ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ຫ້ອງເຕັກນິກ ໂຮງຮຽນກໍ່ສ້າງນາຍສິບເລກ 2 ວຽງໄຊ ສະຫຼຸບວຽກງານຮອບດ້ານປະຈໍາປີ 2023
ເວລາອອກຂ່າວ: 2023-11-16 15:49:12 | ຜູ້ຂຽນ : admin2 | ຈຳນວນຄົນເຂົ້າຊົມ: 5218 | ຄວາມນິຍົມ:



ວັນທີ 14 ພະຈິກ 2023 ນີ້ ຫ້ອງເຕັກນິກໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ຈັດຕັ້ງກອງປະຊຸມສະຫຼຸບວຽກງານຮອບດ້ານປະຈຳປີ 2023 ແລະ ວາງທິດທາງແຜນການປະຈຳປີ 2024 ໂດຍການເຂົ້າຮ່ວມເປັນປະທານຂອງສະຫາຍ ພົນຈັດຕະວາ ວົງມະນີຈັນ ສາມາວົງ ຫົວໜ້າການທະຫານໂຮງຮຽນ, ມີສະຫາຍ ພັນໂທ ຄຳສອນ ວິລະກຳ ຫົວໜ້າຫ້ອງເຕັກນິກ ພ້ອມຄະນະ, ມີຄະນະພັກ-ຄະນະບັນຊາຫ້ອງການ, ກອງພັນ ຕະຫຼອດຮອດພະນັກງານ-ນັກຮົບ ທົ່ວຫ້ອງເຕັກນິກ ເຂົ້າຮ່ວມ. ສະຫາຍ ພັນໂທ ຄູນເພັງ ອຸ່ນທະສິນ ຮອງຫ້ອງເຕັກນິກ ໄດ້ຂື້ນສະຫຼຸບຕີລາຄາຄືນຕະຫຼອດໄລຍະ 1 ປີຜ່ານມາ ,ໂດຍຈັດຕັ້ງປະຕິບັດວຽກງານປີ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກໃນນີ້ໄດ້ຫັນລົງກໍ່ສ້າງຮາກຖານຕາມຂອບເຂດຄວາມຮັບຜິດຊອບ ເຫັນວ່າມີຄວາມສະຫງົບໂດຍພື້ນຖານ ໃນນີ້ໄດ້ຊ່ວຍ ເຫຼືອຄອບຄົວປະຊາຊົນທີ່ຖືກອັກຄີໄພ (ໄຟໄໝ້ເຮືອນ) 3 ຄັ້ງເປັນເງິນ 1.390.000 ກີບ, ຈັດຕັ້ງປະຈຳການ 3 ຂັ້ນ ຕະຫຼອດ 24 ຊົ່ວໂມງ ແລະ ໄດ້ເອົາໃຈໃສ່ ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ຈັດຕັ້ງເຊື່ອມຊຶມ ບັນດາເອກະສານມູນເຊື້ອຕ່າງໆຂອງພັກ, ຂອງກອງທັບ ແລະ ມະຕິຕ່າງໆຂອງຂັ້ນເທິງ ໃຫ້ເຂົ້າໃຈແຈ້ງຕໍ່ແນວທາງນະໂຍບາຍຂອງພັກໃນໄລຍະໃໝ່ ແລະ ຖືສຳຄັນໃນການຕຳນິກໍ່ສ້າງຊ່ວຍເຫຼືອເຊີ່ງກັນ ແລະ ກັນ, ໃນນີ້ ໄດ້ປະຕິບັດນະໂຍບາຍຕໍ່ພະນັກງານ-ນັກຮົບ ຜູ້ທີ່ເຈັບເປັນ, ນອນໂຮງໝໍ, ເກີດລູກໃໝ່ ແລະ ອື່ນໆ ເປັນເງິນ 2.600.000 ກີບ,ພະນັກງານໄດ້ຮັບການເລື່ອນຊັ້ນ, ທຽບຊັ້ນ ແລະ ຍົກຂັ້ນເງິນເດືອນ ຈຳນວນ 12 ສະຫາຍ, ສ້າງໜ່ວຍຊາວໜຸ່ມເປັນໜ່ວຍນຳໜ້າ 4 ບຸກ, ສ້າງໜ່ວຍແມ່ຍິງ 3 ດີໄດ້ 100% ຂະຫຍາຍມະຫາຊົນເຂົ້າພັກຮຽນທາງກ້ວາງໄດ້ 3 ສະຫາຍ,ຄະນະໜ່ວຍພັກຮາກຖານໄດ້ຮັບນາມມະຍົດ ຄະນະໜ່ວຍພັກຮາກຖານ ປອດໃສ ເຂັ້ມແຂງ ໜັກແໜ້ນ. ນອກນີ້ ຍັງຕິດຕາມຄຸ້ມຄອງ, ກວດກາການນຳໃຊ້ ພາຫະນະ, ສ້ອມແປງ ອາວຸດ-ລູກກະສູນ, ບົວລະບັດຜັດເຊັດ ຖືກຕ້ອງຕາມລະບຽບການ, ຮັບປະກັນໃຫ້ແກ່ການເຝຶກແອບຮ່ຳຮຽນ ແລະ ຍັງມີວຽກງານອື່ນຂອງກົມກອງກໍ່ມີຜົນສຳເລັດເປັນຢ່າງດີ ຈາກຜົນງານດັ່ງກ່າວ ສາມາດຕີລາຄາຄຸນນະພາບພະນັກງານແຂງໄດ້ 100%, ກອງປະຊຸມຍັງໄດ້ຜ່ານທິດທາງແຜນການໃນຕໍ່ໜ້າ ແລະ ພ້ອມກັນປະກອບຄຳເຫັນ ແລກປ່ຽນ ບາງເນື້ອໃນ ເພື່ອໃຫ້ບົດສະຫຼຸບ ແລະ ທິດທາງແຜນການສົມບູນຂື້ນຕື່ມ. ໂອກາດດັ່ງກ່າວສະຫາຍ ພົນຈັດຕະວາ ວົງມະນີຈັນ ສາມາວົງ ຍັງໄດ້ເນັ້ນໜັກໃຫ້ ຄະນະບັນຊາ, ພະນັກງານ-ນັກຮົບທົ່ວຫ້ອງເຕັກນິກ ຈົ່ງພ້ອມກັນຍົກຄວາມຮັບຜິດຊອບຕໍ່ໜ້າທີ່ວິຊາສະເພາະ, ໃນການນຳໃຊ້ການຄຸ້ມຄອງ, ປົກປັກຮັກສາ ພາຫະນະ, ອາວຸດ-ລູກກະສູນ ໃຫ້ຖືກຕ້ອງກັບຂໍ້ກຳນົດ, ຖືກກັບເຕັກນິກ, ວິທະຍາສາດ ແລະ ປົກປັກຮັກສາ ຮັບປະກັນຄຸນຄ່າກັບການໃຊ້ງານໃຫ້ໄດ້ຍາວນານ, ປັບປຸງແບບແຜນວິທີເຮັດໃຫ້ສອດຄ່ອງ, ໃຫ້ມີທ່າດີຂື້ນເທື່ອລະກ້າວ,ປະຕິບັດລະບອບ, ລະບຽບ, ຂໍ້ກຳນົດ ແລະ ມະຕິຄຳສັ່ງ ຂອງຜູ້ບັນຊາຢ່າງເຂັ້ມງວດ. ພ້ອມກັນ ປະກອບສ່ວນຢ່າງຕັ້ງໜ້າເຂົ້າໃນຂະບວນການຕ່າງໆຂອງກົມກອງ ແລະ ນຳເອົາເນື້ອໃນ ແຜນການໄປຈັດຕັ້ງປະຕິບັດໃຫ້ປະກົດຜົນເປັນຈິງ. ໂດຍ: ຄຳແປງ ຟອງສາຍໄໝ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ