ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ບໍລິສັດ ລາວ​ໂທລະ​ຄົມມະນາຄົມ ມະຫາຊົນ ສະເຫຼີມສະຫຼອງ​ ວັນ​ສ້າງຕັ້ງ ຄົບຮອບ 27 ປີ
ເວລາອອກຂ່າວ: 2023-11-16 09:06:42 | ຜູ້ຂຽນ : admin1 | ຈຳນວນຄົນເຂົ້າຊົມ: 659 | ຄວາມນິຍົມ:



ບໍລິສັດລາວ ​ໂທລະ​ຄົມມະນາຄົມ ມະຫາຊົນ ໄດ້​ຈັດພິທີ​ສະເຫຼີມສະຫຼອງ​ວັນ​ສ້າງຕັ້ງຄົບຮອບ 27 ປີ (11 ພະຈິກ1996-11 ພະ ຈິກ 2023) ໃນມື້​ວັນ​ທີ 15 ພະຈິກ 2023 ນີ້, ທີ່ສຳນັກງານ ໃຫຍ່ບໍລິສັດລາວ​ໂທລະ​ຄົມ ມະນາຄົມ ມະຫາ ຊົນ, ໂດຍ​ມີ ທ່ານ ບໍວຽງ​ຄຳ ວົງ​ດາລາ ກຳມະການ​ສູນ​ກາງ​ພັກ, ເລຂາ​ຄະນະ​ພັກ​ກະຊວງ, ລັດຖະມົນຕີ ກະຊວງ​ເຕັກ​ໂນ​ໂລຊີ ແລະ ການ​ສື່ສານ (ຕສ) ພ້ອມ​ດ້ວຍ​ບັນດາ​ທ່ານຮອງລັດຖະມົນຕີ, ບັນດາ​ຫົວໜ້າ​ກົມ ຈາກກະຊວງ ຕສ, ຕາງໜ້າ​ຜູ້​ຖື​ຮຸ້ນ​ຝ່າຍ​ຕ່າງປະເທດ, ບັນດາ​ຄະນະພັກ ຄະນະ​ອຳນວຍ​ການ, ພະນັກງານ ພ້ອມ​ດ້ວຍ​ແຂກ​ທີ່​ຖືກ​ເຊີນເຂົ້າ​ຮ່ວມ. ທ່ານ ສຸ​ພົນ ຈັນທະ​ວີ​ໄຊ ຄະນະ​ບໍລິຫານ​ງານ​ພັກ​ກະຊວງ ​ຕສ, ເລຂາ​ຄະນະ​ພັກ​ຮາກ​ຖານ, ຜູ້ອຳນວຍການ​ໃຫຍ່ ບໍລິສັດ ລາວ​ໂທລະ​ຄົມມະນາຄົມ ມະຫາຊົນ ໄດ້​ກ່າວ​ຈຸດປະສົງ​ໃນ​ການ​ຈັດ​ພິທີ​ໃນ​ມື້ນີ້ ເພື່ອ​ເປັນ​ການ​ຕີ​ລາ ຄາ​ສະຫຼຸບ​ສັງ​ລວມ​ຄືນ​ບັນດາ​ຜົນງານ​ການເຄື່ອນໄຫວ ດຳເນີນ​ທຸລະ​ກິດ​ຂອງລາວ ໂທລະ​ຄົມ ໃນ 27 ປີ​ທີ່​ຜ່ານ​ມາ, ຄະນະ​ພັກ-ຄະນະ​ນຳ​ບໍລິສັດໄດ້​ນຳພາ ລາວໂທລະ​ຄົມ ຜ່ານຜ່າ​ທຸກ​ຂໍ້​ຫຍຸ້ງຍາກ ແລະ ສິ່ງ​ທ້າທາຍ​ຫຼາຍ​ດ້ານ, ຕັ້ງໜ້າ​ນຳພາ-ຊີ້ນໍາ ບໍລິສັດໃຫ້​ເຕີບ​ໃຫຍ່ຂະ ຫຍາຍຕົວ​ເປັນ​ກ້າວໆ​ມາ ນັບ​ທັງ​ດ້ານ​ປະລິ ມານ ແລະ ຄຸນ​ນະ​ພາບ ເຮັດ​ໃຫ້​ໂຄງ​ລ່າງ​ພື້ນຖານ​ທາງ​ດ້ານ​ໂທລະ​ຄົມ​ມີ​ການ​ພັດທະນາ​ໃຫ້​ທັນ​ສະໄໝ​ຢູ່​ສະເໝີ. ໃນ​ໄລຍະ 27 ປີຜ່ານມາ ​ກຸ່ມ​ບໍລິສັດ ລາວ​ໂທ ລະ​ຄົມມະນາຄົມ ມະຫາຊົນ ສາມາດ​ຮັກສາ​ຖານ​ລູກ​ຄ້າ​ເກົ່າ ແລະ ຂະຫຍາຍ​ລູກ​ຄ້າ​ໃໝ່. ມາ​ເຖິງ​ປັດຈຸບັນ​ນີ້​ມີ​ຖານ​ລູກ​ຄ້າ MBB (Mobile broadband) ຫຼາຍ​ກວ່າ 3,6 ລ້ານ​ລູກ​ຄ້າ ແລະ FBB (Fixed Broadband) ຫຼາຍ​ກວ່າ 137 ພັນ​ລູກ​ຄ້າ, ສະ ຖານີ​ໂທລະສັບ​ມື​ຖື (BTS) ທັງ​ໝົດ 11.514 ສະຖານີ ໃນ​ນີ້: GSM 2G ຈຳນວນ​ຫຼາຍ​ກວ່າ 1.983 ສະຖານີ, 3G ຈຳນວນ​ຫຼາຍ​ກວ່າ 3.461 ສະຖານີ, 4G ຈຳນວນ​ຫຼາຍ​ກວ່າ 5.236 ສະ ຖານີ, 4,5G ຈຳນວນ​ຫຼາຍ​ກວ່າ 801 ສະຖານີ, 5G ຈຳນວນ​ຫຼາຍ​ກວ່າ 33 ສະຖານີ ແລະ FTTH PORT ຫຼາຍ​ກວ່າ 149.000 Ports, ມີ​ລະບົບ​ສາຍ​ສົ່ງ​ສາຍ​ໃຍ​ແກ້ວ​ນຳ​ແສງ​ຍາວ​ຫຼາຍ​ກວ່າ 33.340 ກິໂລແມັດ. ການເຄື່ອນໄຫວ​ດຳເນີນ​ທຸລະ​ກິດ​ຂອງ ລາວໂທລະ​ຄົມ ສາມາດ​ສ້າງ​ລາຍ​ຮັບ​ໄດ້​ຫຼາຍ​ກວ່າ 23 ພັນຕື້​ກີບ (ບໍ່​ລວມ​ອາກອນ), ມີ​ກຳໄລ​ສະ​ສົມ​ຫຼາຍ​ກວ່າ 4,7 ພັນ​ຕື້​ກີບ, ດ້ວຍ​ຈັງຫວະ​ການ​ເຕີບ​ໂຕ​ຢ່າງ​ຕໍ່​ເນື່ອງ ສະເລ່ຍ​ຫຼາຍ​ກວ່າ 20,6% ຕໍ່​ປີ ສາມາດ​ປະຕິບັດ​ພັນທະ​ໃຫ້​ລັດຖະບານ​ ​ມີ​ມູນ​ຄ່າ​ຫຼາຍ​ກວ່າ 5,14 ພັນຕື້​ກີບ, ມອບ​ເງິນ​ປັນ​ຜົນ​ໃຫ້​ລັດຖະບານ ແລະ ຝ່າຍ​ຂາ​ຮຸ້ນ​ໄດ້ 371 ລ້ານ​ໂດ​ລາ ​ສະ​ຫາ​ລັດ. ພ້ອມ​ດຽວກັນ​ ນັ້ນ, ລາວໂທລະ​ຄົມ ຍັງ​ໄດ້ເອົາ ໃຈໃສ່​ປະກອບສ່ວນ​ດ້ານ​ພັນທະ​ ຂອງ​ຕົນ​ຕໍ່​ສັງຄົມ, ອົງ​ການຈັດ ຕັ້ງ​ພັກ-ລັດ​ຢ່າງ​ຕັ້ງໜ້າ ເຊິ່ງ​​ສະແດງ​ອອກ​ໃຫ້​ເຫັນ​ມູນ​ຄ່າ​ການ​ຊ່ວຍເຫຼືອ​ສັງຄົມຕະຫຼອດ​ໄລຍະ 27 ປີ ທີ່​ຜ່ານ​ມາ ​ມີ​ມູນ​ຄ່າ​ຫຼາຍ​ກວ່າ 130 ຕື້​ກີບ, ເປັນ​ເງິນສົດ​ຈຳນວນ​ຫຼາຍ​ກວ່າ 58 ຕື້​ກີບ ໃນ​ນີ້, ​ປະກອບ​ມີ: ດ້ານ​ການ​ສຶກ​ສາ​ຫຼາຍ​ກວ່າ 3 ຕື້​ກີບ, ດ້ານ​ສາທາລະນະ​ຫຼາຍ​ກວ່າ 30 ຕື້​ກີບ, ກອງ​ປະຊຸມ ASEAN SUMMIT, ກອງ​ປະຊຸມ ASEM SUMMIT, ກອງ​ປະຊຸມ​ໃຫຍ່​ຂອງ​ພັກ​ແຕ່​ລະສະ​ໄໝ ແລະ ກອງປະຊຸມ​ອື່ນໆ​ ທີ່​ສຳຄັນ​ຂອງ​ ຊາດ​ຫຼາຍ​ກວ່າ 2 ຕື້​ກີບ ອັນ​ພົ້ນ​ເດັ່ນ​ແມ່ນ​ໄດ້​ປະກອບສ່ວນ​ຊ່ວຍ ເຫຼືອ​ລັດຖະບານ ແລະ ສັງຄົມເພື່ອ​ປ້ອງ​ກັນ​ຄວບ​ຄຸມ ແລະ ຕ້ານ​ການ​ແຜ່​ລະບາດ​ຂອງ​ເຊື້ອ​ພະຍາດ​ໄວ​ຣັດ ໂຄວິດ-19 ເປັນ​ເງິນສົດ​ຈຳນວນ​ຫຼາຍ​ກວ່າ 4,5ຕື້​ ກີບ, ເປັນ​ວັດຖຸ ແລະ ຄ່າ​ບໍລິການ​ດ້ານ​ໂທລະ​ຄົມ ຈຳນວນ​ຫຼາຍ​ກວ່າ 72 ຕື້​ກີບ, ສົມທົບ​ກະຊວງ ​ຕສ ຊ່ວຍ​ລັດຖະບານ ​ສສ ຫວຽດນາມ ຈຳນວນ 10.000 ໂດ​ລາ​ສະຫະລັດ. ໂອກາດ​ດັ່ງກ່າວ, ທ່ານ ບໍ​ວຽງ​ຄຳ ວົງ​ດາລາ ໄດ້ສະແດງຄວາມ​ຍ້ອງຍໍ​ຊົມເຊີຍ​ຜົນງານໃນ​ໄລຍະ​ຜ່ານ​ມາ ທີ່ລາວໂທລະ​ຄົມ ສ້າງ​ໄດ້ ແລະ ສາມາດ​ຕອບ​ສະໜອງ​ຄວາມ​ຮຽກ​ຕ້ອງການ​ຂອງ​ສັງຄົມ, ການ​ພັດທະນາ​ພື້ນຖານ​ໂຄງ​ລ່າງ​ດ້ານ​ໂທລະ​ຄົມແລະ ຕອບ​ສະໜອງ​ນະໂຍບາຍ​ການ​ຫັນ​ເປັນ​ດິ​ຈິ​ຕອນ ໄດ້​ຮັບ​ການ​ພັດທະນາ​ຢ່າງ​ຕໍ່​ເນື່ອງໃນແຕ່​ລະ​ປີໃນ​ຂອບ​ເຂດ​ທົ່ວ​ປະເທດ. ສິ່ງ​ທີ່​ຄວນ​ເອົາໃຈໃສ່ ໃນຊຸມ​ປີ​ຕໍ່ໜ້າ ຕ້ອງ​ໄດ້​ກຽມພ້ອມ​ຮອບດ້ານ ແລະ ຈຳ ເປັນ​ຕ້ອງ​ໄດ້​ພັດທະນາ​ຕົນ​ເອງ​ຢ່າງ​ບໍ່​ຢຸດ​ຢັ້ງເພື່ອ​ໃຫ້​ກາຍເປັນ​ເບີ​ໜຶ່ງ​ໃນ​ຜູ້​ໃຫ້​ບໍລິການ​ດ້ານ​ໂທ ລະ​ຄົມມະ ນາຄົມ ແລະ ການສື່ ສານຄົບ​ວົງ​ຈອນ​ໃນ ​ສປປ ລາວ. ໂດຍ: ສຸ​ເວດ ສີດາ​ຄຳ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ