ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

​ສປປ ເກົາຫຼີ ຢັ້ງຢືນ​ການ​ຍິງ ICBM Hwasong-18
ເວລາອອກຂ່າວ: 2023-12-21 09:52:53 | ຜູ້ຂຽນ : admin3 | ຈຳນວນຄົນເຂົ້າຊົມ: 52 | ຄວາມນິຍົມ:



ຕາມ​ຂ່າວສານ​ຊິນ​ຮວາ​ລາຍ​ງານ​ວັນ​ທີ 20 ທັນວາ ນີ້, ເມື່ອ​ວັນ​ທີ 19 ທັນວາ, ​ສປປ ເກົາຫຼີ ໄດ້​ຢັ້ງຢືນ​ວ່າ: ລູກ​ສອນ​ໄຟ​ທີ່​ປະເທດ​ນີ້​ຍິງ​ກ່ອນ​ນັ້ນ​ໜຶ່ງ​ວັນ ແມ່ນ​ລູກ​ສອນ​ໄຟ​ນຳ​ວິຖີ​ຂ້າມ​ທະວີບ Hwasong-18. ການ​ ຍິງທົດລອງຄັ້ງນີ້ມີ​ຂຶ້ນ​ໃນ​ເວລາ​ທີ່ ສ ເກົາຫຼີ, ອາ​ເມ​ຣິ​ກາ ແລະ ຍີ່ປຸ່ນ ເລີ່ມ​ຜັນ​ຂະຫຍາຍ​ລະບົບ​ແບ່ງປັນ​ຂໍ້​ມູນ​ກ່າວ​ເຕືອນ​ລູກ​ສອນ​ໄຟ​ຕາມ​ເວລາ​ຕົວ​ຈິງ.       ຕາມ​ສຳນັກ​ຂ່າວສານ​ແຫ່ງ​ລັດ ​ສປປ ເກົາຫຼີ ແລ້ວ, ການ​ນຳ ​ ສປປ ເກົາຫຼີ ທ່ານ ຄິມ​ຈອງ​ອຸນ ໄດ້​ຕິດຕາມ​ການ​ຍິງ​ລູກ​ສອນ​ໄຟ Hwasong-18 ຢູ່​ສະຖານທີ່​ທາງ​ທິດຕາເວັນອອກ​ຂອງ​ນະຄອນຫຼວງ ພຽງ​ຢາງ. ​ສປປ ເກົາຫຼີ ໄດ້​ຖະແຫຼງ​ເຫດ​ຍິງ​ລູກ​ສອນ​ໄຟ​ຫຼ້າ​ສຸດ​ນີ້​ໄດ້​ສົ່ງ​ສານ​ຢ່າງ​ຈະແຈ້ງ​ກ່ຽວ​ກັບ​ປະຕິກິລິຍາ​ທີ່​ແຂງ​ແກ່ນ​ທີ່​ສຸດ​ຂອງ ​ສປປ ເກົາຫຼີ ຕໍ່​ທຸກໆ​ການ​ກະທຳ​ເກາະ​ຜິດ. ກ່ອນ​ໜ້າ​ນັ້ນ, ອາ​ເມ​ຣິ​ກາ, ສ ເກົາຫຼີ ແລະ ຍີ່ປຸ່ນ ໄດ້​ກ່າວ​ປະ ນາມ​ເຫດ​ຍິງ​ລູກ​ສອນ​ໄຟ​ຂອງ ​ສປປ ເກົາຫຼີ, ຕຳ​ນິ​ຕິຕຽນ​ວ່າ​ນີ້​ແມ່ນ​ການ​ກະທຳ​ລະເມີດ​ບັນດາ​ມະຕິ​ຂອງ​ສະພາ​ຄວາມ​ໝັ້ນຄົງ ​ສປຊ. ຕາມ​ຄຳ​ຮຽກຮ້ອງ​ຂອງ ອາ​ເມ​ຣິ​ກາ, ຄາດ​ວ່າ: ສະພາ​ຄວາມ​ໝັ້ນຄົງ ​ສປຊ ຈະ​ຈັດ​ກອງ​ປະຊຸມ​ດ່ວນ​ໃນ​ມື້ນີ້​ເພື່ອ​ປຶກສາ​ຫາລື​ກ່ຽວ​ກັບ​ບັນຫາ ​ສປປ ເກົາ ຫຼີ. ນີ້​ແມ່ນ​ຄັ້ງ​ທີ 5 ໃນ​ປີ​ນີ້ ທີ່ ສປປ ເກົາຫຼີ ຍິງ​ລູກ​ສອນ​ໄຟ​ນຳ​ ວິຖີ​ຂ້າມ​ທະວີບ ເຊິ່ງເປັນປະ ເທດ ທີ່​ຍິງ​ລູກ​ສອນ​ໄຟ​ນຳ​ວິຖີ​ຂ້າມ​ທະວີບ​ຫຼາຍ​ທີ່​ສຸດ​ໃນ​ປີ​ໜຶ່ງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ