ທີ 2 ປີ 2012, ຄັ້ງ​ທີ 3 ປີ 2018. ສຳລັບ​ປີ​ທ່ອງ​ທ່ຽວ​ລາວ 2024 ຈະ​ເປີດ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 23 ພະຈິກ​ນີ້ ໂດຍ​ໄດ້​ຮັບ​ການ​ອະນຸມັດ​ເຫັນ​ດີ ຈາກ​ລັດຖະບານ​ຈັດ​ປີ​ທ່ອງ​ທ່ຽວ​ລາວ​ເປັນ​ຄັ້ງ​ທີ 4 ຈັດ​ຂຶ້ນ​ພາຍ​ໃຕ້​ຄຳ​ຂວັນ​ທີ່​ວ່າ: “ທ່ອງ​ທ່ຽວ​ລາວ ປອດ​ໄພ, ຊື່ນ​ໃຈ​ໃນ​ວັດທະນະທຳ, ທຳ​ມະ​ຊາດ ແລະ ປະຫວັດສາດ” ແລະ ໄດ້​ກຳນົດ​ເອົາ​ຮູບ​ຊ້າງ​ຖື​ແຄນ ເປັນ​ສັນຍະ​ລັກ​ນຳ​ໂຊກ​ໃຫ້​ແກ່​ການທ່ອງທ່ຽວ​ລາວ 2024. ໃນ​ການ​ຈັດ​ປີ​ທ່ອງ​ທ່ຽວ​ລາວ 2024 ນີ້, ກະຊວງ ຖວ​​ທ ຮ່ວມ​ກັບ​ພະ​ແນກ ຖວ​​ທ ນະຄອນຫຼວງ​ວຽງ​ຈັນ ແລະ ບັນດາ​ແຂວງ​ໃນ​ທົ່ວ​ປະເທດ ໄດ້​ເປັນ​ເອກະ​ພາບ​ກັນ​ກຳນົດ​ບັນດາ​ກິດຈະກຳທີ່​ຈະ​ ຈັດ​ຕັ້ງ​ປະຕິບັດໃນ​ປີ​ທ່ອງ​ທ່ຽວ​ ລາວ 2024 ສະເໜີ​ໃຫ້​ລັດຖະ ບານ​ຮັບຮອງ ແລະ ໄດ້​ກຳນົດ​ເອົາ 79 ກິດຈະກຳ ໃນ​ນີ້, ມີ 14 ກິດ ຈະກຳ​ລະດັບ​ຊາດ ແລະ 65 ກິດ ຈະກຳ​ລະດັບ​ແຂວງ ເຊິ່ງ​ຈະ​ຈັດ​ ເຂົ້າ​ໃນ​ປະຕິທິນ​ການທ່ອງທ່ຽວ ເພື່ອ​ໃຫ້​ນັກ​ທ່ອງ​ທ່ຽວ​ ສາມາດ​ຄັດ​ເລືອກ​ທ່ອງ​ທ່ຽວ​ໄດ້​ຕະຫຼອດ​ປີຕາມ​ຄວາມ​ເໝາະ​ສົມ ແລະ ຕາມ​ຄວາມ​ສົນໃຈ. ພ້ອມ​ດຽວ​ກັນ​ນີ້, ຍັງ​ໄດ້​ຮ່ວມ​ມື​ກັບ​ບັນດາ​ຜູ້​ປະກອບ​ການ​ທຸລະ​ກິດ​ທ່ອງ​ທ່ຽວ, ໂຮງແຮມ, ແຫຼ່ງ​ທ່ອງ​ທ່ຽວ, ຮ້ານ​ອາຫານ, ສາຍ​ການບິນ​ລາວ ແລະ ຫົວໜ່ວຍ​ທຸລະ​ກິດ​ທີ່​ກ່ຽວຂ້ອງ ຈັດ​ເປັນ​ລາຍ​ການທ່ອງທ່ຽວ. ທັງ​ ນີ້​, ​ເພື່ອ​ເຮັດ​ໃຫ້​ບັນດາ​ກິດຈະ ກຳ​ການທ່ອງທ່ຽວ ແລະ ລາຍ​ການທ່ອງທ່ຽວ​ມີ​ຄວາມ​ກົມ ກຽວ, ເຊື່ອມ​ຈອດ​ລະຫວ່າງ​ສູນ​ກາງ ແລະ ທ້ອງຖິ່ນ, ແຂວງ​ຕໍ່​ແຂວງ, ແຂວງ​ຕໍ່​ເມືອງ​ໃນ​ຂອບ​ເຂດ​ທົ່ວ​ປະເທດ ແລະ ມີ​ຮູບ​ແບບ​ສົ່ງເສີມ​ການ​ຂາຍ​ຕາມ​ລະດູ​ການ​ໃນ​ລາຄາ​ທີ່​ເໝາະ​ສົມ. ທ່ານ ນາງ ສວນ​ສະຫວັນ ວິ​ຍະ​ເກດ ກ່າວ​ຕື່ມ​ວ່າ: ໃນ​ປີ 2024 ຄາດ​ຄະເນ​ວ່າ​ຈະ​ມີນັກ​ທ່ອງ​ທ່ຽວ​ ສາກົນ​ຈະ​ເດີນທາງ​ເຂົ້າ​ມາ​ທ່ຽວ ​ສປປ ລາວ ປະມານ 2,7 ລ້ານ​ເທື່ອ​ຄົນ ແລະ ໃນ​ປີ 2025 ນັກ​ທ່ອງ​ທ່ຽວ​ສາກົນ​ຈະ​ບັນລຸ​ເຖິງ 2,9 ລ້ານ​ເທື່ອ​ຄົນ. ເພື່ອ​ເຮັດ​ໃຫ້ ການ​ປະຕິບັດ​ແຜນ​ກິດຈະກຳ​ປີ​ທ່ອງ​ທ່ຽວ​ລາວ 2024 ບັນລຸ​ຕາມ​ລະດັບ​ຄາດໝາຍທີ່​ກ່າວ​ມາ​ ນັ້ນ ກະຊວງ ຖວ​​ທ ຈະ​ສຸມ​ປະ​ຕິ​ ບັດ​ໃສ່​ບັນດາ​ໜ້າ​ວຽກ​ຕົ້ນຕໍ​ຄື: ວຽກ​ທີ 1: ສືບຕໍ່​ປະສານ​ສົມທົບ​ຢ່າງ​ແໜ້ນ​ແຟ້ນ​ກັບ​ບັນດາ​ຂະ ແໜງການ​ທີ່​ກ່ຽວຂ້ອງ​ຢູ່​ສູນ​ກາງ ແລະ ທ້ອງຖິ່ນ ເພື່ອ​ຈັດ​ຕັ້ງ​ຜັນ​ຂະຫຍາຍ​ກິດຈະກຳ​ລະດັບ​ຊາດ, ລະດັບ​ທ້ອງຖິ່ນ​ເຂົ້າ​ສູ່​ຊີວິດ​ຕົວ​ຈິງ​ ໃຫ້​ທັນ​ເວລາ, ວຽກ​ທີ 2: ສຸມ​ໃສ່​ ປັບປຸງ​ສິ່ງ​ອຳນວຍ​ຄວາມ​ສະ ດວກ​ດ້ານ​ການທ່ອງທ່ຽວ, ສ້າງ​ລາຍ​ການທ່ອງທ່ຽວ​ໃຫ້​ມີ​ຄວາມ​ຫຼາກ​ຫຼາຍ​ຕອບ​ສະໜອງ​ຄວາມ​ຕ້ອງການ​ກັບ​ທ່າ​ອ່ຽງ​ການ​ຕະ ຫຼາດ​ທ່ອງ​ທ່ຽວ ພາກ​ພື້ນ ແລະ ສາກົນ; ວຽກ​ທີ 3: ປັບປຸງ​ຄຸນ​ນະ​ພາບ​ການ​ບໍລິການ​ໃນ​ຂະແໜງ​ການທ່ອງທ່ຽວ, ການ​ຕ້ອນຮັບ​ທີ່​ອົບ​ອຸ່ນ, ຍິ້ມແຍ້ມ​ແຈ່ມ​ໃສ, ປະ​ທັບ​ໃຈ ແລະ ຮັບປະກັນ​ຄວາມ​ປອດ​ໄພ; ວຽກ​ທີ 4: ເພີ່ມ​ທະວີ​ການ​ໂຄສະນາ​ປີ​ທ່ອງ​ທ່ຽວ​ລາວ​ ຢ່າງ​ແຂງແຮງ ໂດຍ​ນຳ​ໃຊ້​ພາຫະ ນະ​ສື່​ມວນ​ຊົນ​ພາຍ​ໃນ, ສື່​ຕ່າງປະ ເທດ ແລະ ການ​ເຂົ້າ​ຮ່ວມ​ງານ​ວາງ​ສະ​​ແດງ​ການ​ຕະຫຼາດ​ທ່ອງ​ທ່ຽວ​ສາກົນ. ພ້ອມ​ນັ້ນ, ທ່ານ​ລັດຖະມົນຕີ​ກະຊວງ ຖວ​​ທ ຍັງ​ ຮຽກຮ້ອງ​ມາ​ຍັງ​ທຸກ​ພາກສ່ວນ ທັງ​ພາກ​ລັດ-ເອກະ​ຊົນ, ບັນດາ​ອົງ​ການຈັດຕັ້ງ​ສາກົນ ລວມ​ທັງ​ ປະຊາຊົນ​ລາວ​ບັນດາເຜົ່າ ຈົ່ງ​ ພ້ອມ​ກັນ​ໃຫ້ການ​ຮ່ວມ​ມື​ສະໜັບ ສະໜູນ ແລະ ເປັນ​ເຈົ້າພາບ​ທີ່​ດີ ໃນ​ການ​ຕ້ອນຮັບ​ແຂກ​ບ້ານ-ແຂກເມືອງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ